ڤەکولینەک د ئەرشیفێ ڕەفتارا سێکسیدا بەڵاڤبوو، مجلدێ 46 ژمارە 2 لاپەڕە 549 – 559!

ڤەکولینەک بەحسا شوینوارێن بابەتێن بێپەردە یێن نەرێنی دکەت ئەوێن کارتێکرنەکا دومدرێژ ل هەڤژینییێ دکەت.

چەندین ڤەکولین ڕابوون ب خواندنا پەیوەندییا د ناڤبەرا تەماشەکڕنا بابەتێن بێپەردە و جۆرێ ژیانا هەڤژینییێ، و ئەنجامان دا دیارکرن کو پتڕییا جاران بێپەردەییێ کارتێکرنه‌كا نەرێنی ل سەر هەڤژینییێ یا هەی. ئەڤه‌ ڤەکولینا ئێکێ بوو کو پشتبەستنێ ل سەر ئامارێن دومدرێژ بکەت ل سەر ئاستێ وەلاتی بۆ دیارکڕنا وێ چەندێ کا ئەرێ بکارئینانا بابەتێن بێپەردە ب شێوەیه‌کێ بەردەوام کارتێکرنێ ل باشی و خۆشییا پەیوەندییا هەڤژینییێ دکەت، کا ئەڤ کاریگەرییە ژبەر سێکسێ یە یان نە.

مەنهەجێ ڤەکۆلینێ:

ئامارێن ڤێ ڤەکولینێ ب ڕێکا دوو پێلێن وێنه‌یێن ژیانا ئەمریکی (PALS) هاتنە کومکرن ئەوێن ل سالا 2006 و 2012 هاتینە فرێکرن.
 دەربارەی پێلا ژمارە 1: هەڤدیتن هاتە ئەنجامدان د گەل 2610 بەشداربوویان و ئەڤ هەڤدیتنە ل ماڵێن وان هاتنە ئەنجامدان هەر ژ هەیڤا چار هەتا هەیڤا دەهـ سالا 2006. پاشی هەڤدیتن د گەل پشکدارێن پێلا دووێ هاتە ئەنجامدان ژ هەیڤا سێ هەتا هەیڤا نەهـ سالا 2012، کو تێدا هەڤدیتن د گەل 1314 کەسان ب سەرکەڤتیانە هاتە ئەنجامدان. پشتی هەژمارتنا پشکدارێن سالا 2006 ئەوێن مرین یان ئاریشەکا مێشکی بۆ چێبووی، ڕێژا بەرسڤدانا پێلا دووێ بو 53%.
ئەنجامێ ڤێ ڤەکولینێ دەربارەی باشییا پەیوەندییا هەڤژینییێ ژ دوو پسیارا پێک دهات کو ل سالا 2006 و 2012 ژ پشکداران د هاتە کرن: دەربارەی وان هەمی تشتێن هزر تێدا دهاتە کرن، تو چاوا هزرا هەڤژینیا خۆ دکەی؟ ئەو تشتێ د ڤێ ڤەکولینێدا د پێلا ژمارە 1 دا ژ کەسەکی بۆ کەسەکێ دی دهاتە گوهۆرین ژمارا وان جارا بوو یا تێدا پشکداری تەماشەی بابەتێن بێپەردە کری ، و ژ بۆ پیڤانا ڤێ گوهۆڕینێ، پسیار ژ پشکداران هاتە کرن: د ماوێ 12 هەیڤێن بوریدا تە چەند جارا تەماشەی بابەتێن بێپەردە کریە؟

ئەنجام:

ب شێوەیه‌کێ گشتی، ئەو کەسێن خێزاندار ئەوێن ب شێوەیه‌کێ بەردەوام تەماشەی ڤیدیو و دیمەنێن بێپەردە دکر ل سالا 2006 ل سالا 2012 دیارکر کو باشییا پەیوەندییا وان یا هەڤژینییێ گەلەک یا لاوازە، سەرەرای کێمییا رێکخستنێن گرێدای ب ڕاددێ باشییا پەیوەندییا هەڤژینیا بوری و پەیوەندیێن گرێدای پێڤە، بابەتێن بێپەردە نە ب تنێ کارێکتەرەک بۆ ڕازینەبوون ل سەر ژیانا سێکسی و دانا بریارێن هەڤژینیێ ل سالا 2006.

بەلێ ژلایێ کاریگەرییا وێ یا مەزنڤە، زێدە بکارئینانا بابەتێن بێپەردە ل سالا 2006 دووەم بهێزترین کارێکتەرێ کاریگەربوو ل سەر ڕاددێ باشییا پەیوەندییا هەڤژینیێ ل سالا 2012. و دیاربوو کو کاریگەرییا بکارئینانا بابەتێن بێپەردە ل سەر ڕاددێ باشییا پەیوەندییا هەڤژینیێ ب تنێ کاریگەرییا نەرێنی ل سەر زەلامان هەبوو نەک ژنێ.

ژێدەر :

https://link.springer.com/article/10.1007/s10508-016-0770-y