ڤەکولینەک: ژ هەر سێ ژنان پتر ژ ئێک ژ وان ب کێمی د هەفتیێدا جارەکێ تەماشەی بابەتێن بێپەردە دکەت!

ڕاپرسیێ دیارکر کو ژ هەر سێ ژنان پتر ژ ئێک ژ وان ب کێمی د هەفتیێدا جارەکێ تەماشەی بابەتێن بێپەردە دکەت، ل دویڤ وێ یا ڕۆژناما (استقلال) ئندیپێندێنت٭ بەلاڤکری.

ئەڤ ڕاپرسییە یێن چەند ساڵێن بۆرینە بەلێ ژ هەژینە ئەم گرنگیێ پێ بدەین.

ڤەکولینا ماری کلای ژ تایبفورم دیارکر کا چاوا چەرخێ تەکنولوجیا ژمارەیی وەکر بابەتێن بێپەردە پتر بەلاڤبن: ڕێژا 90% ژ 3000 کچێن پشکدار دیارکر کو وان ل سەر ئینتەرنێتێ یا تەماشەی بابەتێن بێپەردە کری، و سێئێکا وان ب ڕێکا تلەفونێن شاڕەزا یا تەماشەکری.
ڤەکولین بەشەک بۆ ژ پڕوژەکی کو وێنەگر ئاماندا دی کادینت و ڕۆژنامەڤان ماری کلاری پێ ڕاببون. وێنەگر دبێژیت کو وێ دڤیا پشکداریێ د ئەڤی پڕوژەیدا بکەت ژبەرکو ئێدی ب شێوەکێ مەزن پەیوەندییا ژنان ب بابەتێن بێپەردەڤە د ناڤ چ ئاماراندا ناهێتە تومارکڕن.

وێنەگر دبێژیت: بێپەردەیی یا هەی دا بمینیت، و ئەم وەک بونەوەرێن خودان غەریزا سێکسی، دبیت ئەم تەماشەی بابەتێن بێپەردە بکەین و دبیت ژی نە، بەلێ پێدڤییە ل سەر مە بزانین کا دێ چاوا سەرکەڤتنێ ل سەر ئینین.

شیکارکرنا ژمارێن سەرژمێریاریێ:

د سەرژمێریاریاندا 31% ژ ژنان دیارکر کو ئەو هەمی حه‌فتییان تەماشەی دیمەنێن بێپەردە دکەن و 30% دیارکر کو هەیڤانە ئەو دوو سێ جارەکان تەماشە دکەن.

دەمێ پسیار ژێ کری کا کیژ جۆرێ ڤیدیویێن بێپەردە پتر سەرنجا وان دکێشیت، بەرسڤ ئەڤەبوون:

63%  گۆت سێکسا هەردوو ڕەگەزان پێکڤە.
44% گۆت سێکسا د ناڤبەرا دوو تاکێن هەمان ڕەگەز (ژن دگەل ژنێ و زەلام دگەل زەلامی).
31%  گۆت هەردوو جۆر.
28%  سێکسا توند.
26%  سێکسا هێدی هێدی و یا ب دلوڤانی.
13%  سێکسا زەلامی د گەل زەلامی.
13%  هندەک هەلبژارتنێن دی (کو د ناڤ هەلبژارتناندا نەبوون).

پتریا ژنان د گۆت کو بۆ وان خۆشترە ئەو ب تنێ تەماشەی بابەتێن بێپەردە بکەن و سێئێکا وان گۆت کو چ جاران وان د گەل کەسەکێ دی تەماشەی دیمەنێن بێپەردە نەکرییە.

70% ژ پشکدارێن ڕاپرسیێ ژییێ وان د ناڤبەرا 18 و 34 ساڵیدا بوو، پتری نیڤا وان د پەیوەندییەکا حەزژێکرنێدا بوون.

سەرژمێریێن سێکسێ دەربارەی نەریتێن ژنێ:

ب ناڤودەنگترین ماڵپەرێ بابەتێن بێپەردە ل جیهانی د دەمەکێ نە ژمێژە دا سەرژمێریارییه‌ك بەلاڤکر، تێدا دیارکر کو 29% ژ تەماشەی بابەتێن بێپەردە ژنن، و ئێدی ئەو دەمەکێ درێژتر د تەماشەکرنا بابەتێن بێپەردە دا دبورینن، کو هەر ئێک ژوان ماوێ 11 خولەک و نیڤان د مالپەریدا دمینیت. ب ڕێژا 108% ژن پتر ژ زەلامان ل سێکسا ب کوم د گەرن و 72% پتر ل سێکسا توند دگەڕن. ئەڤە یا وەکهەڤە دگەل وێ یا ئەم ژ نەریتێن ژنان یێن بابەتێن بێپەردە دزانین ، ئەڤروکە بشێوەکێ مەزن ژن د خەندقینە د ناڤ بابەتێن بێپەردە یێن توند دا.

ب شێوکێ ڕوهن، سەرژمێریاری دیاردکەن کو نوکە و پتر ژ هەر دەمەکێ دی کچ ب شێوەکێ بەردەوام تەماشەی دیمەنێن بێپەردە دکەن. ب هەر شێوەکی ژی هێشتا جڤاکێ مە وەسا دیاردکەت هەروەکی ئەو چ ژ ڤێ چەندێ نزانن. هزرا خۆ تێدا بکە: کەنگی دوماهیک جاربوو تە فلمەک دیتی کو تێدا کچ  لیستا لێگەریانێ د گوگلیدا ژێدبەت دەمێ خۆشتڤییێ وێ دهێتە د ژورڤە؟ یان ژنه‌ك دهێتە دیتن د گەل کومەکا گوڤارێن بێپەردەییێ دەمێ هەڤژینێ وێ جهێ نڤستنێ ئامادە دکەت؟

ڤەکولینەکا ئەلمانی یا نوی دەربارەی سێکسێ پتر ژ وێ یا ئەم دزانین ددەتە دیارکرن: ژن ژی وەکی زەلامان دشێن ب ساناهی بکەڤنە ژێر مەترسییا ئیدمانا بابەتێن بێپەردە. ڤێ ڤەکولینێ دیارکر - کو بۆ چەند سالێن بوری دزڤریت - 17% ژ ژنان خۆ وەک مودمنێن بابەتێن بێپەردە د هەژمێرن، و نیڤا وان ژنێن راپرسی ل سەر هاتیە ئەنجامدان ب شێوەکێ زێدە بابەتێن بێپەردە بکاردئینن. و دهێتە پێشبینیکرن ئەڤ ژمارە ل سالا 2019 پتر ژی لێ بهێت.

ڤەکولینەکا دی دیارکر کو نیڤا ژنێن پێگەهشتی تەماشەکرنا بابەتێن بێپەردە وەک تشتەکێ پەسەند د هەژمێرن و سێئێکا وان دانپێدان کر کو ئەو تەماشەی ڤیدیویێن بێپەردە دکەن.

بۆچی ئەڤە یا گرنگە؟

دیتنا جڤاکی دەربارەی ڤی بابەتی ب تەمامی یا خەلەتە، نوکە دەم هات جڤاک دانپێدانێ بکەت کو ئێدی ئەڤ ئاخڤتنە دەربارەی بێپەردەییێ - تشتەکێ تایبەتە ب کورانڤە - یا  خەلەتە. د گەل زێدە بەڵاڤبوونا بابەتێن بێپەردە ل سەر ئینتەرنێتێ ئێدی ژن ژی وەکی زەلامان گەلەک سەرەدانا مالپەرێن بێپەردە دکەن، ئەو نە ئاریشەکا تایبەتە ب کوڕان ب تنێڤە، ئەو ئاریشا مرۆڤایەتیێ هەمییێیە.

پێدڤییە ئەم تێگەهشتنا خۆ دەربارەی ڤی بابەتی نوی بکەین، و هاریکارییا ڤی نفشی بکەین بو تێگەهشتنا کاریگەرییا خراب یا بابەتێن بێپەردە ل سەر بکارهینەرێن وێ، چ زەلام بن یان ژن.

ژێدەر: 

* https://www.independent.co.uk/life-style/love-sex/one-in-three-women-watch-porn-at-least-once-a-week-survey-finds-a6702476.html