ژ تایبەتمەندیێن ھەیڤا ڕەمەزانێ 

۱ـ ڕۆژیگرتنا ڕەمەزانێ ب ئیمان و بۆ خودێ ستوینێ چوارێ یە ژ ستوینێت ئیسلامێ.

۲ـ ڕابوونا شەڤێن ڕەمەزانێ ب ئیمان و بۆ خودێ و کرنا نڤێژێن تەراویح و یێن شەڤێ ل دەهکێن دوماهیێ.

۳ـ قورئان تێدا ھاتییە خوار، ھەر وەکی خودێ دبێژیت: { هُدٗى لِّلنَّاسِ وَبَيِّنَٰتٖ مِّنَ ٱلۡهُدَىٰ وَٱلۡفُرۡقَانِۚ } [البقرة: ۱٨٥]

٤ـ شەڤا قەدرێ یا تێدا ( لیلة القدر ) کو بخێرترە ژ هزار شەڤان کو دبیتە هەشتێ  سێ سال و چوار هەیڤ.

٥ـ د ڕەمەزانێ دا شەرێ بەدرێ یێ مەزن ڕویدایە، کو خودێ ل سپێدەهیا وێ جێوازی ئێخستە ناڤبەرا ڕاستیێ  و نە دروستیێ و ئیسلام و خەلکێ وێ بسەرکەڤتن، و شرک و خەلکێ وێ شکەستن.

٦ـ د ڕەمەزانێ دا مەککەهـ ھاتە ڤەکرن و خودێ پێغەمبەرێ خۆ بسەر ئێخست و خەلک ب کوم کومە هاتنە دناڤ ئیسلامێ دا.

۷ـ دڕەمەزانێ دا دەرگەهێن بەهشتێ و دلۆڤانیێ ڤەدبن، و دەرگەهێن دوزەخێ دهێنە گرتن و شەیتان تێدا دهێنە زنجیرکرن.

٨ـ بێهنا دەڤێ ڕۆژیگری ل دەف خودێ خوشترە ژ بێهنا مسکێ.

۹ـ مەلائیکەت دوعایێن ژێبرنا گونەهان بۆ ڕۆژیگران ژ خودێ دکەن هەتا ڕۆژیگر فتارێ دکەن.

۱۰ـ یا ھاتی د فەرموودەیەکێ دا کو نڤێژێن نە فەڕز ل ڕەمەزانێ بەرانبەری نڤێژەکا فەڕزە، و نڤێژا فەرز بەرانبەری حەفتێ نڤێژێن فەڕزە ژبلی وێ یا دھێتە کرن.

۱۱ـ و دڕەمەزانێ دا دلۆڤانی دهێتە خوار و و گونەهـ دکەڤن و نامینن و دوعا قەبویل دبن.

١٢ـ ئەو هەیڤا ھەدار کێشانێ یە، و خەلاتێ ھەدار کێشانێ بەهەشتە.

۱٣ـ لێخوش بین ژ گونەھا بۆ ڕۆژیگران ھەیە ل دوماهیک شەڤا ڕەمەزانێ، ئەڤە هەر وەکی کا چەوا کرێکار ئەگەر کارێ خۆ ب دوماهیک بینیت پاداشتێ خۆ وەردگریت.
و د ڕەمەزانێ دا چەند قەنجی و بەرەکەت و خێرێن هەین، ژبەر هندێ پێدڤییە ئەڤێ دەرفەتێ ب دەستڤە بینن، و تەوبە بکەین بەرەڤ خودێ تەعالا ڤە بچین و کارێن چاک بکەین دا بەلکی دناڤ یێت وەرگرتی و سەرکەفتی بین.

ژێدەر ژ پەرتۆکا:
کورتییا ئاخڤتنێ لسەر ئەحکامێن ڕۆژیگرتنێ

ژ نڤێسینا شیخ:
عبدالله بن جار الله بن إبراهيم الجار الله

وەرگێران: بێکەس إسماعيل عمر

ژ بەرهەمێن: سایتێ مزگەفت