ئـەرێ ئـافرەت پشتی خۆ بکەتە بالا پوش و حیجابێ شەرعی بکـەتـێ چ بکـەت؟ ئـەرێ وێـنێـن خـۆ بەلاڤ بکەت یان بکەتە ستـوری چـونکـی دێمـێ وێ دیـار نینە و یا نیقاب کرییە؟ یان تێکەلیی و هەڤالینیـا زەلام و کـورکـان بکەت دسـوشیـالێ دا؟ ئەرێ کەسـەکا زێدە ڤەکری بیت؟ ئەرێ هەر بابەتەکێ هەبیت مایێ خۆ تێ بکەت ویا مایتێکەر بیت؟ئەرێ خۆ ڤیدیو بکەت و خۆ بەلاڤ بکەت و تشتەکێ نـورمـال بیت چونکی یا نیقاب کرییە ودێمێ وێ ڤەشارتییە؟

بـزانـە ئـەگـەر تـۆ ڤـان ڕەفتـاران بکـەی چ جـیـاوازی ناڤـبـەرا تـە و کـچەکا جاهل و نەزان دا نابیت، ئەو کچا فەرمانا خودێ بجهـ دئینیت پێتڤییە یا ب هەیبەت و قیمەت بیت نە یا سڤک و هەل هەلی بیت، پێدڤییە یا خۆ پاراستی بیت نە ب نیقابێ خۆ ڤە یا ئاشکەرا و بەر بەلاڤ بیت. هـشـیـاربە!! خـوشکـا من نیـقـاب و شـەریعـەت و دینێ خودێ بـەریـئـە ژڤـێ چەندێ و ئەڤە نە ژ ڕەوشتـێ کچێن باوەردارە نیقـاب بـتنـێ پـارچەکا قوماشی نینە بزانە ئەو فەرمانا خودێ یە و نابـیـت ڤێ فـەرمـانـێ بجـهـ بینی دبێ ئەمرییا خودێ دا. خوشکامن پێتڤییە ژ هەمی لایانڤە یا خۆ ڕاگر و خۆ پاراستی بی،خوشکا من بزانە دیاربونا چاڤێن ئافرەتێ دسوشیالێ دا چ گـومان تێدا نینـە کو هەردوو ڕەگەز و ژ هەمی تەمەنان دبینن و ئەڤە مەزنترین فتنەیە، والعیاذ بالله.

زانا الـرمـلـي الـشـافعي دبێژیت: حەرامە و نە دروستە ئافرەتا نـیقاب کری بەرێخۆدانا وێ بهێتە کرن ئەگەر چاڤێن وێ بتنێ ژی دیـاربـن تـایبـەت ئـەگـەر یـا جوان بیت ئەرێ چەند قۆلێن چاڤی ھەنە ژ خەنجەرانە؟      نهاية المحتاج " (6/188) والله أعلم.

مـخـابنـی ڤـە دێ بینـی نیقاب یێ کرییە بەر خۆ و چاڤێن خۆ یێـت ڕەش کریـن و لسـەر وێنـێ خـۆ چێکـرییـە بـجهـ ئـینـانـا فــەرمـان و ڕازی بـونا خـودێ، و ئـەو وێـنـە یـێ بـەلاڤ کـری، واللە خوشکا من تۆ خەلەت یا تێگەهشتی ئەڤە نە بجهـ ئینانا فەرمانا خودێ یە، بەروڤاژی تۆ ئەگەرێ فتنێی ب وان چاڤێن خۆ، خـودێ ب وی تـشـتـی ڕازی نـینـە یێ بیتە ئەگەرێ فتنێ والعیاذ بالله.

هـەروەسـا الغـزالي رحمه الله د "إحياء علوم الدين" ( 2/53 ) دا دبێژیت: ھەر ھـێشتا بەردەوام دگەل بورینا سەردەما زەلام ناڤچاڤ دیارن، و ئافرەت دەردکەڤن نیقاب کری. ئـەرێ ئـەوان خـۆ ژ خێـرتریـن مـرۆڤ ڤەشـارتن، و دەرکەفتن بنیقاب، یێن نوکە ژی نیقابێ بۆ بەرێخۆدانا زەلاما بکـاردئینن! هـەردەمـێ نیقـاب کـرێ دێ وێنێ خۆ بەلاڤ کەت و تشتەکێ نورمالە هەمی تەمەن ژ هەردو ڕەگەزا ببینن، لا حول ولا قوة إلا بالله. 
(انتهى ونحوه في فتح الباري( 9/337)

هەروەسا دبنیات دا ئافرەت فتنەیە بەڵـگـە لسـەر ڤێ چـەندێ گوتنا پێغەمبەرێ خوشتڤییە سەڵاوات و سلاڤێن خودێ لسەر بن دەمێ دبێژیت: (ما تركت بعدي فتنة هي أضر على الرجال من النساء) ئانکو: من پشتی خۆ چ فتنە نەهێلای نە کو زیانتر بۆ زەلامان ئەوژی ژنکن.
رواه البخاري (5096) ومسلم (2740) .

ژبەر هندێ پتریا زانایێن ئەهلێ زانینێ لسەر وێ بوچوونێ نە نا بیـت ئافرەت نە ل تلەفزیونێ و نە ل سوشیالێ بهێتە دیتن ب مـەرەمـا بـانگـەوازیـێ ئـەگـەر خـۆ یـا بالا پـوش ژی بـیـت. پرسیار ژ شیخ صالح الفوزان هاتە کرن، ئەرێ دروستە ئافرەتا بانگـخـواز بـۆ بانگەوازی کرنێ خۆ دیار بکەت دسوشیالێ دا و ئەو یا ڕاپێچای بیت؟؟ شـێخ صالـح الـفـوزان بەرسڤـێ دا گوت: ئافرەتا دھێتە سلکێ بانگەوازیێ بلا دەستپێکێ خۆ چێکەت.دهێتە زانین ژ بەرسڤا شێـخی کـو دروسـت نینە و ئەو یا خەلەتە لەوما پێدڤییە خۆ دروست بکەت و خۆ چێکەت.

ئەڤجا خوشکا هێژا هەتا کو ببیە نموونەکا باش پێتڤییە لسەر تە تۆ خۆ ژوان تشتا دویر بکەی یێن دبنە ئەگەرێ فتنێ، خۆ ژ ڕەفتارێن کچێن جاهل و نەزان دویر بکەی. پێتڤییە کچەکا خۆ ڕاگرتی وخۆ پاراستی بی یا سڤک وبەرەلا نە بی، بانگـەوازیێ ب ڕێـکێـن دروست بکە، نیقابێ بکارنەئینە بۆ سـەردابرنا کـەسـێ بەرانبەر، بەلـکـو بکـاربـینە بۆ ڕازی بونا خودایێ خۆ و خۆ پاراستن ژ فتنێ. دروسـت مـەرەمـا نیقابی بگەهە خوشکا من دا بزانی دروست بکـاربـینـی و ڕەفـتـارێ دگەل بکـەی، نیـقـاب مـودێـل نـیـنـە و دەرگـەهـەک نـینـە بـۆ خـۆ ب ناڤ و دەنـگ کـرنێ نـەخێر نە!! بـەلکـو بـزانـە نیقـاب فەرمانا خودێ دەمێ گوتییە پێغەمبەرێ خوشتڤی سەلاوات وسلاڤێن خودێ لسەر بن: (يَٰٓأَيُّهَا ٱلنَّبِيُّ قُل لِّأَزۡوَٰجِـكَ وَبَنَاتِـكَ وَنِسَـآءِ ٱلۡمُـؤۡمِنِينَ يُدۡنِينَ عَلَيۡهِـنَّ مِن جَلَٰبِيبِـهِنَّۚ ذَٰلِكَ أَدۡنَىٰٓ أَن يُعۡرَفۡنَ فَلَا يُؤۡذَيۡنَۗ وَكَانَ ٱللَّهُ غَفُورٗا رَّحِيمٗا) [الاحزاب: 59] هـەڤـژیـنێـن پێغـەمبـەری سەلاوات و سلاڤێن خودێ لسەر بن و کچێن وی ڕازی بونا خودێ ل وان بیت باشترین و پاقژترین ئافـرەت بـون دەیکـێـن مە بوون، بەلێ ئەڤ فەرمانە ژوان ژی گرت، وان خۆ پاراست وپێچەیێن خۆ سەر دێمێ خۆ دا ئینان و خۆ ژ زەلامێن وی دەمی ڤەشارتن کو چاکترین مـروڤ بون. ئـەرێ پـا ئـەم بۆ زەلامێن نوکە چ بێژن؟؟ ئەرێ چەوا ئەم خۆ ژ زەلامـێـن نـوکە نە پارێزین؟؟ ئەرێ ئەو ب چ شێواز بەرێخو ددەنە ئافرەتێ؟؟ ئەرێ ئەم بـۆ وێ ئافرەتێ چ بێژن ئەوا شنی چاڤا ڕەش دکەت و شێوازەکێ سەرنج ڕاکێش نیقابی دکەتێ ئەرێ ما ئەڤە ڕەوشتێ کچا ژ خودێ ترسە؟؟

تە قـوا خـودێ بکـە خوشکـا من و ژ خودێ بترسە و ل خودێ بـزڤـرە ئـەڤ چـەنـدا تـۆ دکـەی ژ ڕەوشـتـێ کچا باوەردار و ژ خـودێ ترس نینە، خودێ مە هەمیان ڕاستە ڕێ بکەت و ترسا خۆ بکەتە دلێ مە دا. ئامین و الحمدللە رب العالمین.