ئەحکامێت مرۆڤێ بێ ڕۆژی د ھەیڤا رەمەزانێ دا:

یا دروستە بۆ چوار بەشێن مرۆڤان ئەو ڕۆژیێ بخون ئەو ژی ئەڤە نە:

١- مرۆڤێ نەساخ یێ کو دێ زیان ژێ گەھیتێ، و یێ چوویە وەغەرێ ب ڕێژەیا کو بۆ وی دروست بیت ئەو نڤێژێن خۆ کورت بکەت. ل ڤان ڕەوشان خوارنا ڕۆژیێ بۆ وان باشترە، و دڤێت پاش ڕوژەکا دیتر پێشڤە بگرن، لێ ئەگەر ئەو ڕۆژیێ بگرن یا دروستە و دێ لسەر وان ڕابیت.

٢- ئافرەتا کەڤتییە د خوین دیتن و خوین دیتنا زاڕوکبوونێ دا کو دبێژنێ بێ نڤێژێ و چلک: ئەڤێن ھەنێ دێ ڕۆژییا خۆ خۆن و دێ پێشڤە ھندەک رۆژێن دیتر گرن، و ئەگەر وان لسەر ڤێ ڕەوشا خۆ گرتن ژ وان نا ھێتە قەبیل کرن و لسەر وان نا ڕابیت.

٣- ئافرەتا ب دوو گیان و شیردەر: ئەگەر ژ زاڕوکێ خۆ ترسییا دێ ڕۆژییا خۆ خۆن و دێ پێشڤە ڕوژەکا دیتر گرن دگەل دانا خوارنێ پێش وێ ڕوژێ ڤە بۆ ھەژارەکی، و ئەگەر گرتن ژی دێ لسەر وان ڕابیت، بەلێ ئەگەر ژ نەفسێن خۆ ترسییان دێ ڕۆژییا خۆ خون و دێ ب تنێ پێشڤە ڕوژەکا دیتر گرن.

٤- یێ بێ شیان بیت ژ ڕۆژیگرتنێ ژبەر مەزناھییا تەمەنی یان نەساخییەکا ھیڤییا چارەبوونێ بۆ نەبیت، ئەڤە ژی دێ ڕۆژییا خۆ خۆن، و دێ پێش ھەر ڕوژەکێ ڤە ھندی تژی مستا دەستێ مرۆڤەکێ ناڤنجی کو دبیتە ٦٥٠ غرام ب نێزیکی دێ دەنە ھەژارەکی ژ گەنمی یان نیڤ صاع کو دبیتە دوو مستێن مرۆڤەکێ ناڤنچی ژ ھەر بەرھەمەکێ دیتر.

ژێدەر ژ پەرتۆکا:
کورتییا ئاخڤتنێ لسەر ئەحکامێن ڕۆژیگرتنێ

ژ نڤێسینا شیخ:
عبدالله بن جار الله بن إبراهيم الجار الله

وەرگێران: بێکەس إسماعيل عمر

ژ بەرهەمێن: سایتێ مزگەفت