د ئێک ژ تاقیکرناندا، قوتابیەکێ وێرەک ل ئێک ژ زانکویێن پزیشکی دەلیڤە دا نوژاران کو ب رێکا دەرمانێن پزیشکی(1) بو ماوەکێ کورت ئاستێ دوبامینێ ل دەڤ وی بیننە خوار، ئەڤە کورتییا ئەنجامێن تاقیکرنێنە:

(ل دەمێ تاقیکرنا کێمکرنا پلە پلە یا ئاستێ دۆپامینێ ل دەڤ وی قوتابی مە تێبینی کر کو ئەو ب چەندین کاودانان را دەرباز بوو و چەندین نیشان ل دەڤ دیاربوون و پاشی ئێکسەر بەرزەبوون، هندەک ژ وان نیشانان وەکی یێن نیشانێن گشتی یێن نزمبوونا ئاستێ دۆپامینێ بوون وەکی ژدەست دانا پالدەرێ هاندانێ و لاوازییا هەستا و گرانییا ئەزمانی و وەستیان و تێکچوونا دەرونی و لاوازیا هویربینیێ و بێهنتەنگی و هەستکرن ب شەرمزاری و پەشیمانیێ و ترس، و هندەک ژ وان نیشانان وەکی نیشانێن وەسواسێ و خەموکیێ و تێکچوونا هزرکرنێ بوون.

ڤەکولەرێن زانستێ ئیدمانێ دیارکر کو نزمبوونا ئاستێ بەردانا دۆپامینێ و نزمبوونا هەستیارییێ د بەرسڤدانا دۆپامینێدا ل بازنێ دەماری دا د مێشکێ کەسێن مودمن دا دهێتە رویدان و ئەڤە مودمنێن ل سەر تەماشەکرنا ئینتەرنێتێ ژی ب خۆڤە دگریت. (2)

ژێدەر:

 [1] Lieuwe de Haan, et al., "Subjective Experiences During Dopamine Depletion," The American Journal of Psychiatry 162 (2005):1755-1755, doi:10.1176/appi.ajp.162.9.1755. 

[2] S. H. Kim et al., "Reduced striatal dopamine D2 receptors in people with Internet addiction," Neuroreport 22(8) (2011): 407-411, doi: 10.1097/WNR.0b013e328346e16e.