ما چ بڪەم خەلڪ هەمی د هوسانە!! 

گەلەڪ جاران دەمێ دگەل ڪەسەڪێ دئاخڤی لسەر هندەڪ بابەتان دێ بێژیت ما چبڪەم نە ئەز بتنێ هوسامە خەلڪ هەمی هوسانە، ڪادا ئەم سەحڪەینە قورئانێ ولێبگەرین لدەمێ بەحسا پەیڤا زوڕینەیا خەلڪێ دهێت چ دبێژیت:

{أَكْثَرَهُمْ لَا يَعْلَمُونَ} [یونس: 55]
ئانڪو: پتریا وان نەفامن و نەزانن

{أَكْثَرَهُمْ لَا يَشْكُرُونَ} [النمل: ٧٣]
ئانڪو: پتریا وان نە سوپاسگوزارن

{أَكْثَرُهُمْ لَا يُؤْمِنُونَ} [البقرة: ١٠٠]
ئانڪو: پتریا وان نە باوەردارن

{أَكْثَرَكُمْ فَاسِقُونَ} [المائدة: ٥٩]
ئانڪو: پتریا وان یێ ژبن ئەمرێ خودێ دەرڪەتین

{أَكثَرَهُم يَجهَلُونَ} [الأنعام: ١١١]
ئانڪو: پتریا وان نەزانن و جاهلن

{أَكثَرُهُم لاَ يَعقِلُونَ} [الحجرات: ٤]
ئانڪو: پتریا وان ئاقلێ خۆ بڪار نائینن

ل ڤێرێ بۆ مە دیار دبیت ڪو چ جاران زوڕینەیا خەلڪێ نا بیتە بەڵگە ل سەر دروستییا تشتی، ونە مەرجە هەمی گاڤا پتریا خەلڪێ ل سەر ڕاستیێ بن، ئەڤە گەلەڪ لایەنێن ژیانی ڤەدگریت و ئەڤ هێجەتە ل دەڤ خودێ ناخوت ئەگەر هەمی مروڤایەتی لسەر خەلەتییێ بن نابیتە ئەگەر حسابا مە نەئێتە ڪرن و مروڤ قورتال ببیت.
بەلکو پێتڤیە مروڤ لدویڤ ڕاستیێ بگەریت و خۆ ڕادەست بکەت ئەگەر چەند زورینەیا خەلکێ وەنەکەن ژی. 

خودێ تەوفیقا مە بدەت و بەرێ مە بدتە وێ ڕێکێ و ڕێبازێ یا ئەو پێ ڕازی، ئەگەر تە مفا ژێ دیت مە ژ دوعایێن خۆ بێ بەهر نەڪە.