ئەو خۆ پاراستن ویاسایێن پێتڤیە ھەر موسلمانەکێ عاقلدار بزانیت ل دەمێن فتنێ، وپێ دین ونەفس ومالا خۆ پارێزیت:

دیڤچوونا ھەستێن دلی نەکە، بەلکی ب شەریعەتیڤە گرێدە، خۆ پشت راست بکە لدەمێ ڤەگوھاستنێ، ولەزاتیێ نەکە، و ھشیاربە ژ نەزانینێ، وگرنگیەکا زێدە بدە زانین وفێربوونێ.

لدەمێ نە وەکھەڤیێ (خیلافێ) ھشیاربە تۆ قەستا کەسانێت بچیک بکەی، بەلکی قەستا زانایێن مەزن بکە. ت.ب: بچیک بو کەسانێت کێم زانین، وزانایێن ئەھلێ بیدعێ ژی دھێت.

ھشیاربە ژ تشتێن نویکەر، ویێ دەستگرتی بە لسەر سونەتێ، ھەروەسا ھشیاربە ژ نێزیکبوونا فتنێ، وخۆ ژێ دویر بێخە، وبزانە رێگرییا فتنێ، ساناھیترە ژ راکرنا وێ. خۆ پاراستن باشترە ژ چارەسەریێ.

وھشیاری بایکێن نەفسێ بە؛ لدەمێ وەرگرتنا فەتوایێ، بەلکی وێ وەربگرە یا بەلگە لسەر روھن بوی، لێ ئەگەر تو کەسەکێ سادەیی و " فەتوایێ " لدیڤ حەزوکێن خۆ وەرنەگرە؛ بەلکی چاڤلێکرنا زانایێن ھەرە مەزن، وبەرنیاس بکە.

ھشیاربە ژ وەرگێرانێ وگوھورینێ، وخۆ راگرە لسەر دینی ب ڕوناھیا قورئانێ وسونەتێ، وبەرھنگاریا دەقێن شەرعی نەکە ژبەر یا تە دڤێت، بەلکی یا تە دڤێت راستە ڕێ بکە دگەل یا دگونجیت ژ دەقێن شەرعی.

ھشیار ژێکڤەبوونێ بە، وبمینە دگەل کوما موسلمانا، ھشیاری زورداریێ، وخرابیێ، وئەشکەنجەدانێ بە، بمینە دگەل دادیێ وخەلکێ وێ، وباشیێ وخەلکێ وێ.

داخوازیا "فتنێ" نەکە بەلکی خۆ بخودێ پارێزە ژ خرابیا وێ، سەردەنەچە ب جوانی وخەملاندنا سەرڤەییا فتنێ، بەلکی بەرێ خۆ بدە راستیا فتنی؛ ب ڕوناھیا دیتنا دلێ مروڤێ باوەردار.

ھەروەسا ھشیاربە ژ زێدەگاڤیێ ودەربازبوونا توخیبان وبمینە لسەر رێکا " راست وناڤنجی " ویێ ھشیاربە ژ بێ دلیێ، و دل ھێلانێ، و مافێ خودان مافان بدە، وھشیاربە ژ کورتە دیتنێ، وحەقیێ ژ بنەما وشینوارێن وێ یێن دروست بزانە.

فضيلة الشيخ سليمان الرحيلي حفظه الله من شرح كتاب الفتن وأشراط الساعة من صحيح الإمام مسلم الشريط 24