و من زانی کو ئەو ژیانا ئەز خەونا پێڤە دبینم  د گەل هەبوونا بابەتێن بێپەردە بجهـ ناهێت!

✍️ کەسەکێ کو بەری هنگی ئیدمانا بەرێخودانا بابەتێن بێپەردە ل دەڤ هەی دبێژیت: (ئێدی ئەز ئاریشا خۆ یا ئیدمانا تەماشەکرنا بابەتێن بێپەردە وەک وەسواسا شەیتانی نابینم، و ئەز نابێژم ئەو دەربرینێ ژ گوننەهـ و خەلەتیێن من دکەت، بەلێ ئەز دزانم کو من پێدڤییەکا مرۆڤی یا سروشتییا هەی بۆ پەیوەندییەکا دلینییا گەرم بەلێ ئەز یێ ل سەر رێکەکا خەلەت دچم، ژبەرکو سەرەدانکرنا مالپەرێن بێپەردە نەریتەکێ خراب و ب زیانە کو یێ بهێز کەڤتی ژ ئەگەرێ ڤەگوهێزەرێن دەماری ئەوێن دهێنە دەرئێخستن ژلایێ مێشکیڤە، و ئەو نە تشتەکێ ڤەشارتییە، من زانی کو من شیانێن هەین کونترولێ ل سەر رەفتارێن خۆ بکەم... و من وەکر، و من زانی کو ئەو ژیانا ئەز خەونا پێڤە دبینم د گەل تەماشەکرنا بابەتێن بێپەردە یێن سێکسی بجهـ ناهێت.

ژبەر هندێ من بریارەکا گرنگدا ئەوژی من بریاردا ئەز ئێدی تەماشەکرنا وان بهێلم، و ئەڤە نە یا ب ساناهی بوو.

سەرکەڤتنا من د کونترولکرنا ڤێ رەفتارێ دا باوەرییەکا مەزندا من کو د هندەک هەڤرکیێن دی ژیدا ب سەرکەڤم، و ئەڤەی دەمێ من دەست ب چارەسەریێ کری بەری 90 رۆژان: نێزیکی 10 کیلویان ژ کێشا من هاتنە خوار، و ئێدی من دەست ب ئەنجامدانا ئارەزویێن خۆ کر و من کچەکا گەلەک باش نیاسی، ئەز بەحسا هێزەکا د سەر سروشتیدا ناکەم، ژبەرکو ئەڤ هێزە هەمی یا من بوو بەلێ هەمی بەرزەببو د ناڤ ڤێ رەفتارا کوژەکدا. پشتی چارەسەربوونێ باوەرییا من ب شیانێن من زێدە بوو، و ئێدی ئەز حەز ژ خۆ دکەم و رێزێ ل خۆ دگرم، ئەز ئێدی هەست ب پەشیمانیێ ناکەم دەمێ تەماشەی خودیکێ دکەم، و ئەز دبێژم ئەڤە ئەو هەستێ سروشتییە یێ پێدڤییە هەر مرۆڤەک هەست پێ بکەت، من گەلەک دەم ژ خۆ کر و ئەز هەست ب شەرمێ و پەشیمانیێ و گوننەهێ دکەم، بەلێ نوکە ئەز ب وژدانەکا پاقژ تەماشەی پاشەرۆژێ دکەم و ئەز حەز ژ ژیانێ دکەم).