ژمارا وان کەسان چەندە ئەوێن تەماشەی بابەتێن بێپەردە دکەن؟
(پترە ژ وێ یا تو پێشبینی دکەی)!

بەری بیست ساڵان ئەگەر تە پەیڤا بێپەردەییی (الإباحیة) د ناڤ جڤاکیدا گۆتبا، دا هەمی وەسا تە بینن کو تو مرۆڤەکێ سەیری، سەرداچووی و هندەک جارا دا هزرکەن تو یێ دینی.

بەلێ نوکە د گەل بەڵاڤبوونا مه‌زن یا ئینته‌رنێتێ و ب بەردەوامی ب ناڤودەنگ ئێخستنا بێپەردەییێ ژ لایێ تۆڕێن جڤاکی و درامایانڤە. ئێدی بێپەردەیی یا بوویە تشتەکێ گەلەک سروشتی.

د دەمێ نوکە دا ب کلیکەکا ب تنێ یا کومپیوتەری تو دشێی بچییە د ناڤ جیهانا بابەتێن بێپەردە دا، ئەوا ب مەزنترین ئێش دهێتە هەژمارتن كو جڤاکێ مە ژ به‌ر دنالیت.

ب ساناهی گەهشتن ب بابەتێن بێپەردە بۆ ئەگەرێ بله‌ز بەڵاڤبوونا وێ ل هەمی جیهانێ. ب کورتی: نوکە بابەتێن بێپەردە ژ هەر دەمەکێ دی پتر یێن بەڵاڤ بووین.

ئەڤە هندەک سەرژمێرییێن مه‌تڕسیدارێن ساڵا بورینه‌، ل دویڤ پیڤەرێ ئێک ژ بەربەلاڤترین مالپەڕێن بێپەردە: 

٭ ب تنێ ل ساڵا 2016؛ 23,000,000,000 کەسان سەرەدانا وی مالپەڕی کرییه‌. ب ڕێژا 729 سەرادان د ئێک چرکە دا ، ئانکو 64,000,000 سەرادان د ئێک ڕۆژ دا، نێزیکی ڕێژا ئاکنجییێن بریتانیا.
٭ د ساڵا بۆریدا 91,980,225,000 ڤیدیو د مالپەڕێ ناڤبریدا یێن هاتینە دیتن، ب ڕێژا 12.5 ڤیدیو بۆ هەر کەسەکی ل سەر ئەردی.
٭ هەروەسا 4,599,000,000 دەمژمێر ژ بابەتێن بێپەردە د ساڵەکێدا یێن هاتینە دیتن، ئەڤە دبیتە بەرامبەر 5,246 چەرخان.
٭ بۆ ساڵا دووێ ل دویڤ ئێکدا ئەو زاراڤێ پتری هەمییان هاتییە لێگەریان و بکارئینان زیناكرنا د گه‌ل مه‌حره‌مان (زنا المحارم) بوو.

ئەڤ سه‌رژمێرییه‌ یا گرێدایی مالپەڕەکێ ب تنێ بوو، پا نوکە مالپەڕێن دی د چاوانە؟ ئاها ئەڤە ئه‌و تشته‌ یێ ئاماژەیێ ددەتە بەلاڤبوونا مەزن و مه‌تڕسیدار یا بابەتێن بێپەردە.

ڤەکولینەک ل ساڵا 2006 هاتبوو ئەنجامدان ل سەر کومەکا مرۆڤێن ژییێ وان د ناڤبەرا (18- 49 ) ساڵییێدا،82% ژوان تەماشەی گوڤارێن بێپەردە دکەن و 84% تەماشەی  فلمێن سێکسی و بێپەردە دکەن و 34% سەرادانا مالپەڕێن بێپەردە ل سەر ئینتەرنێتێ دکەن.

پشتی چەند ساڵه‌‌كێن کێم ژ ڤێ ڤەکولینێ، ئەم دشێین گوهۆڕینا مەزن ببینین، کو ئێدی هەر تشتێ گرێدای ب بابه‌تێن بێپەردەڤە یێ ل سەر ئینتەرنێتێ هەی. و د راستیدا ئەم نفشێ ئێکێینە د جیهانێدا کو ب ڤی شێوه‌یێ بەرفرەهـ سەرەدەریێ د گەل ڤی تشتی دکەین.

سه‌رژمێرییه‌كا دی ل سالا 2006 هاتبوو ئەنجامدان کو دیارکر رێژا 68% ژ تەماشەڤانێن بابەتێن بێپەردە ل سەر ئینتەرنێتێ زەلامن و 13.6%  ژنن، ئەڤە ب هەڤبەرکرن دگەل سه‌رژمێرییا بەربەلاڤترین مالپەرێ بابەتێن بێپەردە ئەم دبینین کو رێژا ژنان یا زێدەبووی، و ئەو مالپەڕ دبێژیت: سێیەکا تەماشەڤانێن بابەتێن بێپەردە ل سەر ئینتەرنێتێ د دەمێ نوکە دا ژنن.

بابەت نە ب تنێ یێ گرێداییە ب کەسێن پێگەهشتیڤە، بەلکو ئێدی چێکرنا بابەتێن بێپەردە زارۆکان ژی دکەتە ئارمانج، ژبەرکو ڤەکولینان دیارکر ئێکەم ژییێ توشبوونێ ب دیتنا بابەتێن بێپەردەڤه‌ ژییێ 11 ساڵییە، بەلێ د گەل بەلاڤبوونا مەزن یا تلەفونێن زیرەک و لاپتوپان و بکارئینانا وان یا ب ساناهی یا پێشبینی کریە ئەڤ ژییه‌ بچویکتر ژی لێ بهێت.

د ڤەکولینەکێدا کو کومپانییا McAfee یا تایبەتمەند ب ئێمناهیا ئینتەرنێتێڤە ل سالا 2007 پێ رابووی دیاربو کو دەلیڤا 1/14 بو هەر زارۆکەکی یا هەی کو ئەو ب خەلەتیڤە بابەتێن بێپەردە ببینیت، ژ ئەنجامێ خەلەت نڤیسینێ.

ژبەر نەبوونا یاسایەکێ کو ڕێکێ ل خەلکی بگریت بو کرین و دروستکرنا مالپەرەکێ دیمەنێن بێپەردە، و ئەوا کومپانیێن بابەتێن بێپەردە دکەن ب تنێ ئەوە هندەک ناڤونیشانێن بەرزە بۆ مالپەرێن خۆ بدانن کو هەر کەسەک ب رێکا خەلەت نڤیسینێ بگەهیتێ، ڤەکولینەک کو ل سالا 2008 هاتبوو ئەنجامدان دیارکر کو 93%  ژ کوران و 62% ژ کچان د ژییه‌كێ بچویک یێ سنێلەییێدا یێن تووشی بابەتێن بێپەردە بووین.

بۆچی بابەت هەتا ڤی راددەی یێ گرنگە؟
ژمارەیه‌کا بێ دویماهیک یا هژمارێن کەسایەتی دیارکر کو بۆ جارا ئێکێ دیتنا بابەتێن بێپەردە ژ لایێ زارۆکانڤە دبیت ببیتە ئەگەرێ ئیدمانێ بوو هەتا هەتایێ.
د ڤان سالێن دوماهییێدا، کومپانییا تەکنولوجیایا ئێمناهییێ بیتدفندر  Bitdefender دووپاتکر کو ژ ڕێژا وان کەسێن د بن ژییێ 18 سالییێدا تەماشەی بابەتێن بێپەردە دکەن 22% ژوان یێ دبن ژییێ 10سالییێدا.
تو دزانی چاوا ئەڤ چەندە رویدا؟ ژبەرکو بابەتێن بێپەردە ئێدی گەلەک یێن بەلاڤ بووین و بهایێن وان د گونجاینە، ئەڤە پتر ژ هەر دەمەکێ دی.
ئەڤ ژیانە گەلەک یا سەیرە، د دەمێن بۆریدا ئەم دترسیاین پەیڤا بێپەردە (ئیباحی) بێژین، بەلێ نوکە ئەم نفشێ ژهەمییان مودمنترین ل سەر بابەتێن بێپەردە.