شەوال

عەرەبان ئەڤ هەیڤە ب ڤی ناڤی ناڤکر چونکی دڤێ هەیڤێ دا شیرێ حێشتران حشک دبو عەرەبا دگوت: (تشوَّلت الإبل أي جفّ لبنها)، ژبەر هندێ ب ڤی ناڤی هاتە ناڤکرن.

ـ ئێکەم ڕوژا ڤێ هەیڤێ جەژنا هەیڤا ڕەمەزانا پیروزە

ـ ئەڤە ژوان هەرسێ هەیڤانە ئەوێن حەج تێدا دهێنە کرن

ـ دڤێ هەیڤێ دا پشتی ڕوژا ئێکێ ژ جەژنا ڕەمەزانێ سوننەتە شەش ڕوژان تێدا ب ڕۆژی بی ئانکو ژ ڕوژا دوویێ یا جەژنێ دروستە هەتا بەری دوماهیک هاتنا ڤێ هەیڤێ،

پێغەمبەرﷺ دبێژیت: (مَن صامَ رَمَضانَ ثُمَّ أتْبَعَهُ سِتًّا مِن شَوَّالٍ، كانَ كَصِيامِ الدَّهْرِ) [¹]

ڕامان: ھەر کەسەکێ ڕۆژیێن رەمەزانێ بگریت، پاش ب دویڤدا شەشکێن شەوالی بگریت، ئەڤە وەکی ڕۆژیگرتنا سالەکێ یە.

و یا خێر و باشتر ئەوە مروڤ هەر شەش ڕوژان لسەر ئێک بگریت، بەلێ ئەگەر کەسەک نەشێت لسەر ئێک بگریت دروستە ل سەر ئێک نە گریت وپاداشتێ وێ هەروەکی وی پاداشتی یە ئەوێ دفەرموودێ دا هاتی.

د فەرموودەیەکا دروست و سەحیح دا هاتییە کو پێغەمبەرێ خودێﷺ دایکامە عائیشە دڤێ هەیڤێ دا مەهر کرییە و ڤەگوهاستییە،

عَنْ  عَائِشَةَ  قَالَتْ: (تَزَوَّجَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ فِي شَوَّالٍ، وَأُدْخِلْتُ عَلَيْهِ فِي شَوَّالٍ...) [²]

ئەڤ فەرموودە بەرسڤەکە بۆ وان کەسێن دبێژن: پێکئینانا هەڤژینیێ دناڤبەرا هەردوو جەژنان دا باش نینە، دراستی دا چ بنەما بۆ ڤێ گوتنێ نینە، و پێدڤییە موسلمان خۆ ژڤان هزر و گوتنێن بێ بنەما پارێزیت

و مـەرەما دایـکامە عائیشایێ ژی ژڤێ گـوتنـێ هـەر ئەڤە بوو کو بەرسڤەک بۆ، بۆ ئەوێن بەری ئیسلامێ و هندەک ژ خەلکێ ئەڤـرو کو هزر دکەن پێکئینانا هەڤژینیێ دڤێ هەیڤێ دا باش نـینـە بەلێ ئەڤێ چەندێ چ بنەما بۆ نینە، و ئەڤ هزرا گەلەک ژخـەلکێ ئەڤـرو دکـەن لسەر ڤێ چەندێ دبیت کارتێکرنا وان گوتنێن بەری هاتنا ئیسلامێ بیت. [³]

[¹] (سلم 2/822 رقم 1165) (اخرجە أحمد 5/417 رقم 23580)

[²] صحیح النسائي 3236

[³] شرح صحيح مسلم للنووي ( 9/209) ا.هـ.

ژێدەر: موقع الإسلام سٶال و جواب ـ سایتێ وەڵامەکان