کچەک چیروکا خۆ دگەل خەموکیێ د بێژیت

روژناما گاردیان یا بریتانی چیروکا کچەکێ بەلاڤ دکەت کو ئەگەر هەر کچەکا دی د جیهانێ دا وێ د انستگرامی دا ببینیت گومانێ ژ جوانی و بەختەوەرییا وێ ناکەت کو ناڤێ وێ شانون ماکلوینە 18 ساڵە و خەلکا بریتانیا یە، شانون چیروکا خۆ دگەل خەموکیێ دبێژیت:
تورێن جڤاکی گەلەک کاریگەری ل دیتنا من بو لەشێ من کر، و تورێن جڤاکی کاریگەرییەکا نەرێنی ل ساخلەمییا مێشکێ من کر، ئەڤەی ئەز د تەمەنێ سنێلەییێ دا توشی خەموکیێ و دوودلیێ بویم ساخلەمییا من یا مێشکی گەلەک یا تێکچووی.

د راستی دا پتریا جاران مرۆڤ تشتێن ئەرێنی دەربارەی ژیانێ د تورێن جڤاکی دا بەلاڤ دکەن، و تشتێن ئەرێنی دیارناکەن. ئەڤێ چەندێ گەلەک کاریگەری ل من کر و ب بەردەوامێ ئەز ژ پرورگرامەکی د چووم ئێکێ دی، دەمێ من ددیت کو هەمی د بەختەوەرن و خوشیێ ب ژیانێ دبەن ئەز گەلەک ب خەم دکەفتم.

د راستی دا، ئەڤێ چەندێ وەل من کر هەست پێبکەم ئەز یا تشتەکێ خەلەت دکەم. بوچی تە هەست ب جوداهیەکا مەزنکر دگەل کەسێن دی؟

ئەڤێ چەندێ نە بتنێ کاریگەری ل هەستێ من کر، بەلکو ل لەشێ من ژی کر. بەردەوام ژن ب بەژنێن خو یێن زراف دهاتنە بەر چاڤێن من و ئەو ئاخفتنێن جوان ئەوێن بۆ وان دهاتن. سەرەرای کو ئەز چجاران یا ب بوها نەبووم، بەلێ ڤێ چەندێ گەلەک کاریگەری ل دیتنا من کر.

و پیچ پیچە خراپتر لێدهات ژبەر چاکسازیێن سیستەمێ خوارنێ و رەوشەنبیریا زەعیفیێ ئەوا دهێتە ریکلام کرن، ئەوێن روژانە دگەهنە هزاران کەسان.

ماکلوین نوکە ب کارەکێ خوبەخشی رادبیت، و رۆژا ئەینی دێ چیتە ئەلمانیا دا د ئێک ژ ڤان پروگرامان دا کارکەت، و دەمێ ئەو لوێرێ، دێ کاڕکەت ل سەر پێشکێشکرنا خزمەتگوزارییا بو کەسێن کورە ل وی وەلاتی و هەروەسا چەوانییا باشترکرنا ڤان خزمەتگوزارییا ل ویلایەتێن ئێکگرتی. بەری نێزیکی دوو ساڵان  من دەست ب کارێ خوبەخشی کر دەمێ تەمەنێ من 16 ساڵ، من بریاردا کو ئێدی یا گرنگە ئەز دەمێ خو ب نیاسینا کەسێن نوی ڤە ب مەزێخم، ئەو کەسێن وەل من کری هەست ب ئەرێنیێ بکەم ب دژیانا خۆ دا.

ژیانا من هاتە گوهۆرین دەمێ من بریاردای ڤی کاری بکەم.. وەل من کر نێزیکی کەسێن راستین ببم و باوەرییا خۆ ئاڤاکەم. یا گرنگە گەنج پەیوەندیێن ڕاستەقینە ئاڤاکەن دویر ژ خو ڤەشارتن ل پشت نامان یان پوستێن تورێن جڤاکی.

یا ب ساناهی یە ئەم گرنگییا پەیوەندیێن راستەقینە ژبیرکەین دەمێ مە ب سەدان کەس هەبن کو مە دڤێت کارتێکرنێ لێ بکەین . ئەز دبێژم یا گرنگە گەنج تلەفونێن خۆ بهاڤێژن و تەرکیزێ بکەنە سەر جیهانا دەوروبەرێن خۆ و ئەو تشتێن مەزن یێن ئەو دشێن بکەن.
ئاخفتنا وێ ب دویماهی هات.

ڤەکولین ئاماژە ددەنە وێ چەندێ کو پەیوەندییا دنافبەرا بکارئینانا تورێن جڤاکی ل گەل نیشانێن خەموکیێ ل دەڤ کچان پتربوو ژ کوران.
ڤەکولین دیاردکەت کو نێزیکی 40% ژ وان کچێن روژانە پتر ژ 5 دەمژمێران ل سەر تورێن جڤاکی د مەزێخن توشی خەموکیێ دبن و بزاڤێ دکەن خو بکوژن و زیانێ بگەهیننە خۆ. 11000 کەسان د تەمەنێ 14 سالیێ دا پشکداری د ڤەکولینێ دا کربوو، و ڤەکولینێ ئەگەر بو ڤێ چەندێ زڤراندن:

٭کێم خەوێ و تێکچوونا خەوێ ژبەر گەلەک بکارئینانا ئینتەرنێتێ.
٭توشبوون ب دەستدرێژییێ ل سەر تورێن جڤاکێ
٭نەرازیبوون ژ شێوە و کێشا خۆ بەرانبەر وێ یا د تورێن جڤاکی دا دهێتە دیتن.