هەچیێ قورئانێ ژبەر بکەت و خۆ فێربکەت و کار پێ بکەت، دێ ئەو بدەستڤە هێت یا ب دەستێ کەسێڤە نەهاتی، ژ وان ژی:

1- هندی قورئانە باشترین زانینە. 

2- و قورئان بلندی و بەڕەکەتە بۆ هەلگرێ خۆ د دونیا و ئاخرەتێ دا.

3- و قورئان ڕوناهیی و پاداشتە بۆ خودانێ خۆ.

4- و قورئان دەولەمەندییە، و ئەو بخێرترە ژ دونیایێ و تشتێ تێدا.

5- و قورئان ئەگەرێ تەناهی و ڕەحەتیێ یە بۆ خودانێ خو ل ئەسمانا، و بەحسکرنا وی بباشی ل ئەردی.

6- و قورئان سیبەرێ ل خودانێ خۆ دکەت ڕوژا قیامەتێ، و مەهدەرێ بۆ دکەت، هێجەتا پێشڤە دگریت، و وی ژ ئاگری ڕزگار دکەت، و وی دکەتە دبەحشتێ دا، و بلند دکەت بۆ بلندترین پلەیێن وێ.

7- و قورئان نیعمەتەکا مەزنە حەسویدیا باش (غبطة) ب خودانێ وێ دهێتە برن.

8- و قورئان ئەگەرە کۆ خودێ مەزن ژ خودانێ وێ ڕازی بیت.

9- و قورئان خودانێ خۆ دکەتە ژ ئەهلێ خودێ و نێزیکێن وی.

10- و قورئان خودانێ خۆ دپارێزیت ژ سەرداچوون و فیتنەیان.

11- و قورئان جوانیا سەرڤە ددەتە خودانێ خۆ، و جوانیا ژناڤدا ژی ددەتێ، و چیایێن خێران ژی ددەتێ. 

12- و قورئان دێ جلکێن جوان کەتە بەر وی و تاجێ دانیتە سەر سەرێ وی.
13- و مەلائیکەت د گەل دهێن و دچن ژبەر قورئانێ.

14- و خودانێ قورئانێ دێ دەیبابێن وی هێنە خەملاندن ب خەملەکا کۆ د دونیایێ دا نەی، و دێ تاجا ڕوناهییێ داننە سەر سەرێ وان کۆ ڕوناهییا وێ وەکی ڕوناهییا ڕوژێ یه.

15- و خودانێ قورئانێ ژهەمی خەلکی هەژیترە کۆ لبەر دەستێ خودێ حازربت لدەمێ نڤێژێ وپێشنڤێژیێ بۆ خەلکی بکەت.

16- وخودانێ قورئانێ خێرترینێ موسلمانایە وچێترینێ وانە.

17- و خودانێ قورئانێ ئەهلێ هندێ یه کۆ ئارامی ب سەردا بهێتە خوار، ودلوڤانی ژێ بگریت، و مەلائیکەت ل دورێت وی بن، وخودێ بەحسێ وی بکەت ل نک مەلائیکەتا.

18- ومەزن دانان و قەدرگرتنا ژبەرکەرێ قورئانێ ژ مەزن دانان و قەدرگرتنا خودێ یە.
چ دناڤبەرا تە وڤان خێران دا نینە ئەو تێ نەبیت تۆ خۆ بسەیداییەکێ زیرەک و شارەزاڤە گرێدەی کۆ قورئانێ بتە بدەتە ژبەرکرن، وزاناییەکێ زیرەک تە تێبگەهینیت، پاشی دەست پێبکەی کاری ب وێ بکەی یا تو ژێ فێربووی هندی تو بشێی.

و هەر کەسێ ئەڤە ژ دەست چووی، یان بڤێت خێرێن خۆ زێدەکەت بلا غەیری خۆ هانبدەت و تەشجیعا وان بکەت، یان بلا پشکداربیت د فێرکرنا زارۆکێن موسلمانا دا ، ئەوژی دێ وەکی وان خودان خێربیت. و هندی ئەڤەیە -سویند ب خودێ- سەرفرازییا دونیا و ئاخرەتێ یە.