ئەرێ بابەتێن بێپەردەیی دشێن ببنە ئەگەرێ لاوازیا ڕابوونا ئەندامێ نێرینە؟

ئێک ژ ئەگەرێن بەرێخۆدانا بابەتێن بێپەردە ئەڤەیە ئەو وەک چارەسەریەکێیە بۆ وان کەسێن ئاریشە هەین ل دۆر حەزا سێکسی و حەزا وان یا کێمە و ئاریشەیا ڕابوونا ئەندامێ نێرینەیی ل دەڤ وان هەیە، ڤێجا خۆ دبینن ئەڤە کێماسیەکە د ڤێت چارە بکەن، لەوا ل شوینا ئەو ل چارەسەریەکا زانستی بگەرن دێ ل دویڤ بابەتێن بێپەردە چن و بەرێ خۆ دەنێ و ئەڤ چەندە بخۆ ئەگەرە بۆ لاوازیا رەقبوونا ئەندامێ نێرینەیی و ئاریشێن سێکسی.

و ژ بەر کو بابەتێن بێپەردە ئەگەرن بۆ ڕانەبوونا ئەندامێ نێرینە، ڤێجا دا کو ئەڤ بکارئێنەرێ بابەتێن بێپەردە ل دەمێ پەیوەندیێ د گەل خێزانێ بشێت پاراستنێ ل سەر ڕەقبوونا ئەندامێ خۆ بکەت ب مخابنی ڤە گەلەک جارا دێ د هزرێن وان بابەتێن بێپەردەدا یێ بەردەوام بیت و نزانیت کو ئەو ئەگەرن بۆ لاوازیا ئەندامێ وی نەکو چارەسەری.

بکارئێنەرێ بابەتێن بێپەردە پشتی دەمەکی دێ زەحمەتیێ د ژیانا خۆ یا هەڤژینیێ یا سروشتیدا بینیت، ڤێجا دێ پێدڤی ب هندێ بیت پتر خۆ بوەستینیت و کاربکەت ل سەر وان تشتێن کو بەری نوکە ئەو ل سەر ڕانەهاتیە، وی وەسا هزر کریە ئەو تشتێن ژیانا وی یا سروشتیدا دێ وەکی وان تشتابیت یێ د بابەتێن بێپەردەدا دیتی، لەوما هەتا بشێت وی ئاستێ خۆشییێ د ژیانا خۆ دا ب دەستخوڤە بینیت، دێ پێدڤی ب هاندانا هزر و لەشی بیت هەتا بگەهیتە وێ حەز و ئازراندنێ.