کورتیەکێ ژ رێباز ورێکا سەلەفێ صالح بزانە

یا ھەژییە مروڤێ موسلمان ئەوێ خودێ ئەو راستە رێ کری، بوو رێباز ورێکا سەلەفێ صالح، کو پێکھاتیە :

ژ رێکەکا راست ودروست وتمام، بو عیبادەتکرنا خودێ تعالی، وئەو رێبازەکا دیرە وپاراستیە ژ زێدەکرنێ، وزێدەگاڤیێ، و ژ کێمکرنێ، وسستاھیێ، ھەروەسا رێبازەکا دیرە ژ توندرەویێ، وتەکفیکرنا کورە، 

وئەو بەرژەوەندیێن گشتی ویێن مەزن سەردئێخیت وەکی : پاراستنا دین وئامانەتێ ومال ونەفس ونامیسێ، رێبازەکا ناڤنجیە یا خودێ وپێغەمبەر ﷺ ژێ رازی.

وئەو روناھیە بو ھەر دلەکێ تاری، ودەرمانە بو ھەر ھزرەکا نەساخ، ودەرمانە بو ھەر دەردەکێ، وچارەیا ھەر کێشەکێیە، سەفینا رزگاربونێ یە ژ پێلێن فتنان، ورێکا زانین وکارپێکرنێ یە، ورێزگرتن وقەدرگرتنا زانین وزانایایە، 

وپیروزکرنا دەقێن قورئانێ وسونەتێ یە، کو چ ئاخڤتن، وھزر  وبوچوونا لسەر وان نائێخن، وچ تێگەھشتنا لسەر تێگەھشتنا سەحابیان بو قورئانێ وسونەتێ نائێخن.

وباوەریێ ب ھەر سحبەتەکا " غەیبی " دئینن کو د قورئانێ، یان د سونەتا پێغەمبەری ﷺ دا بنەجھ ببیت، وئەو باوەریێ ب ھەمی ناڤ وسیفەتێن خودێ تعالی یێن پاقژ وبلند دئینن، وەکی خودێ بەحس کری، 

وئەزمانێ وان لسەر ھەڤالێن پێغەمبەری ﷺ پاراستیە، ژبلی پەسن وباشیێ ئەو ب چ شێوێن کرێت، وکێم بەحسا کەس ژوان ناکەن، وگوھداریا دەستھەلاتدار وکاربدەستێن خۆ دکەن لسەر باشیێ، 

وئەھا ئەڤە یە ئەو دینێ راست وموکم، وئەگەرێ دلخوشی وبەختەوەرییا دونیایێ وئاخرەتێ یە، وئەو دینە یێ خودێ پێغەمبەرێ خۆ پێ ھنارتی وپێغەمبەری ﷺ سەحابیێن خۆ لسەر ھێلاتی. 

لەوما دڤێت دوو کار بەرامبەر ڤێ چەندێ بھێنە کرن : 

١- سوپاسیا خودێ لسەر ئەڤێ نیعمەتێ. 

٢- دوعایێن راگرتنێ لسەر ئەڤێ نیعمەتێ.