ڤەکولینەک دیاردکەت کو ئەو قوتابیێن تەماشەی باشەتێن بێپەردە دکەن پتر دکەڤنە بەر مەترسیا توشبوون ب ئەو نەخوشیێن ب رێکا سێکسێ دهێنە ڤەگوهاستن!

ئەڤ ڤەکولینە دەربرینە ژ شیکارکرنەکا دووەمی ب بکارئینانا زانیاریێن KYRBWS-VIII بۆ دیارکرنا بارودوخێ وان نەخۆشیێن برێکا سێکسێ دهێنە ڤەگوهاستن دناڤ ڤوتابیێن قوتابخانێن بنەرەت و دیارکرنا وان کارێکتەرێن کارەێکرنێ ل ڤان نەخۆشییان دکەن. KYRBWS  پیڤانەکا نیڤ دەولەتی یە کو سالانە وزارەتا فێرکرنێ و وەزارەتا زانستی و تەکنولوجیایێ و ناڤەندا کوری یا چارەسەرکرنا نەخوشیان و خو پاراستنێ ئەنجام ددەن. زانیارێن ڤێ پیڤانێ تایبەتمەندیێن دیموغرافی وەکی جگارەکێشان و مەی و قەلەوی و نەریتێن خارنێ و خۆ پاراستنا ژ نەخوشیان و رەفتارێن سێکسی و ساخلەمییا مێشکی و ئیدمانا بکارئینانا ئینتەرنێتێ و ساخلەمییا دەڤی و ئەکزیمە و رەبوو و نەریتێن پاقژکڕنێ ب خۆ ڤە دگریت.

بو جارا ئێکێ سامپل ل سەر 43 ناوچێن دەمکی هاتنە بەلاڤکرن، پاشی سێ جور ژ قوتابخانان، پشتی هینگی سامپلێن قوتابخانا هاتنە هەلبژارتن ب رێکا وەرگرتنا سامپلێن مەنهەجی ژ هەر پلەکێ، و پاشی جورەکێ بتنێ  ب شێوەیەکێ هەرەمەکی هاتە هەلبژارتن ل دویڤ ئاستێ پولێ ، و راپرسی ل سەر کومپیوتەری ل قوتابخانێ دهاتە ئەنجام دان و بو ماوێ 45-50 خولەکان یا بەردەوام بوو، ڤێ راپرسیێ قوتابیێن قوناغا ئێکێ ناڤنجی هەتا سیێ بنەرەت ب خۆ ڤە دگرت، پیڤانا سالانە یا هەشتێ یا سالا 2012، 76980 قوتابی ژ 800 قوتابخانان ب خۆ ڤە دگرتن، و دناڤ ڤان دا 74186 قوتابی ژ 797 قوتابخانا بوون ب رێژا 96.4%. دناڤ پشکداران دا 37297 قوتابیێن قوتابخانێن ناڤنجی بوون و 36889 یێن قوتابخانێن بنەرەت بوون، و ئەڤێ  راپرسیێ بەرسڤێن  2387 قوتابیێن قوتابخانێن بنەرەت شیکارکرن ئەوێن دیارکری کو وان بەری نوکە جوتبوون یا تاقی کری.

ئەنجام:

ئەنجامان دیارکر کو قوتابیێن قوناغا بنەرەتی ئەوێن بکارئینانا بێپەردەییێ ب سەر ئینتەرنێتێ ئێخستی مەترسیا توشبوونا وان ب ئەو نەخۆشیێن برێکا سێکسێ دهێنە ڤەگوهاستن پتر بوو، ب پشت بەستن ل سەر ڤەکولینێن پێشتر ئەوێن دیارکری کو ئەو گەنجێن تەماشەی بابەتێن بێپەردە دکەن پتر توشی رەفتارێن سێکسی یێن ب مەترسی دبن، ب سەر ئێخستنا بابەتێن بێپەردە ل سەر ئینتەرنێتێ دبیت ببیتە ئەگەرێ زێدەبوونا مەترسیا توشبوون ب وان نەخوشیێن برێکا سێکسێ دهێنە ڤەگوهاستن، و ڤێ ڤەکولینێ دیارکر کو قوتابیێن کور و کچ ئەوێن بابەتێن بێپەردە ب سەر ئینتەرنێتێ ئێخستین مەترسییا توشبوونا وان ب نەخوشیێن برێکا سێکسێ دهێنە ڤەگوهاستن پتربوو ب رێژا 2.6 و 14.0 دووجارکی ل سەر ئێک.

دەرئەنجام:

نیشانا هەفپشک یا مەزن یا ئاماژە ددەتە نەخوشیێن ب رێکا سێکسێ دهێنە ڤەگوهاستن ل دەڤ قوتابیێن کچ و کور تاقیکڕنا ماددێن بێهوشکەر بو و ب سەر ئێخستنا بابەتێن بێپەردە ب سەر ئینتەرنێتێ، و تەمەنێ تاکی د دەمێ ئێکەم جوتبووندا.