دێ چاوا ڕوژا جەژنێ ل گور سوننەتا پێغەمبەری صلى الله عليه وسلم دەرباز کەم؟
بەرسڤ بو ڤێ پرسیارێ دێ بێژین:
شەڤا جەژنێ: خۆ مژیل کە ب پیروزباهیکرنا خوشتڤی و کەس وکارێن خۆڤە.
وئەڤ شەڤە ژی خۆ بێ بەهر نەکە ژ پەرستنا خودێ ژ نڤێژێن شەڤێ وخاندنا هندەک ژ قورئانێ، ئەرێ ما دشەڤا جەژنێ دا پەرستن هەیە ؟
بەلێ پەرستن وتاعەت د هەمی شەڤان دا یێ هەی، وزیندی کرنا شەڤێ مستەحەبە.
وخەلک تێدا چەند جورەکن:
یێ نڤێژێن عەیشا و سپێدێ ب جماعەت بکەت،ئەوی کێمترین تشتێ مطلووب ب دەستخۆڤە ئینا.
ویێ پتریا شەڤێ عیبادەتی بکەت ئەوی ئەو تشتێ مرغوب ب دەستخۆڤە ئینا.
ئەڤە ژی ب کرنا نڤێژا ، زکرێ خودێ، وخاندنا قورئانێ، ودۆعایا، و دانا خێرا دڤێ شەڤێ دا، وهەمی کارێن چاک وباش.
یێ ڕژد بە لسەر سەر شۆشتنا جەژنێ، ودەمێ وێ ژ نیڤا شەڤێ دەست پێ دکەت، ویا باشتر ئەوە نێزیکی نڤێژا جەژنێ بیت.
بێهنا خۆش ڵخۆ بکە، وخۆ جوان بکە ب جلکێن جوان.
ولەزێ بکە وزوی ل مزگەفەتێ حازربە بۆ نڤێژا جەژنێ، چونکی زوی حازربوون سوننەتە بۆ هەمی موسلمانا ژبلی (ئیمامی).
وب پێیا هەرە وب پێیا بزڤرە، وهندی تە پێچێبێت ڕێکا خۆ بگهوڕە، ئانکۆ د ڕێکەکێ ڕا هەرە و دئێکا دی ڕا بزڤڕە.
د ڕێکەکا دویر ڕا هەرە و د ئێکا نێزیک ڕا بزڤڕە.
تشتەکێ بخۆ ژبەری بچیته نڤێژا جەژنا ڕەمەزانێ، ویا ژ هەمیێ چێتر قەسپن، وبلا کت بن ، لبەکێ یان سێیا ، یان پێنجا ...
بۆچی تشتەکێ بخۆم ژبەری دەرکەڤم؟
دا کۆ ئەڤ ڕوژە ژ ڕوژێن ڕەمەزانێ بهێتە جوداکرن ب خارنێ.
ویێ ڕژد بە دڤێ ڕوژێ دا لسەر سەدەقێ، و گرنژینێ، پیروزباهیکرنێ، وسلاڤکرنێ.
تەکبیڕاتا ب دەنگێ بلند بدە
دشەڤ و ڕوژا وێدا، ود ڕێکێ خودا، وڕێڤچوونا خودا، و دڕوینشتنا خودا.
کەنگی دەست ب تەکبیرا بکەم وهەتا کەنگی بەردەوام بم ؟
تەکبیڕات ژ ڕووژئاڤا بوونا شەڤا جەژنێ دەست پێدکەت،و ل دەمێ حازربوونا ئیمامی بۆ نڤێژا جەژنێ ب دوماهی دهێن.ودەنگ پێ بلندکرن تێدا بۆ زەلامایە و ل هەر جهەکێ لێ بن، وبۆ ژنکا هەکە ئەو بتنێ بن، یان دگەل ژنکا بن، یان دگەل مەحڕەمێن خۆ بن ژ زەلاما.
شێوازێ تەکبیراتا چاوانە؟
چ شێوازێن ملزم نینن بۆ تەکبیراتا، وئەو هەمی شێوازێن تەکبیڕاتێن وارد بووین ژ سەلەفا باشن و دروستن، وئەڤە بەلگەیە کۆ بەرفرەهی یا دڤێ چەندێ دا هەی.
و شافعییا ئەڤە یا هەلبژارتی :
الله أكبر الله أكبر الله أكبر لا إله إلا الله، الله أكبر الله أكبر ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلًا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إياه، مخلصين له الدين ولو كره الكافرون، لا إله إلا الله والله أكبر ولله الحمد.
✍️شیڤان شێخەمیری
ئێکی شەووالا 1444
عربة الشراء