بِسْمِ اللَّهِ الرَّحْمَنِ الرَّحِيمِ

الـحـمد لله، والـصـلاة و الـسـلام علـى نبـینـا مـحمـد و على آله و صـحبـه و من تـبعـهـم بـإحـسـان إلـى يـوم الـديـن.

 بکـارئینا - ئاھاتان - لـسـەر گـوتـار و پـارچـە ڤـیـدیـویـێـن ئـایـنی ژ وان دیـاردێـن کرێـت و بـێ ڕویمەتە، ئەڤرۆ زێـدە بەلاڤە بوویە، نە بـتـنـێ لـدەڤ کـەسـانێت سادە، بەلکی ھەتا قوتابیێن زانستێ شەرعی، ماموستایێن ئاینی ژی ب لێبورینڤە یێن توش بووین ولا حول ولا قوة إلا بالله.

موسـیبەتا مـەزنـتـر دبیت د ڤیدیویێ دا یێ فەرموودەکێ ژی دبێژیـت یان ئـایـەتـەکـێ و دگـەل هـنـدێ ئـاهـات یـا دگـەل !! دەنگێن دەستکرد، و یێن تێکەل دگەل ئامیرێن موزیکێ دگەل ئایـەتـێـن خـودێ تـەعـالا، و فـەرموودێـن پێـغـەمبـەرێ خودێ سـڵاوات و سـلاڤێن خـودێ لسـەر بن بھـێـتـە گـوتـن !! ئـەڤـە بـێ ئـەدەبـییـە، و نـە ڕێـزگـرتـنـە، و جـورەکـێ نـەزانـیـنـێ یە واللە المستعان.

ھەروەسا بوچوونا زانایێن شەریعەتی لسەر ڤێ چەندێ چییە؟؟

شیـخ صـالـح السحیمي دبێژیت: هندیکە ئاهاتە ئەو موزیکەکا دەسـتـکـردە. و ئەم هەمی دزانینن هندیکە موزیکە یا حەرامە

شـیخ صالح الفوزان دبێژیت: چ ئەسل و بنیات بۆ ڤێ چەندێ نـینـە و نابیت نە موسیقە و نەتشتێن تەشبیهـ ب وێ نە بهێنە گوهـلـێ بون نە بهێنە بکارئینان و نە بهێنە دروستکرن.

شـیـخ سـعـد الـخـثـلان دبـێـژیـت: و ئـەگـەر دەنگێ ئاڤێ بیت یان یێ بالندا بیت یان یێ مروڤا بیت بەلێ بێ ئامیرێن دەنگ خوشکـرنـێ و بـێ کـو دەسـتکاری تێدا بهێتە کرن إن شاء اللە چنینە، بەلـێ ئـەگـەر خـۆ دەنـگێ مروڤا بیت بەس دەستکاری تـێـدا بـهێتە کرن و ب ئامیرێن دەنگ خوشکرنێ بهێتە چێکرن ئـەڤـە دێ تـەشـبـیـهـ بـیـت ب مـوزیکێ و ئەڤە نە یا دروستە.

نوکە دبـیـت کـەسـەک بـێـژیـت مانێ ئاهات دەنگێ مروڤایە و نە موسیقەیە، دێ ب بەڵگە دیارکەم کو پتریا ئاهاتێن نوکە ب ئامیران دهێنە دروستکرن وەکی ئورگێ و ئامیرێن مونتـاجـێ  کەرمکەن ڤی لینکی ڤەکەن و ڕاستیا دروستکرنا ئاهاتێ ببینن

https://getsnap.link/WuBBC2fGAaj?share_arg3=copy%20link

پشتی دیتنا ڤێ ڤیدیویێ دیار بۆ کو ئاهاتا ب دەنگێن مروڤان ب ئـامـیـرێـن دەنـگ خـوشـکـرنـێ ژی دهـێـتـە دروسـت کـرن هـەروەسـا هاتـییـە دیـارکـرن ب ئورگێ ژی دهێتە دروستکرن ئەرێ مـا ئـورگ نە ئامیرێ موسیقێ یە ئانکو ل ڤێرێ حوکمێ ئاهاتێ وەکی حوکمێ موسیقێ لێ دهێت، هندیکە موسیقەیە د قورئان و سوننەتێ، و د هەر چوار مەزهەبا دا هاتییە حەرام کرن.

کـەرەمـکـەن ئـەڤـە ژی ب ئـورگا ئـەلکـترونی دگەل مونتاجێ دروسـت دکـەن، و هـزارەهـان ئاهاتێن دی ب ڤی شێوەی 

https://getsnap.link/WuBBC2fGAaj?share_arg3=copy%20link

کەرەمکەن و بینەر بن کوب ئورگا دروست ژی ئاهات دهێتە دروست کرن

https://getsnap.link/7xKjCR6wHFM?share_arg3=copy%20link

هەروەسـا ئەگەر خۆ ئاهاتا ب دەنگی بیت کەنگی بێ ئامیرێن دەنـگ خوشکرنێ دهـێتـە تومار کرن؟ بەڵگە لسەر ڤێ چەندێ گوهداریا ئاهاتێ بکە دێ بینی هەتا دوماهیێ ب ئێک شـێوازە کەنگی کەسەک دشێت دەنگێ خۆ دوبارە بکەت بئێک شێواز؟ یان دێ بینی هەر سەر وی شێوازی دەنگ ڤەدەت و دەنگ یێ خوشـە ئـەرێ مـانـە ئـەڤە ب ئامیرێن دەنگ خوشکرنێ دهێتە تومار کرن؟

کـا نـوکـە تـۆ بـخـۆ دەنـگـێ خۆ وەکی شـێـوازێ ئـاهـاتێ بێژە ئـەرێ مادێ وەکی وێ هێت ئەوا دانە سەر ڤیدیویان بێگومان نە چـونکی دەنگێ سادەیە و بێ ئامیرێن دەنگ خوشکرنێ یە

مـە دیـار کـر ب گـوتـنـا زانـایـان کـو نـابیت دەستکاری دەنگی دا بـهێتـە کرن، کەرەمکەن بەرێخۆ بدەنێ و ببینن ئەڤ کەسە دەنـگـێ خۆ تـومـار دکەت و لدوماهیێ دکەتە شێوازێ ئاهاتێ ب ڤی شێوەی بتنێ ئیقاعێ ژناڤ ڕا دکەن و دبیتە ئاهات
https://getsnap.link/ibjVwEQpQQf?share_arg3=copy%20link

ژبـەر ڤـێ چـەنـدێ گـەلـەک ژ زانـایـان ب ئـێـک جـاری ئـاهات قەدەغـەکـریـنـە و گوتینە نابیت بهێتە دانان چونکی تەشبیهە ب موسیقێ.

هـەروەسـا هـنـدەک ژ زانـایـان دبـێژن ئەگەر ئاهات ل ناڤبرێن گوتارا بهێنە دانان ئەڤە مەکروهە و نە ژ دینێ مە یە و ئەڤە ژ کارێ بیدعەچییا و سوفییان بۆ ئەرێ پا هوین چ دبێژن ئەگەر لسەر ڤیدیویێ ب تمامی بهێتە دانان.

هـەروەسـا زانا دبێژن ئـەگەر ئایەتا قورئانێ دناڤ ڤیدیویێ دا بهێتە خواندن و ئاهات لسەر بیت ومەرەم ژێ ئەو بیت دا پتر یا بکارتێـکـرن و خشوع بیت ئەڤە کارەکێ نە دروستە و ئەڤە چاڤلێکرنا مەسیحیایە و ئەهلێ بیدعێ.

هـەروەسا هندەک ژ زانایان گوتییە خۆ نابیت بەرێخۆ دانا وێ ڤـیـدیویێ بـهێـتـە کـرن ئـەوا ل دەسـتـپێـکـا وێ ئـاهات بیت.

بۆ ڕازی بون لسەر حەقیێ ئێک بەڵگێ دروست بەسە، خوشک و بـرایـێـن ڕێـزدار ئەز ڤێ چـەندێ ب ڕێـزڤـە دبـێـژم بـلا ئـەم سەردا نەچین ئەرێ ئەگەر مە وەکر دێ چەوا جیلێ پشتی مە گوهداریا شیرەتێن مە کەت؟

ب مەرەما خوشکرنا ڤیدیویێ ودا پتر بیتە جهێ خشوعێ بلا شـەیـتـان مـە ب ڤـان تـشـتـا سـەردا نـەبـەت و ئەڤە دێ بیتە ئەگەرەک دەرگەهەک ڤەبیت بۆ گوهدانا موسقێ، واللـە اعـلـم

ھەروەسا گوھدانا ڤان جورە ئاھاتا دبیت بتە ئەگـەرێ کەئـابێ و ڕەڤاندنا خەلکی ژ گوھدانا ئاخڤتنا خێرێ، ھەتا یا گەھشتیە وی ڕادەیی یێ ھەما باخڤیت لسەر بـابـەتـەکـێ ئـاسـایـی یان فقھـی یان عەقیـدێ دێ ئـاھاتەکێ دانیت لسەر !! و دبیت یێ مزگینییەکێ ژ خودێ تەعالا یان پێغەمبەرێ وی دگەھینیت و دێ ئاھاتەکا بخەم و قەھر لسەر دانیت! ئەڤە یا بوویە ڕەھاتن - ئیدمانن - بۆ ھندەکا والعياذ بالله.

و بـێـگـومـان یێ سەحکەتە حالێ ڤان جورە فیدیویێن ئاھات دگـەل، دێ زیـانا وێ بـینیت، و کا چەوا دل ھند ب وی دەنگی کارتـێـکـەر دبـیـت پـتر ژ تێگەھشتنا وێ پەیامێ، و ھزر کرن د ئاخڤتنا خودێ تەعالا و پێغەمبەرێ وێ دا، ھـەروەسـا خــودێ یـە پەیـامێ دگەھینتە دلان، و یا لسەر مە پـێتـڤییە ئەم بەس پەیاما خودێ بگەھینن،

نەکـو زوریـێ بـکـەن ئـەو کەسە وەرگریت، و ئـەڤـە جـورەکێ تـەکـلیفـێ یـە خودێ فـەرمان پـێ نـەکـرییـە، بـتایبەتی ئەگەر شـیعـارەکـێ ھـنـدەک کوم دەستەکێن سەردەچـوویـی بیـت ژ سـوفییا و خەلکێ بیدعێ و حزبییا، چەوا بانگەوازێ سەلەفی چـاڤـلێکـرنـا وان بـکـەت، بـتـایبەتی ئەگەر گوتنا زانایێن مەزن لـسـەر ھـەبیت، کـو ئەڤە نە شولەکێ دروستە واللە المستعان.

ھـەروەسـا گـەلـی خـوشـک و برایێن موسلمان، و ماموستایێن رێزدار ھەم بۆ گرتنا دەرگەھێ گەنگەشێ ئەز نا بێژم بشێوکێ ڕەھایی حەرامە، ھەر چنە بیت مەکروھە کارەکێ بێ ڕویمەتە

و نـە یـا دروستە و کرێتە دگەل گوتنا خودێ و پـێـغـەمـبـەرێ وی بھـێتە کرن، و گوتنا زانایێن مەزن یا لسەر دژوارە، و نوکە یا بویە شیعارەکێ خەلکێ بیدعێ، و خەلکێ حزبێن ئیسلامی ھـەر چـنـە بـیـت ژ لایـێ چێترینێ خێرتـرە مرۆڤێ بانگەوازێ موسلـمـان بـھـێـلـیـت، و بزانیت بانگـەوازیـیا پاقـژ و کارتێکەر ئەوە ب زانین و حیکمـەت دھێتـە کرن، نە کـو کـا کـیـژ ئاھات پتـر لسـەر دھـێـت، و خودێ مە لسەر رێکا بانگەوازییا سەلەفا ڕاگریت.

ژێدەر:
موقع إسلام ویب
موقع الإسلام سؤال وجواب
اللقاء الشيخ صالح الفوزان حفظه الله
صفحة الرسمیة الشیخ صالح السحیمی