ئەو شێخ وزانایەکێ ھەرە بەرنیاس، و پایە بلند، و ژ خودێ ترسە، پلەیا دکتورایێ وەرگرتییە، و ئەندامە ل دەستەکا زانایێت ھەرە مەزنێت سعودیێ، و ئەندامە ل لژنەیا بەردەوام یا پێداچوونا ڤەکولینێت زانستی و فەتوایێ، ھەروەسا ئەندامە ل کومەلگەھا فقھی ل مەکەھا پیروز یا کو گرێدایە دگەل کومەلگەھا فقھی یا ئیسلامییا جیھانی، و ئەندامە ل لژنەیا سەرپەرشتییا بانگەوازێن حەجێ،

ھەروەسا پێش نڤێژ و گوتارخوین و ماموستایە ل مزگەفتا الأمير متعب بن عبد العزيز آل سعود ل باژێرێ الرياض کو دبیتە پایتەخێ سعودیێ، و پشکدارییێ دکەت بشێوەکێ بەردەوام ل کەنالەکێ ڕادیۆیێ بناڤێ نور على الدرب، ژبلی ڤێ چەندێ بەژداریێن ھەرە باش یێن ھەین ل چەندین گوڤارێن زانستی، ھەروەسا پشکداری کرییە دپێشکێشکرنا چەندین ڤەکولینێت زانستی، و یێن ڤەخواندنێ،

ھەروەسا نامەیێن زانستی، و فەتوە گوتنێ، و سوپاس بۆ خودێ ھەتا نوکە چەندین ژوان یێن ھاتینە کومکرن و چاپکرن، و ھژمارەکا ھەرە زور ژ قوتابیان لبەر دەستێ وی فێربووینە، و باشترین شێوە بانگەوازییا دینێ خودێ دکەن.

ناڤێ وی: صالح بن فوزان بن عبد الله یە ژ بنەمالا - آل فوزان - ژ خەلکێ - الشماسية الوداعين - ژ عەشیرەتا - الدواسر - ە ل سالا 1354 مشەختی ل 1 ھەیڤا ڕەجەبێ ژ دایکبوویە، بەرامبەر سالا 1935 زاینی ل 28 ھەیڤا سبتمبر، و لسەر بیروباوەرێن خەلکێ سوننەتێ وجماعەتێ یە،  وفقھەزانەکێ تێگەھشتیە ویێ لسەر ڕێکا فقھێ حەنبەلی.

ھەروەسا لبن دەستێ چەندین شێخ و زانایێن ھەرە مەزن فێربوویە و خواندییە و زانین ژوان وەرگرتییە، و ئەڤە ناڤێ دیارترین و بەرنیاسترینێ وان زانایانە:

سماحة الشيخ عبد العزيز بن باز, و سماحة الشيخ عبد الله بن حميد, و فضيلة الشيخ محمد الأمين الشنقيطي, و فضيلة الشيخ عبد الرزاق عفيفي, و فضيلة الشيخ صالح بن عبد الرحمن السكيتي, و فضيلة الشيخ صالح بن إبراهيم البليهي, و فضيلة الشيخ محمد بن سبيل, و فضيلة الشيخ عبد الله بن صالح الخليفي, و فضيلة الشيخ إبراهيم بن عبيد العبد المحسن, و فضيلة الشيخ حمود بن عقلا, و الشيخ صالح العلي الناصر.

ھەروەسا وانە وەرگرتینە لبەر دەستێ چەندین شێخێن ئەزھەرێ یێن بسپور دبوارێ زانستێ فەرموودێ، و شروڤەکرنا قورئانێ، و زمانێ عەرەبیێ.

ژ بەرھەم و نڤیسینێت وی وفقە اللە:

شرح كتاب التوحيد- للشيخ محمد بن عبد الوهاب، الضياء اللامع من الأحاديث القدسية الجوامع، التحقيقات المرضية في المباحث الفرضية، إتحاف أهل الإيمان بدروس شهر رمضان، مجموع محاضرات في العقيدة والدعوة، الخطب المنبرية في المناسبات العصرية، أحكام الأطعمة في الشريعة الإسلامية البيان فيما أخطأ فيه بعض الكتاب، مجموع فتاوى في العقيدة والفقه، من أعلام المجددين في الإسلام  بيان ما يفعله الحاج والمعتمر، الإرشاد إلى صحيح الاعتقاد، رسائل في مواضيع مختلفة، شرح العقيدة الواسطية، الملخص الفقهي.

ھەروەسا دگەل چەندین پەرتووکێن دیتر کو من بەحس نەکرن، ژ خودێ دخوازم ژییێ وی لسەر چاکییێ درێژ بکەت، و پارێزیت، و مە ژ زانینا وی بێ بەھر نەکەت.

ژێدەر: ژ پەرتووکا هاتییە وەرگێران بۆ زمانێ کوردی (ڕێبازا سەلەفێن چاک و پێتڤییا ئوممەتێ بۆ وێ)

وەرگێرانا: بێکەس إسماعیل عمر

ژ بەرهەمێن: سایتێ مزگەفت