هەستێ ژ هەژیبوونێ

پترترین تشتێ کارتێکرنێ ل پەیوەندیا دکەت، وەل خودانی دکەت کۆ گازندێ و ونەکامی و لۆمێ ژ یێن دی بکەت ، هەستێ ژ هەژیبونێ یە.

ڤێجا هەستی ژ هەژیبونێ چیە؟
هەستێ ژ هەژیبونێ ئەوە مروڤ هەست پێ بکەت کۆ وی ماف یێ هەی ل سەر یێن دی، ڤێجا هەکە ئەوێن بەرامبەر تەلەفونا وی نەکەن یان سەرەدانا وی نەکەن ، یان وی گازی نەکەنە جهەکی ، یان  کۆ زێدە وب گەرمی پێشەوازیا وی نەکەن، ئەڤ چەندە دێ لسەر وی ب نەرێنی (سلبي) زڤرت ، ودێ رابت ب خرابی بەحسێ مڕوڤ و زەمانی کەت ودێ تشتا دڤی دەربارەیدا نڤێسیت

پتریا وان کەسێن دبینم کۆ دئاخڤن و دنڤێسن لسەر کێم وەفاداریێ ونەمانا وێ ، ونەمانا هەڤالینیا دروست، وخرابیا براینیێ ، ل دەمێ دیڤچونا ڤان ئاخڤتنا دکەم دێ بینم کۆ هەمی یا ژ هەستێ ژ هەژیبونێ دزێت.

ڤێجا ئەو کەسێ بدەستێ ڤێ هەستێ بنالیت دێ بینی گەلەک دەڤ گازندەیە بو دەوروبەرێ خۆ ، وگەلەک دڤێت نەفسا خۆ سەربێخیت ، هەر سەرەدەریەکێ بڤی چاڤی و بڤی هەستی دخۆینت، دێ بینی پەیڤەک دێ وی رازی کەت ، وپەیڤەک دێ وی تۆڕە کەت، چنکی وی نەفسا خۆ یا کریە تەوەر (محور) وژ خەلکی دڤێت ل دۆر بزڤرن. 

باوەربکەن ژدل دلێ من گەلەکێ ب وان کەسێن توشی ڤی هەستی بووین دسۆژیت ، چنکی یێ نەفسا خۆ بهێلیتە بهێڤیا خەلکیڤە ، ول هێڤیا هندێ یە کۆ رێز لێ بهێتە گرتن ژدەرڤەی خۆیەتیا وی ، هنگی دێ بوها و قیمەتێ وی گرێدای گێۆل و زەوقێ خەلکی و سەرەدەری وتۆبعەتێ وان بت.

وژبەر هندێ ژ نیشانێت پێگەهشتنێ و باوەری بخۆبونێ ئەوە تۆ خەلکی بهێلیە ل سەر حالێ وان و تۆ بانێ پێشبینیا نزم بکەی، چنکی تێکەلی وپەیوەندیێن دگەل خەلکی گەلەک مفاجئە یێن تێدا ، ڤێجا یا بوتە بهێت دەستکەفتە ، و بانێ داخازیێن خۆ بلند نەکە دێ تۆشی لێکدانێ بی دگەل کەتواری(واقع)ـی
 
تو بخودێ کەی ، دێ چل تە هێت هەکە فلان کەس تە گازی نەکەت، یان ب گەرمی پێشەوازیا تە نەکەن، یان فلان کەس نەهێتە سەرەداناتە ... تشتەک لتە ناهێت.
و ژئاخفتنێت جوانێت ئبن تیمیەی : مروڤێ عارف وزانا لسەر کەسێ مافێ خۆ نابینت، وفەزلێ خو لسەر کەسێ نابینت، ژبەر هندێ گازندا ناکەت، وداخازیێ ژوان ناکەت..
(مدارج السالكين 1 / 519 )

بکورتی: گەلەک چاڤەرێ خەلکی نەبە، وپەیوەندیا خو دگەل خودێ باش بکە، چنکی هەما هەر ئەوە بازرگانیا ب فائیدە یا کۆ خوسارەتی تێدا نەی.

وەک شاعر دبێژت:
خوزی دناڤبەرا من وتەدا ئاڤا با
ودناڤبەرا من و هەمیادا خراب با
هەکە ڤیان لنک تە درست بو یا دی هەمی ساناهیە.
وهەر تشتەکێ ل سەر ئاخێ ئاخە

فليت الذي بيني وبينك عامر 
وبيني وبين العالمين خراب 
إذا صح منك الود فالكل هيّن 
وكل الذي فوق التراب تراب.

شیڤان شێخەمیری