لدەستپێکێ پێدڤییە بزانین هەر کارەکێ خودێ و پێغەمبەری ﷺ بـەرێ مـە داییـێ بـێ گـومـانـە کـو مفـا و حیکـمـەت تێدا هـەیـە، فێربونا ئافرەتێ بۆ زانینا زانستێ شەرعی حیکمەت و مفا تێدا هەیە، ب حەسکـرنا خـودێ ب گوتنێن هندەک زانایان دێ حیکمەت و مفایێ وێ دیار کەین. 

شـێـخ عبـدالـرزاق بـن عبـدالـمـحسن خودێ پارێزیت دبێژیت: دەمێ ژن فێـری زانـینـا شـەرعی دبـیـت ئەو دژیت ب ژیانەکا جوان و ڕێک و پێک و پاقژ. (موعظه النساء)

ژبـەر هنـدێ ئافـرەت هندی خۆ شارەزا بکەت د زانینا شەرعی دا یا کێمە چونکی بـەرپـرسـاتـییـەکا مەزن لسەر ملێت وێ یە وەکــی پـەروەردەکـرنـا زاروکـان و هـنـدیکـە زاروکـن جـیـلـێ داهـاتـییـە ئـەرێ ئەگەر جیلێ داهاتی لسەر دەستێ ئافرەتەکا جـاهـل و خـودانـا مـودێـل و نـمایشا هاتە پەروەردەکرن ئەرێ ئـەڤـە چ ل خـێـزانـێ و جڤاکی و جـیـلـێ داهـاتـی هـات؟؟ بـەلێ بـەروڤـاژی ئـەگـەر لـسـەر دەستێ ئافرەتەکا خواندەڤانا  زانینا شەرعی بهێتە پەروەردەکرن ئەرێ تۆ بێژی ئاریشە دوی جیلی دا هەبیت؟؟ 

شـێـخ صـالـح الفوزان خودێ پارێزیت دبێژیت: ئەگەر ئافرەت بەرزە بۆ مال ژی دێ بەرزە بیت و ئەگەر مال بەرزە بۆ زاروک ژی دێ بـەرزە بـن و ئەگـەر زاروک و مال بەرزەبون جڤاک ژی دێ بەرزە بیت. (محاضرة في العقيدة ص 162) پەیڤا "بەرزە" نەزانین، و سەردەچوونا ئافرەتێیە والعیاذ بالله.

ئـافرەتێـن سـەحابییان گەلەک ڕژد بون لسەر بدەست ڤەئینانا زانینا شەرعی، وگەلەک پرسیارا زانینێ دکرن، لدویڤ تەفسیر و ڕامـانا ئایەت و حەدیسا دگەریان، چونکی ئەو ئافرەتێن زانا دزانـینـا شەرعی دا باشترین دەیکن بۆ پەروەردەکرنا زاروکێن خۆ.

کـەسـەکـی پـرسـیـار ژ حـەکیمەکێ کر و گوتێ: من زاروکەکێ هـەی من دڤێت بێژییە من چەوا پەروەردەکەم؟ وی حەکیمی گـوتـێ ژیـێ وی چـەندە؟ گوت حەفت هەیڤە، حەکیمێ گوتێ تۆ گەلەکێ گیروبوی!!چونکی پێدڤییە لدەستپێکێ تە دەیکەکا باش هەلبژارت بیت بۆ زاروکێن خۆ. (احکام النیساء)

شـێـخ مـقـبـل بـن هـادي الـوادعـي خـودێ دلوڤانیێ پێ ببەت دبێژیت: پـێـدڤـییـە سـەر ئـافـرەتـێ ڕابیـت ب پـەروەردەکـرنا زاروکـێن خۆ ب پەروەردەکرنەکا ئیسلامییانە، و خودایێ مەز ئـەجـر و پـاداشـتـێ وێ ب چـاکییێ بـدەت لسـەر وێ خزمەتا پێشکێشی ئیسلامێ دکەت. (تحفة المجیب ۳۱۰)

ئـەرێ دێ چـەوا زاروک هێتە پەروەردەکرن لسەر پەروەردەکا ئیسلامییانە؟؟ ئەرێ لسەر دەستێ ئافرەتەکا خودان مودێل؟؟ یان هـەمی خەما وێ نینـوک و مکیاجێ وێ و ستریک بیت؟؟ ئــەرێ زاروک دێ چ پــەروەردێ ژڤــێ ئـافــرەتێ وەرگریت؟؟ ولا حول ولا قوة إلا باللە.

هـەردیسا شێـخ مـقـبـل بـن هـادي الـوادعـي خـودێ دلوڤانیێ پـێ ببـەت دبێـژیـت: ئـەڤ کومەلگەهێ ئەم تێدا دژین پێدڤی پـەروەردەکرنێ یە و پێدڤی ب هزار کەسێن وەکی "شیخ ابن باز، و شێـخ ئـەلبـانی، بهێنـە پـەروەردەکرن، لسەر پەروەردەکا ڕاست و دروسـت لـسـەر تەوحیدێ و ئێکانە پەرستنا خودێ و بانگەوازی بۆ لایێ خودێ ب نەرم و دلوڤانی. (تحفة المجیب ۲٨٤)

ئـەرێ مـانـە ئـافـرەت پـێـدڤـییە یا تێگەهشتی و فێربوی بیت ب زانـینـا شـەرعی هـەتـا بـشێـت زاروکێن چاک مەزن بکەت؟ ئـەرێ ئەگەر ئافرەت بەر چاڤێن زاروکێ خۆ مژویلی نینوک و پـرچ و مکیاجێ خۆ بیت زاروکێن وێ دێ چ ژێ فێربن؟ ئەرێ ئـەگـەر یا مـژویلی دەرکەتنێن نەشەرعی و بێ محرەم و سەر بەردایی بیت دێ زاروکێن وێ چ ژێ فێربن؟؟ 

بەلێ ئەگەر ئافرەت مژویلی خواندنا پەرتوکێ بۆ،و ب جـوانی ڕەفتـار دگـەل خێـزان و هـەڤـژیـنـێ خـۆ کـر و مـژویـلـی زکـر و پەرستنـا خودێ بۆ، ئەو دێ شیت ببیتە قوتابخانەیەکا باش بۆ زاروکێن خۆ بحەسکرنا خودێ.

ل دوماهیێ ژخـودێ دخـوازم مە هەمیان چاک کەت و ڕاستە ڕێ بکـەت و بـەرێ مـە بـدەتـە خـواندنا زانستێ شەرعی و مە تێدا شارەزا بکەت دا خێزانێن لسەر سـوننەتێ و ڕێکا دروست پێک بینن و ئاڤا بکەن، و جڤاک و جیلەکێ پاقژ و تێگـەهشتی ل پشت خۆ بهێلین.