ئەی داخازکەرێ زانینێ 
ئەرێ تو کەفتیە ڤێ خەفکێ (تەپکێ- تەڵهێ)؟

ئەی داخازکەرێ زانینێ ئەرێ تو کەفتیە خەفکا لسەر دەربازبوونا زانینێدا؟

ئەرێ تو دزانی ئەو چ خەفکە یا تو کەفتیە تێدا؟
ئەوژی ئەوە تو دێ پەرتوکەکێ خوینی ودێ بوو نەفسا خۆ چەسپینی کۆ تە باش خاند وپاش دێ دگەل هەمی زانستێن دیژی وەکەی، دێ لسەر هەمی بنەما وئوصولێت علمیدا دەرباز بی ، وتو بو خو ددانی کۆ تە هەمیێن خاندین.
ڤێجا هەکە ئێک بێژتە تە: تە خاندینە؟
دێ بێژی: بەلێ.
ڤێجا هەکە پرسیار ژتە بهێتە کرن:
کەنگی هەوارکرن (استغاثە) دبیتە شرک؟
زەواجێن فاسد کیشکن؟
چ جێوازی هەیە دناڤبەرا حەدیسا (المنكر والشاذ)؟
واعرابا (يُنظَرون) چیە؟
وجێوازی چیە دناڤبەرا (المتعدي واللازم)؟
تو پرسیارێ تێگەهشتی، ودهێتە بیراتە دەمێ تو دسەرا دەربازبوی، بەلێ - ب مخابنیڤە - تو بەرسڤێ نزانی، ودێ حالێ تە بوتە دیاربت کۆ پشیکەکی دکەلەخێ شێریدا !
ودێ بینی دەمێ توز بدوماهی دهێت کو ئەڤێ تو لێ سیار نەهەسپە بەلکۆ گۆهدرێژە.

ڤێجا پێدڤییە ل وی دەمی دووبارە دەست پێبکەیەڤە سەر ژنوی ، وتو تەشییا خۆ یا خاڤ ڤەکەی ، و تو بدەستێ خو وێ هزرێ و وەهمێ ژێ ببەی یا کۆ تە هزردکر تو دزانی و تە یێ خاندی.
وئەڤە ژی دشیاندایە ودێ گەهیێ هەکە تو راستگۆ بی ، وئنیەتا خۆ پاقژ بکەی ، وخودێ دێ هاریکاریا یێت وەک من وتە کەت.

وشێخ سلێمان عەبوودی دڤی دەربارەی دا دبێژت: علم وزانین ئەوە یێ هاتیە ژبەرکرن وکۆرتکرن و خاندن ، یان بەردەوام لێ دزڤڕت وبەرێخو ددەتێ، وژبلی ڤێ یادی هەمی لەیلانە (سەرابە) قوتابی حساب دکەت تشتەکە ، هەتا دەمێ پێدڤی دبیتێ چ تشتی نابینت.