هەیڤەکا پیروزە، وپاداشتێ وێ مەزنتره!

ڕەمەزان هەیڤا دلوڤانیێ وتەوبێ وژێبرنا گۆنەهایە، گۆنەهـ تێدا ژێدچن ، وخێر وچاکی تێدا زێدە دبن، و تەوبا بەندەیێ ڕوژیگرێ باوەردار تێدا دهێتە قەبویل کرن، و ب ڕەجائا پاداشتێ ڤێ هەیڤێ گۆنەهێن بۆری دهێنە ژێبرن، ژ تایبەتمەندیێت وێ:

_دەرگەهێن بەحەشتێ تێدا ڤەدبن.
_دەرگەهێن ئاگری دهێنە گرتن ، وشەیتان دهێنە گڕێدان .
_ ڕوژیگرتنا ڕوژا وێ گۆنەها دغەفرینیت.
_پاداشتێ عۆمڕێ تێدا هند بارەیە "مضاعف"
_ قورئانا پیروز یا دڤێ هەیڤێ بتنێ دا هاتیه خار.
_ليلة القدر یا تێدا کۆ بخێرترە ژهزار هەیڤا.
_تایبەتکریە ب سوننەتەکا مۆئەکەد ئەوژی نڤێژێن تەڕاویحێنە.
_تایبەتکریە ب ئیعتیکافێ ل دەهکێن دوماهیێ دا.
_ وئەو هەیڤا مەردینیێ وخاندنا قورئانێ یە.
_ویێ تێدا بمرت ویێ ب ڕوژیبت، دێ لسەر وی حالێ هێتە ڕاکرن، و هیڤی دخازن کۆ ژ ئەهلێ بەحەشتێ بت.
_وئەو هەیڤا ئازاکرنا ژ ئاگرییە.

وهەر وەسا ژ پاداشتێ وێ ئەوە یا کۆ د حەدیسا قودسی دا هاتی : (كلُّ عَمَل ابن آدم يُضَاعَف، الحَسَنة بِعَشر أمْثَالها إلى سَبْعِمِئَة ضِعْف).
ئانکو: هەمی کارێ کورێ ئادەمی دهێتە هند بارەکرن، خێر ب دەهانە هەتا حەفسەدا.
و خودایێ مەزن دبێژت : (كلُّ عَمَل ابن آدَم له إلا الصيام، فإنه لي وأنا أجْزِي به).
ئانکو:  هەمی کارێ کورێ ئادەمی بۆ وییە ڕوژی تێنەبت ئەو بۆ منە و ئەز دێ پاداشتێ وی دەمێ.
و پێغەمبەر (سلاڤ لێ بن) دبێژت: (من صام رمضان ايمانا واحتسابا غفر له ما تقدم من ذنبه) رواه الشيخان 
ئانکو: یێ ڕەمەزانێ بگرت باوەری پێ هەبت، و بۆ خۆ بخێر حساب بکەت دێ گۆنەهێت وی یێن ژبەری نوکە هێنە ژێبرن.