ژ سەرپێچییێن ژنڪان د رەمەزانێ دا:

١_دەرڪەتنا وان بو تەراویحا بێی دەستیرییا زەلامێ خو.

هندەڪ ژن بێ دەستویرییا زەلامێ خو دەردڪەڤنە بو تەراویحا د گەل هندێ دزانن ڪو ب دلێ زەلامێ وێ نینه، ب هێجەتا هندێ ڪو ئەڤە یێ دەردڪەڤن بو ڪارەڪێ خێرێ، ئەڤ ژنا وەسا ئەم دبێژینێ: تەقوا خودێ تعالی بڪە، و ڪارەڪێ باش تێڪهەل نەڪە د گەل ڪارەڪێ خراب، هندی خاستنا دەستویرییێ یە ژ زەلامی ئێڪە ژ حەقێن زەلامی.

پرسیار ژشێخ ئبن عثیمین -رحمه الله- هاتە ڪرن دەربارەی ڤی حالەتی: ئەگەر ژن دەرڪەڤیت بو نڤێژا تەراویحا و زەلامێ وێ رازی نەبیت و بێژیتێ ل ماڵ بڪە؟

بەرسڤ دا گوتێ: ل دەستپێڪ ئەم دبێژینە زەلامی ژنڪا خو مەنعە نەڪە ژ چوونا مزگەفتێ، پێغەمبەرێ خودێ ﷺ نەهییا ژ ڤێ چەندێ ڪری گوت: (هوین عەبدێن خودێ مەنعە نەڪەن ژ مزگەفتان) 

اخرجه مسلم وهو في صحیح الجامع (٧٤٥٧)

و ئەم دبێژینە ژنڪێ ژی ئەگەر زەلامی تو مەنعە ڪری دڤێت گوهدارییا وی بڪەی، چونڪی دبیت ژبەر بەرژەوەندییەڪێ نەهێلیت یان ژبەر فیتنا، وەڪی گوتی نڤێژا وێ ل مالا وێ بخێرترە ژ مزگەفتێ ژبەر گوتنا پێغەمبەری ﷺ: (و مالێن وان بو وان بخێرترن).


ڪ: للصائمات فقط.


٢_مەنعڪرنا ڪچا بچیڪ ژ روژیگرتنێ:

هەروەسا ژ مخالفاتێن گرێدای روژییا ئەوە وەختا دەیڪ ڪچا خو مەنعە دڪەت ژ گرتنا روژییان، و ل ڤێرێ نە بەحسا وانە ئەوێن هێژ بالغ نەبووین، بەلڪو بەحسا وانە ئەوێن بالغ بووین و دەیڪ ناهێلن روژییێ بگریت ب هێجەتا هندێ ڪو هێژ یا بچیڪە و بێی پرسیارا ڪچا خو بڪەت ڪا بالغ بوویە یان نە.

_پرسیار ژ شێخ ابن جبرین -رحمه الله- هاتە ڪرن ڪا ڪەنگی روژی ل سەر ڪچێ فەرز دبیت؟

گوت: روژی ل سەر واجب دبیت وەختا بالغ دبیت، و بالغبوون ژی ب هندێ یە ئەگەر گەهشتە پازدە ساڵییێ یان ئەگەر می ل جهێ عەورەتی هاتن یان دیتنا خەونێ یان دەورا هەیڤانە یان حەملێ، ڤێجا هەر جارەڪا هندەڪ ژ ڤان تشتا ل دەف پەیدا بوون هنگێ روژی ل سەر واجبە خو ئەگەر عەمرێ وێ دەهــ ساڵ ژی بیت، گەلەڪ ڪچ ل عەمرێ دەهـ یان یازدە ساڵییێ دڪەڤنە دەورێ و ماڵێن وان د دەرحەقا وان دا سستییێ دڪەن و هزر دڪەن هێژ د بچیڪن روژی ل سەر نینن، و ئەڤە یا خەلەتە، هەر جارەڪا ڪچ ڪەفتە دەورێ ئەوژی وەڪی ژنێ لێ دهێت و قەلەمێ تەڪلیفێ دڪەفتە سەر والله اعلم.


للصائمات فقط/ص٣٢


٣_پاقژبوونا ژنڪا چلڪدار ژبەری ببنە چل روژ:

هندەڪ ژن دەما عەیال دبیت و بەری ببنە چل روژ پاقژ دبن ژ خوینا چلڪا، د گەل هندێ ئەو نڤێژا ناڪەن و روژییا ناگرن هەتا چل روژا تەمام دڪەن! و ئەڤە یا خەلەتە بەلڪو هەر گاڤەڪا خوین قەطعە بوو دڤێت ئەو سەرێ خو بشووت و نڤێژێن خو بڪەت و روژییا بگریت خو ئەگەر بەری چل روژا ژی بیت.

پرسیار ژ شێخ ئبن باز -رحمه الله- هاتە ڪرن:
ئەرێ دروستە بو ژنا چلڪدار ئەو روژیا بگریت و نڤێژا بڪەت و بچیتە حەجێ ئەگەر هات و پاقژ بوو بەری چل روژا؟
بەرسڤ دا: بەلێ دروستە روژیا بگریت و نڤێژا بڪەت و حەجێ بڪەت و عومرێ بڪەت و بو زەلامێ وێ ژی دروستە بچیتە نڤینا وێ.


للصائمات فقط/ص٣٤_٣٥


٤_ئەگەر ژنەڪ ژ روژێن خو پتر ما د بێ نڤێژییێ دا:

هندەڪ ژن ئەگەر جارەڪێ یان دوو جار روژێن وێ یێن بێ نڤێژییێ زێدەتر لێهاتن ژ هەر جار، دێ رابیت سەرێ خو شووت و نڤێژا ڪەت و هێژ ئەو خینێ دبینیت! و ئەڤە ناچێبیت دڤێت ئەو جارێ نڤێژا نەڪەت و روژییا نەگریت هەتا پاقژ دبیت ئەگەر بزانیت ئەو خینا دەورێ یە دبینیت.

پرسیار ژ شێخ ئبن عثیمین -رحمه الله- هاتە ڪرن:
ئەگەر ژنەڪ هەر جار هەشت یان نەهــ روژا بمینتە د دەورێ دا، بەلێ جارەڪێ وەلێ بهێت پتر ژ هەشت یان نەهـ روژا بمینتە تێدا، حوڪم چییە؟

بەرسڤ دا و گوت: ئەگەر روژێن ڤێ ژنێ شەش یان حەفت روژ بن و پاشی وەختێ وێ درێژ بوو بوونە نەهــ یان دەهــ روژ هنگێ ئەو دێ خو گریت نڤێژا ناڪەت و روژیا ناگریت هەتا پاقژ دبیت چونڪی پێغەمبەری ﷺ چ حەدد بو روژێن دەورێ نەداناینە، و خودێ تعالی دبێژیت: (وَیَسۡـَٔلُونَكَ عَنِ ٱلۡمَحِیضِۖ قُلۡ هُوَ أَذࣰى) ڤێجا هەر جارەڪا ئەڤ خوینە هێژ مابیت ژن دێ خو گریت هەتا پاقژ دبیت و پاشی دێ سەرێ خو شووت و نڤێژا ڪەت و روژیا گریت، و ئەگەر هەیڤا دویڤ دا ڪێمتر ژ روژێن هەرجار ما، هنگێ هەر دەما پاقژ بوو دێ سەرێ خو شووت، ڤێجا یا مهم ئەوە ڪو هەر دەما خینا دەورێ بهێت ژن دێ خو گریت نڤێژا ناڪەت و روژییا ناگریت ڤێجا چ روژێن وێ هندی یێن هەرجار بن یان زێدەتر یان ڪێمتر.


للصائمات فقط/ص٣٧_٣٨