ڤەکولینەکا مەزن دیاردکەت کا زارۆک چ ژ بابەتێن بێپەردە دبینن و دزانن!

کومەڵا نیڤ دەولەتی (NSPCC) یا توندوتیژییا دژی زارۆکان ل دویماهییا سالا 2016 ڕابوو ب ئەنجامدانا ڕاپرسییەکێ ل سەر پتر ژ 1000 زارۆکێن ژییێ وان د ناڤبەرا 11 هەتا 16 ساڵییێدا، دیارکر کو ب کێمی نیڤا ڤان زارۆکا یێن تووشی تەماشەکرنا بابەتێن بێپەردە بووین ب رێکا ئینتەرنێتێ، و ژوان زارۆکێن تووشی ڤێ چەندێ بووین نێزیکی 94% ل ژییێ 14 ساڵییێ یا تەماشەی ڤان بابەتان کری.

ناڤەندا بریتانی هەڤکاری د گەل زانکویا میدلسکس کر داکو ب شیوەکێ بەرفرەهتر کاریگەرییا بابەتێن بێپەردە ل سەر زارۆکان بزانن، کو مەزنترین ڤەکولین بو وان ئەنجامدای.

کاریگەرییا بابەتێن بێپەردە ل سەر زارۆکان گەلەک ب ڕۆهنی یا دیاربوو، چەندین زارۆکان دیارکر کو وان دڤێت وی تشتی ئەنجامبدەن یێن وان د ڤیدیویاندا دیتی. پتر ژ سێیەکا وان 39% زارۆکێن دانپێدان ب ئەڤێ چەندێ کری ژییێ وان د ناڤبەرا 13-14 ساڵییێدابوو، و 21% وان زارۆکێن ژییێ وان د ناڤبەرا 11-12 ڤیا لاساییا وان کریاران بکەن یێن وان د ڤیدیویێن بێپەردە دا دیتی.

تە پشکا گرنگ دڤێت؟
زارۆکان ئەڤ بەرسڤە دان سەرەرای وێ چەندێ کو پتری 3/4 ژ زارۆکان ل سەر وێ چەندێ د رێککەڤتینە کو بابەتێن بێپەردە هاریکارییا وان ناکەن بو تێگەهشتنا وێ چەندێ کو پێدڤییە رێککەڤتن د ناڤبەرا هەردوو لایاندا هەبیت د پەیوەندییا سێکسیدا.

ڤەکولینێ دیارکر کو زارۆک ب ڕێکەڤت (سودفە) بابەتێن بێپەردە دبینن پتر ژ هندێ کو ئەو بخو لێبگەرن، ئانکو د گەل وێ ژمارا مەزن یا مالپەرێن بێپەردە د راستیدا یا ب ساناهییە زارۆک ب ڕێکەڤت مالپەڕەکێ بێپەردە ببینیت و پاشی ئەو بخۆ ل هندەک مالپەڕێن دی بگەریت، نێزیکی 2/3 ژ زارۆکان جارا ئێکێ ل ماڵ ڤان بابەتان دبینن. ئێک ژ ڤەدیتنێن ترسناک دیارکر کو پتری نیڤا زاروکێن بەشداری د ڕاپرسییێدا کری (53%) ل وێ باوەریێ بوون کو ئەوا وان د ڤیدیویێن بێپەردە دا دیتی ڕاستییە و وەسفا دروست یا سێکسێیە.

ئەڤە بەرامبەر ڕێژا 39% ژ کچان کو هەمان هزر دکەن، و گەلەک ژ وان کچێن پشکداری د ڕاپرسییێدا کری دیارکر کو ئەو دترسن ژ وێ گوهۆرینا بابەتێن بێپەردە ل دۆر کچان د هزرا کوراندا چێکری و ژ  گوهۆرینا باوەری و هزرا کوران دەربارەی سێکسێ.

ڤەدیتنەکا نە (موفاجئ) پلەدارییا سروشتییا تەماشەکرنا بابەتێن بێپەردە دیارکر، زارۆکان دیارکر کا چاوا د گەل بورینا دەمی هەستێن وان هاتنە گوهۆرین، 27% ژ زاروکان د گشتپرسیێ دا دانپێدان کر کو دەمێ وان بو ئێکەم جار تەماشەی ڤیدیویێن بێپەردە کری هەست ب شوکێ کر بەلێ پشتی هینگی ب تنێ 8% هەر ئەو هەست ل دەڤ ما پشتی تەماشەکڕنا جارا ئێکێ، بەلێ بوچی ئەڤە نە یا (موفاجئە)؟ چونکی ئەڤە سروشتێ ئیدمانێیە.

ژێدەر:

https://www.childrenscommissioner.gov.uk/wp-content/uploads/2017/06/MDX-NSPCC-OCC-Online-Pornography-Report.pdf