ڤەکولینەک دیاردکەت کا بۆچی زەلام تەماشەکرنا بابەتێن بێپەردە د داننە بەری هەڤژینیێ!

تیمەکا ڤەکولەران ئەنجامێن ڤەکولینا خۆ ل ئەلمانیا بەلاڤکرن و تێدا دووپاتکر کو بلندبوونا ڕێژا ڤیدیویێن سێکسی یێن بەلاش و بێبەرامبەر ل سەر ئینتەرنێتی نە ب تنێ ئاستەنگەک بوو د بابەتێ کێمبوونا ڕێژا پێکئینانا هەڤژینییێدا، بەلكی د ڕاستیدا ئەگەرەکێ سەرەکی بوو د ئەڤێ چەندێدا.

ڤەکولین دبێژیت: ئەنجامێن ڤێ ڤەکولینێ بەحسا هەبوونا پەیوەندیەکێ دکەن کو ئەڤ پەیوەندییە گەلەک یا ب هێز و مەزنە.

ڤەکولەران زانیاری ژ ڤەکولینەکا بکوم یا گشتی وەرگرتن، ژ بۆ خواندن و شروڤەکرنا ڕەفتارێن زەلامان ئەوێن ژییێ وان د ناڤبەرا 18 - 35 ساڵییێدا، و ئەو زەلامێن د 30 ڕۆژێن بۆری تەماشەی ڤیدیۆیێن بێپەردە کری، د.مایکل مالکولم پرۆفیسور ل زانکویا ویست شیستر و ئێک ژ ڤەکولەرێن ڤێ ڤەکولینێ گۆت: مە پسیار ژ خۆ کر، ئەو چ تشتە کارتێکرنێ ل بریارا زەلامان دکەت دەربارەی پێکئینانا هەڤژینیێ؟ و وەکی مە هزرکری ئێک ژ ئەگەران تەماشەکرنا بابەتێن بێپەردە بوو.

ژ بۆ پتر خواندنا ڤێ هزرێ ڤەکولەر ڕابوون ب ڕاستڤەکرنا هندەک تشتێن کو دهاتنە هژمارتن وەک کارێکتەرێن سەرەکی بۆ هەڤژینیێ وەکی ژی و داهات و خواندن و ئایین و کار، پاشی ڕابوون ب خوندنا پەیوەندییا د ناڤبەرا تەماشەکرنا بابەتێن بێپەردە و ڕێژا پێکئینانا هەڤژینیێ ل دەڤ 1500 زەلامێن کو ڤەکولین ل سەر هاتییە ئەنجامدان، و ب شێوەکێ مەندەهوشکەر دیاربوو کو هندێ رێژا بکارئینانا ئێنتەرنێتی زێدەبیت رێژا پێکئینانا هەڤژینیێ کێم دبیت.

بەلێ پارچا گرنگتر یا مای: ئەو کەسێن هەڤژینی پێکنەئینای ئەو کارێ پتری هەمییان وان ل سەر ئێنتەرنێتێ ئەنجامددا سەرەدانکرنا مالپەرێن بێپەردەییێ بوو بەرامبەر چالاکی و مالپەڕێن دی وەکی یێن وەرزشێ و دەنگوباسا و ..هتد.

ژێدەر:

https://www.iza.org/publications/dp/8679