ڤەکولینەک: ل ویلایەتێن ئێکگرتی هەر پێنچ ڕۆژان سنێلەیەک یێ خۆ دکوژیت و ئەگەر تورێن جڤاکینە!

ڤەکولینەک کو ناڤەندا کونترولکرنا نەخۆشییان و ڕێگریکرن ل نەخوشییان پێ ڕاببوو دیارکر کو ل ویلایەتێن ئێکگرتی هەر پێنچ ڕۆژان سنێلەیەک یێ خۆ دکوژیت.

لاین ستینسکی (رێڤەبەرێ هشیارکرنا جڤاکی ل ناڤەندا هشیارکرنا دژی خۆ کوشتنێ) دبێژیت: ب تایبەتی ل ویلایەتا ویسکونسین، مە تێبینییا ڕێژەکا زێدەتر یا خۆ کوشتنێ کر د ناڤ سنێلەیاندا.

ل دویڤ ڕاپورتا نەخۆشخانا زارۆکا ل ویسکونسینێ، ڕێژا خۆ کوشتنا سنێلەیێن ویسکونسینێ سێ جاران پترە، و پتری 2000 زارۆکێن د بن ژییێ 13 سالیێدا ل 20 سالێن بوری یا خۆ کوشتی.

کەسێن شاڕەزا دبێژن کو ڕێژا پتر یا گرێداییە ب بکارئینانا تورا ئینتەرنێتێڤە. و ستینسکی ژی ڤێ چەندێ ب بکارئینانا تورێن جڤاکیڤە گرێددەت، کو تێدا بەرسڤدانا کەسەکی د گەل کەسەکێ دی كێم دبیت و ئەڤە یا هاریکارە بۆ گەشەکرنا ڤێ ئێشێ و بەلاڤبوونا وێ.

ئێدی زاروک پشت بەستنێ ل سەر تلەفونێن خۆ و پروگرامێن خۆ دکەن، ژبەر هندێ ئێدی نیشانێن بێهیڤیبوون و شکەستنێ یێن بەڵاڤبووین: ئانکو ئەو کەس خۆ ڤەدەر دکەت و کێمتر د ئاخڤیت.

تایبەتمەندێن بوارێ ساخلەمییا مێشکی ئەڤ نیشانە ل دەڤ کەسێن پێگەهشتی یێن بچویک دیتن بەلێ د ماوێ سالێن بەڕی نوکە دا ئەو ژییێ ئەڤ نیشانە ل دەڤ پەیدابووین بچیکتر یێ لێهاتی، ئانکو زارۆکێن ژییێ بچویکتر ئەڤ نیشانە ل دەڤ دیاردبن.

و ستینسکی دیاردکەت کو د ماوێ سالێن بوریدا مە دیت کو ئەو کەسێن خۆ دکوژن یێ ل وێ باوەرییێ کو ئەڤە باشترین رێکە بۆ وان و چ جاران تشت باشتر لێناهێن، ژبەرکو ژ راستا وان مێشکەکێ ساخلەم نینە کو هزرا خۆ د سوباهی یان دوزبا دا بکەن، و ئەو ب تنێ د وی دەمیدا دژین.

ژێدەر:

https://www.wbay.com/content/news/CDC-1-adolescent-suicide-every-5-days-in-US-440586633.html