هندەڪ سیفەتێن جوان د ژنڪێ دا.
 
 بسم الله الرحمن الرحیم

١-شەرما وێ.
٢-ڪێم ئاخفتنا وێ، و هەلبژارتنا وێ ب هویری  یا وێ دڤێت بێژیت، پربێژ نەبیت ب بەرفرەهی بەحسی تشتی نەڪەت ڪو بڪەڤیتە د بیرا بێ بهایێدا ئەڤە ژبلی بێزارڪرنا غیری خو ژی.
۳-ئارامیا دەنگێ وێ.
٤- هەڤسەنگی و رێکوپێکرن و ناڤنجی ڪرنا بەرسڤدان ڪریار و لڤینێت وێ.
٥- سەبر و رازیبوونا وێ، نەهێلانا نەفسا خو بو گازندەڪرنێ و بێزاربون و ئوف ئوفڪرنا بەردەوام. 
٦-سوپاسی و حمدا وێیا بەردەوام بۆ خودایێ وێ.
۷-قناعەتا وێ، چاڤێن خو نابەتە تشتێ خودێ داییە غیری وێ، نابینیت غیری وێ ژێ مرتاحترە یان ڪەیف خوشترە یان بەتال ترە، و ئەو تنێ یا هەژار و بێ هێزە.
٨- چاڤدێرییا وێ ب پاڤژییا وێ، ب هوربینی.
۹-هێزا عەقلێ وێ و حڪمەتا وێ و هێدیبوونا وێ تایبەت دەمێ تەنگاڤیا.
۱۰- هەڤسەنگیا وێ دناڤبەرا سۆز وڤیان و هێزو جورئەتا وێ، دڤێت بزانیت کا کەنگی مالا وێ پێدڤی ب ڤیانا وێ هەیە ، وکیش دەمی مالا وێ پێدڤی ب هێزا وێ هەیە.
۱۱- رێزگرتنا وێ بۆ یێ بەرامبەر و قەدرگرتنا وی یێ پشتی خودێ قەنجی لسەر هەیی.
۱۲-باش برێڤەبرن و چاڤدێریڪرنا وێ بۆ مالا وێ و بەرپرسیارەتیێن وێ بێڪو غافل ببیت ژ لایەڪێ.
۱۳- تێگەهشتن و زانینا وێ ب تشتێ دوروبەڕێ وێ رویددەت .
١٤-زێدەڪرنا زانستێ خویێ شەرعی، و دەمەڪێ  تەرخان بڪەت بۆ خاندنا پەرتووڪان و تێگەهشتن و ژبەرڪرنا بابەتێن گرێدایی شەریعەتی.
١٥- هەمەجورییا پێزانینێت وێ یێت گشتی ومفا دژیانا وێ دا هەبیت، و زیانێ ل ئاخرەتا وێ ژی نەڪەت.
١٦- سەربەخوییا ڪەساتیا وێ، چاڤ ل غیری خو ناڪەت د هەر تشتەڪێ ببینیت د بچیڪی و مەزنیدا.
۱۷- نەرماتی و ئارامی و رێزدارییا وێ، نەڪو وەڪی زەلامان بیت و یا رەق بیت.
۱٨- بلندیا سەنگا وێ ژ هەر تشتەڪێ بێ خێر ژ مودێل و  خەملێ ئەوا عەقلێ ژنڪا هنداڪری و ڪرییە جهێ ترانەپێڪرنێ، نەخاسمە دینێ وان. 
۱۹-دیرڪەفتنا وێ ژ وی شولێ دناڤ ڪچێن رەگەزێ وێ دا بەربەلاڤبووی ژ فندوفێل و تولڤەڪرنێ. 
٢٠- رەسەنی و پاقژییا معدنێ وێ، باشی نەبیت ژێ ناهێتە پێشبینێیڪرن و ترس ژ زیاندانێ ژێ ناهێتەڪرن.
٢١- مانا وێ د مالا وێ دا ژ حەژێڪرن و طاعەتێ بیت، و مژیلبوونا وێ ب نەفسا وێ و مالا وێ ڤە، هێلانا گوت گوتڪان، ڪەربێت خو ڤەناڪەت ب هزرڪرنا ڤێ چ ڪر و یا دی گوت، شول و عەملێ خو ناڪەت ژ ڤێ مالێ بچیتە بۆ مالا دی بێ پیدڤی بڪەت.
٢٢- طاعەتا وێ بۆ وی یێ خودێ ڪریە وەلی ئەمرێ وێ ژ( باب یان هەڤژین یان برا....)  هێبەت مەڪانەتا وان بدەتە وان و نەفسا خو نەڪەتە هەڤڪویف بۆ وان. 
٢٣- پویتەدانا وێ ب هەر ئێڪێ د مالا وێ دا، دانا حەقی وی ب دورستی، نەڪو پویتە ب ئێڪێ بدەت ویێ دێ پشتگوھ باڤێت، بەلڪو چاڤدیرییا هەر هەمیان دڪەت لگۆر پیدڤیا ژیێ وی و نەفسیەت و پێدڤیا وی و حالێ وی وکا حەش چ دڪەت وڪەرب ژ چ ڤەدبن د ئەوا خودێ پێ رازی بیت.
٢٤-  پویتەدانا ب نەڪرنا ئیسرافێ و دەست رێژیێ، د بەرامبەر دا کەسەکا ڪەریمە (مەرد) بیت ددانێ دا باشیێ ب مال خو دڪەت و زەحمەتا خۆ دکەت.
٢٥- ڪەلوپەلێت ناڤ مالا خو هەلدبژێریت و تەرتیب بڪەت هندێ پێدڤیا وێ ، و ب وێ یا هاریڪارییا وێ دڪەت بۆ طاعەتا خودایێ وێ و بورینا ڕۆژا وێ ب وێ یا ساناهی بیت نەڪو ئالوز و موڪلف بیت، وئەڤ نیشان و کەلۆپەلێ وێ لانادان ژ تشتێ ژ هەمیا گرنگتر ئەوێ کۆ خودێ ئەوژبەر ئافراندی کو پەرستنە.
٢٦- ئەگەرێن طاعەت و عیبادەتێ بۆ مالا خو دابین دڪەت ژ بیرئینانێ و دیفچوونێ و هاندانێ و دەمێ وان.
٢٧- گرتن و دیفچوونا وێ بۆ سونەتێ، و دل مانا وێ لسەر سونەتێ و غیرەتا وێ بۆ سونەتێ. 
٢٨- ئیقبالا وێ بۆ عیبادەتا خودایێ وێ، خو پێڤەگرتنا وێ بو ڪرنا هەمی جوڕێت عیبادەتان ژ نڤێژێت فەرز و سونەت و رۆژیگرتن و شەڤ نڤێژ و خاندنا قورئانێ و دانا خێران و زڪر ڪرنێ، هێڤیا ژیانێ وێ تنێ ئەوە ڪو ببیەژ نڤێژڪەران، ژ خو چەماندیان بیت ژ عیبادەتڪەرا بیت بۆ خودایێ خو.
 
خودایێ من ، مە راستەرێ بکەی وسەرکەفتی و سەرفراز بکەی.
وصەلات و سەلام ل سەر پێغەمبەری وبنەمالا وی بن.

نڤێسین: حسانە کچکا محمد ناصرالدین الالبانی

و. شیڤان شێخەمیری.

سێ شەمبی، 28 رەجەبێ 1438هـ