ھشیاربە بابەتێ مەترسییە 

ھشیاربە تۆ راستیێ پشتی قەناعەتێ بزڤرینی، قەبیل نەکەی، و بزانە خودێ تەعالا تۆ یێ ھەلبژارتی، ئەو راستیە بگەھیتە دل وگوھێن تە، وباوەریا تە پێ بھێتە تاقیکرن؛ ئەرێ کا دێ چەنگێن خۆ بو فەرمانا خودێ، وپێغەمبەری ﷺ شکێنی یان نە؟!!

ھەر وەکی خودێ دبێژیت: { یَـٰۤأَیُّهَا ٱلَّذِینَ ءَامَنُوا۟ ٱسۡتَجِیبُوا۟ لِلَّهِ وَلِلرَّسُولِ إِذَا دَعَاكُمۡ لِمَا یُحۡیِیكُمۡۖ وَٱعۡلَمُوۤا۟ أَنَّ ٱللَّهَ یَحُولُ بَیۡنَ ٱلۡمَرۡءِ وَقَلۡبِهِ وَأَنَّهُۥۤ إِلَیۡهِ تُحۡشَرُونَ } [سُورَةُ الأَنفَالِ: ٢٤]

ئه‌ى گەلی باوەرداران ب گوهداری هوین لدیڤ به‌رسڤا خودێ وپيغه‌مبه‌رى ﷺ وەرن، ئه‌گه‌ر هوين ھاتنە گازیکرن بوو وێ حه‌قییێ يا هوين پێ زیندى ببن، وبزانن خودێ یە یێ دشێت بکەڤیتە دناڤبەرا کەسەکی وحەزوکێن دلێ وی، وبزانن ھوین دێ بو ڕۆژەکا بێ گومان ھێنە کومکرن.[تفسیر المیسر]

ھەروەسا ھشیاربە برایێ بەرێز، تو خۆ لسەر "راستیێ" مەزن بکەی، چونکی مەزناتی کراسێ خودێ یە، وئەو بەس ھێژایی خودێ یە، ونە ژ رەوشت، وسالوخەتێن مروڤێ باوەردارە.

ھەر وەکی خودێ تعالی گوتیە: { وَلَهُ ٱلۡكِبۡرِیَاۤءُ فِی ٱلسَّمَـٰوَ ٰ⁠تِ وَٱلۡأَرۡضِۖ وَهُوَ ٱلۡعَزِیزُ ٱلۡحَكِیمُ } [سُورَةُ الجَاثِيَةِ: ٣٧]

یێ ئەڤە حالێ وی بیت، نە دیرە کو ئەو بھێتە سوزادان ب ڤەمراندنا روناھیا دلێ وی، و وەرگێرانا ژ راستیێ، ووەرگرتنا نە حەقیێ، ھەر وەکی خودێ دبێژیت: { سَأَصۡرِفُ عَنۡ ءَایَـٰتِیَ ٱلَّذِینَ یَتَكَبَّرُونَ فِی ٱلۡأَرۡضِ بِغَیۡرِ ٱلۡحَقِّ } [سُورَةُ الأَعۡرَافِ: ١٤٦]

ئەز دێ رێگریێ کەم ئەو د وان بەلگە وھێجەتان بگەھن یێن ئاماژە دکەنە مەزناھیا من، وشەریعەتێ من؛ کەسانێت دلێن خۆ مەزن دکەن لسەر گوھداریا من، ویێن خۆ ب نە حەقی لسەر بەنیان مەزن دکەن، خودێ دێ وان ب نەزانینێ رەزیل کەت.[تفسير إسماعيل بن كثير]

ھەروەسا دێ مینت لبن تورەبینا خودێ تەعالا، والعياذ بالله. ھەر وەکی پێغەمبەر ﷺ دبێژیت: " مَنْ خَاصَمَ فِي بَاطِلٍ وَهُوَ يَعْلَمُهُ لَمْ يَزَلْ فِي سَخَطِ اللَّهِ حَتَّى يَنْزِعَ عَنْهُ " حديث صحيح عن عبدالله بن عمر رضي الله عنهما في سنن أبي داود 3597

ئانکو: ھەچیێ ھەڤرکیێ لسەر نەحەقیێ بکەت، وئەو بزانیت كو ئەو نەحەقیە، ئەو دێ بەردەوام د نەرازیبوون وتورەبینا خودێ دا بیت، ھەتا ئەو وێ چەندێ بھێلێت.