پشتی دیتنا ڕێژەکا گەلەک ژ ڤیدیویێن کچێن حیجاب کری و دیتنـا لایفێن وان مەرەما هندێ کو بانگەوازیا حیجابێ دکەن. من فـەر دیت ڕونکـرنەکـێ بدەمە ڤێ چەندێ و خوشکێن خۆ هشیـار کـەم و کـەس بڤی جورێ بانگەوازیێ بسەردا نەچیت. مـخابن ئەڤرو بانگەوازیا کرنا حیجابێ گەلەکا بساناھی بووی، چـونکـی ھوسا یا دسەرێ کچان دا دھێتە چاندن، کو تو بەس حیجابێ بکێ وتە چ دڤێت بکە.

پرچا خۆ ڤەشێرە، و چ ئاریشە نینە پێت تە دیار بن.

پرچا خۆ ڤەشێرە و چ ئاریشە نینە تە دەزگر ھەبیت.

پرچا خۆ ڤەشێرە و چ ئاریشە نینە تو خۆ نیمایش بکەی.

پرچا خۆ ڤەشێرە چ ئاریشە نینە جلکێ تە یێن تەنگ بیت.

پرچا خۆ ڤەشێرە و چ ئاریشە نینە ترندێن تیکتوکی بکەی.

‌پـرچـا خـۆ ڤەشێـرە وھیچ ئاریشە نینە تو لبەر سترانەکێ یان نەشـیـدەکێ لەشـێ خـۆ بشێوەکێ سەرنچ راکێش دیار بکەی، ولڤین و چاڤلێکرنا نەزانان بکەی...ھتد.

‌پـرچا خۆ ڤەشێرە و چ ئاریشە نینە لایفا ڤەکەی ل تورێن خۆ یێن سوشیالێ و ڤیدیویا چێکەی و بەرەڤانیێ بکەی کو تە نە بۆ ئەکتیفێ یە. 

موسـیبـەتـا خـرابتـر لـدەمـێ شیرەتکرنا ڤێ کچێ ژڤان کارێن خـەلـەت دێ بێـژیـت ما من چ کرییە؟ یێت وەکی من کەشخا خۆ دکەن؟ یان دێ بێژیت ژ ترسێن خودێ دا ئەز نینوکێن خۆ درێژ ناکەم!! خوشکا من مادەم ژ ترسێن خودێ دا نینوکێن خۆ درێژ ناکەی پا چـەوا دێمـێ خۆ نیـشـا هـزارەها خەلکێ دەی بگرە ژ کور و زەلام و مەزن و بچیکا وهەر ئێک ب چاڤەکێ سەحدکەتە تە؟ گەهشتـییـە وی ڕادەی دێ بێژیت هێدی هێدی دێ هێلم و خۆ بـەلاڤ نـاکەم و هند ژ نەفسا خۆ یا پشت ڕاستە دبێژیت هەتا قەناعەت بۆ مـن چـێبیت پاشی دێ ڤێ چەندێ ڕاوستینم؟ ئەرێ تۆ گەرنتیێ دەیە خۆ تۆ بمینییە ساخ هـەتا قەناعەت بۆ تە چێبیت؟؟ ما فەرمانا خودێ و پێغەمبەرێ وی سەلاوات و سلاڤێن خودێ لێ بن پێدڤی ب قەناعەتێ یە!؟ ئـەڤـە نـە بانگـەوازییـە بـۆ حیجابی بەروڤاژی ئەڤە مەزنترین فتنەیە بۆ گەنجا و مەزنترین گونەهە بۆ تە، تە قوا خودێ بکە خـودێ نیعـمـەتـەک دگـەل تـە کر بۆ خۆ بهێلە و خۆ ب خودێ پـارێـزە ژ سـەرداچـوونێ، ئەگەر خەماتە ئەو بیت بانگەوازییا حـیجـابی بکـەی گـەلـەک ڕێکـێن دی یێن هەین ژوان کومکرنا بەڵـگـەیـان ژ قـورئانێ و سوننەتێ و ئێک دەنگیا زانایان لسەر حیـجـابێ و بـەلاڤ بکـە بـێ کـو خـۆ بکـەیـە ڤیدیو و دەنگ و ڕەنگێت خۆ نیشا خەلکەکێ بدەی.لەو ھشیاری ڤێ چەندێ بن خوشکێن بەرێز، وبزانن مەبەست ژ حیجابێ ئەوە ھوین ژ بەرێخودانا بیانیا بھێنە پاراستن، و ژ ئـەگـەرێ تە چ کـور وجحێل نە کەڤنە گونەھێ، وبێ رەوشتی بھێتە راگرتن، و تێگەھێـن پـەیاما خودێ نە ھێنە تەحریفکرن، ھەروەسا ئەڤرو بانگەواشەکا بەردەوام یا دھێتە کرن، ب رێکا کەنال، و بانگەوازێن خرابکار، و شرینکرنا چاڤلێکرنا کەسانێت نەزان و بێ فەھم، ومێشکێ کچێن موسلمان ھێدی ھێدی یێ دھێتە دزین، وئەھا ئەڤە یە فایروسێ ھەرە مەترسیدار چونکی دوژمنێت ئیسلامێ یێن گەھشتینە وێ قەناعەتێ، کو ئـەو نە شێن مروڤان ژ ئیسلامێ لێڤە بکەن، بەلێ پتر ھەولێن خـۆ دبیـنن؛ ئەو مروڤان بھینە لسەر سوننەتا جاھلیەتێ بناڤێ ئیســلامێ، فإنا إليه لله وإنا إليه راجعون، ولا حول ولا قوة إلا بالله العلي العظيم.