مەرجێن واجبوونا ڕۆژییێ چوارن:

ا- یێ موسلمان بیت: لسەر کافری نە واجبە ھەتا موسلمان بیت.

٢- یێ خودان عاقل بیت: لسەر مرۆڤێ دین نە واجبە ھەتا ب عاقل کەڤیت.

٣- یێ پێگەھشتی بیت: لسەر زاڕوکی نە واجبە ھەتا پێپگەھیت ئانکو بالغ بیت، بەلێ فەرمان لێ دھێتە کرن ئەو بگریت ئەگەر بشێت ژبەر فێربوونێ.

٤- شیان لسەر ڕۆژیگرتنێ ھەبیت: لسەر مرۆڤێ بێ شیان نینە، ڤێجا چ ژبەر تەمەن مەزنیێ بیت یان یێ خودان نەساخییەکا ھوسا بیت ھیڤییا چارەبوونا وی نەبیت، پێش ڕۆژیێ ڤە ئەو دێ ھەر ڕوژەکێ خوارنێ دەنە ھەژارەکی.

ھەروەسا مرۆڤێ چوویە وەغەرەکێ ئانکو سەفەرەکێ دروستە ئەو ڕۆژییا خۆ بخوت ب تایبەتی ئەگەر زەحمەتێ و نەخوشییێ ژێ بینیت، بەلێ ئەو خوارنێ پێشڤە نادەت بەلکی دێ ڕوژەکا دی پێشڤە گریت، و ئەگەر بگریت ژی ڕۆژییا وی یا دروستە و چ تەنگاڤی لسەر وی نینە.

ژێدەر ژ پەرتۆکا:
کورتییا ئاخڤتنێ لسەر ئەحکامێن ڕۆژیگرتنێ

ژ نڤێسینا شیخ:
عبدالله بن جار الله بن إبراهيم الجار الله

وەرگێران: بێکەس إسماعيل عمر

ژ بەرهەمێن: سایتێ مزگەفت