ئەرێ حالێ پێغەمبەرێ مە یێ خوشتڤی ﷺ د ڕەمەزانێ یێ چاوا بوو؟

1. پێغەمبەرێ مە یێ خوشتڤی ﷺ حەز ژ ڕەمەزانێ دکر، وب مەزن ددانا، وکەیفا وی پێ دهات، وهندەک پەرستن تێدا دکرن کۆ د غەیری وێ دا نە دکرن.
2. پێغەمبەرێ مە یێ خوشتڤی ﷺ ل دەمێ هەیڤ دیتبا دوعا دکرن، ودگۆت: الله أكبر، اللهم أهله علينا بالأمن والإيمان، والسلامة والإسلام، والتوفيق لما تحب ربنا وترضى، ربنا وربك الله.
3. پێغەمبەرێ مە یێ خوشتڤی ﷺ مزگینی ب هاتنا وێ ددا صەحابیێن خۆ ، وبۆ وان مەدحێت وێ دکر، وهان ددان کۆ پڕ بکەن ب پەرستنان، وخو دویر بێخن ژ گۆنەهان .
4. پێغەمبەرێ مە یێ خوشتڤی ﷺ بۆ صەحابییان ئەحکامێت وێ دیار دکرن، چ وی لنک خۆ بۆ وان گۆتبا، یان بەرسڤا پرسیارێن وان ددا یێن گرێدای ڕەمەزانێ.
5. پێغەمبەرێ مە یێ خوشتڤی ﷺ ڕوژا وێ یێ ب ڕوژی بوو ، وشەڤا وێ ژی زیندی دکر، وهندەک ژ شەڤێن وێ ب جماعەت ژی یێت کرین.
6. پێغەمبەرێ مە یێ خوشتڤی ﷺ دڤێ هەیڤێ دا دگەل جبریلی سلاڤ لێ بن قورئان دخاند.
7.پێغەمبەرێ مە یێ خوشتڤی ﷺ مەردترین کەس بۆ تێدا ب قەنجی و چاکیێ، و زانین ومالێ خۆ و دەمێ خۆ.
8.پێغەمبەرێ مە یێ خوشتڤی ﷺ لەزدکر دفتارە خوارنێ دا، وخۆ گیروکر دکر د خارنا پاشیڤێ دا.
9.پێغەمبەرێ مە یێ خوشتڤی ﷺ ژبەری نڤێژا مغرب فتارە دکر، ژ نوی نڤێژا خۆ ب جەماعەت ل مزگەفتێ دکر.
10.پێغەمبەرێ مە یێ خوشتڤی ﷺ ل دەمێ فتارەکرنێ دوعا دکرن ودگۆت: هب الظمأ وابتلت العروق، وثبت الأجر إن شاء الله، اللهم إني أسألك برحمتك التي وسعت كل شيء أن تغفر لي.
11.پێغەمبەرێ مە یێ خوشتڤی ﷺ پاشیڤا خۆ ب چەند قەسپەکا دکر.
12.پێغەمبەرێ مە یێ خوشتڤی ﷺ حەزدکر فتارا خۆ ب چەند ڕوطەبا بکەت، هەکە نەبان دا چەند قەسپەکا خۆت، وهەکە ئەوژی نەبان دا فتارا خۆ ب ئاڤێ شکێنیت. 
13.پێغەمبەرێ مە یێ خوشتڤی ﷺ زێدەگاڤی نە دکر د ڕەمەزانێدا د خارن و ڤەخارنێدا
14.پێغەمبەرێ مە یێ خوشتڤی ﷺ ئیعتیکاف ددەهکێن دوماهیێ دا دکر (ئانکۆ ما ل مزگەفتێ و نەدهاتە مال ب ئنیەتا پەرستنێ)
15.پێغەمبەرێ مە یێ خوشتڤی ﷺ ل شەڤا لیلە القدر دگەریا دا بکەڤیتە بەر خێرا وێ.
16.پێغەمبەرێ مە یێ خوشتڤی ﷺ د چوو جیهادێ وشەری هەکە هەبان.
17.پێغەمبەرێ مە یێ خوشتڤی ﷺ هەکە کارەک د ڕەمەزانێدا ژدەست چووبا سالا دیڤدا قەرەبوو دکر.
18.پێغەمبەرێ مە یێ خوشتڤی ﷺ یێ ڕژد لسەر هندێ کو گەلەک عیبادەتی بکەت، سەرەرای هندێ کۆ ژیێ وی مەزنتر لێ دهات.
19.پێغەمبەرێ مە یێ خوشتڤی ﷺ ڕوژیێ مەنعا وی نەدکر کۆ ژنکێت خۆ ماچ نەکەت وئەو یێ ب ڕوژی، بەلێ دشیا خۆ و کۆنترول لسەر خۆ دکر.
20.پێغەمبەرێ مە یێ خوشتڤی ﷺ  ڕوژیێ مەنعا وی نە دکر کۆ حیجامێ چێنەکەت، وئەو یێ ب ڕوژی.
21.پێغەمبەرێ مە یێ خوشتڤی ﷺ دسەفەرێ دا ڕوژی دگرتن و دخارن ژی، ل گور پێچێبوون وکارێ وی ، و وان کەسێن دگەل وی ژ مروڤان
22.پێغەمبەرێ مە یێ خوشتڤی ﷺ هەکە کەفتبا ددەهکێن دوماهیێ دا، خۆ گەلەک ب پەرستنێ د وەستاند پتر ژ وەختێن دیتر، شیتکا خۆ گرێددا (یان خۆ ژ ژنکێن خۆ دویر دئێخست) وشەڤا خۆ زیندی دکر، وئەهلێ مالا خۆ ژی هشیار دکرن .

ئەڤە هندەک ژ ڕێباز و سوننەتا پێغەمبەرێ مە یێ خوشتڤی ﷺبوو کۆ د ڕەمەزانێ دا، ژ خودایێ مەزن دخازم بەرێ مەژی بدەتە ڤێ چەندێ.