مەرجێن دروستبوونا ڕۆژییێ شەشن:

١- یێ موسلمان بیت: لسەر کافری نە واجبە ھەتا موسلمان بیت.

٢- یێ خودان عاقل بیت: لسەر مرۆڤێ دین نە واجبە ھەتا ب عاقل کەڤیت.

٣- گەھشتنا ژیێ کو دبێژنێ تەمیز: و ئەڤە ژیەکە دناڤبەرا حەفت ھەتا دەھ سالییێ، کو ئەو کەسە بشێت مەرەما ئاخڤتنێ بگەھیت و بەرسڤا پرسیارێ بدەت، و بشێت کارێن خۆ یێن ئاسان و رۆژانە بکەت و پێتڤی ب کەسێ نەبیت کو بزانیت جلکا بکەتە بەر خۆ، و خوارنێ بخوت و ڤەخوت. ڕۆژی یا دروست نینە ژ زاڕوکی ھەتا بگەھیتە ڤی ژیێ ھەنێ.

٤- ڤەقەتیانا زڤڕوکا خوین دیتنێ: یا دروست نینە ژ ئافرەتا کەڤتییە د خوین دیتنێ دا کو دبێژنێ بێ نڤێژیی ئەو ڕۆژیێ بگریت ھەتا ژ ڤی دەمی دەربکەڤیت و ژێ ڤەقەتیت.

٥- ڤەقەتیانا خوینا زاڕوکبوونێ: یا دروست نینە ژ ئافرەتا کەڤتییە خوین دیتنا زاڕوکبوونێ کو دبێژنێ چلک ئەو ڕۆژیێ بگریت ھەتا ژ ڤی دەمی دەربکەڤیت و ژێ ڤەقەتیت و پاقژ ببیت.

٦- ئینانا ئینیەتا ڕۆژیگرتنێ بشەڤێ بۆ ھەر ڕۆژییەکا ئەرک ئانکو واجب: و ئەو چێنابیت بێ ئینانا ئینیەتێ و جھێ وێ دلە.

ژێدەر ژ پەرتۆکا:
کورتییا ئاخڤتنێ لسەر ئەحکامێن ڕۆژیگرتنێ

ژ نڤێسینا شیخ:
عبدالله بن جار الله بن إبراهيم الجار الله

وەرگێران: بێکەس إسماعيل عمر

ژ بەرهەمێن: سایتێ مزگەفت