فلمێن بێپەردە دیتنا بکارئینەرێن وێ بۆ کەسێن دی دێ گوهۆڕیت، ڤێجا دیتن و بەرێخۆدان و هەلسەنگاندنا وان بۆ کەسێن دی، دێ دیتنەکا سێکسی و بۆ بکارئینانا سێکسی ب تنێ بیت، نە کو بۆ پێکینانا هەڤژینییێ ن تێکەهێ وێ یێ مەزن و جوانڤە.

ئێک ژ بکارئینەرێن فلمێن بێپەردە دبێژیت: ((فلمێن بێپەردە وە ل من کر کو یا مەحال بیت ئەس ژنان وەک هندەک کەسێن ئاسایی ببینم، و ب ڕەنگەکێ باش سەرەدەرییێ ل گەل بکەم، ب ڕاستی ئەز دەربارەی ڤێ ئێکێ یێ ب خەمم)).

دبیت هندەک ژ وان زەلامێن بەرێخۆددەنە فلمێن بێپەردە گڤاشتنان ل سەر هەڤژینێن خۆ بکەن کو پشکدارییێ د هندەک چالاکییێن سێکسیدا بکەن کو بۆ وان ژ لایێ سۆزداری یان لەشیڤە نە د ئارام، یان ژی دبیت ئەو زەلام هەڤژینێن خۆ پشتگوهڤە بهاڤێژن و ژ لایێ سێکسیڤە ئەوانا ڕەد بکەن و پێ د ڕازی نەبن.

دبیت فلمێن بێپەردە پەیوەندییا سێکسی د ناڤبەرا ژن و مێراندا بۆ سێکسەکێ بێپەردە (ئیباحی) ب گوهۆڕن، ل جهێ کو پەیوەندییەکا هەڤژینییێ یا تژی هەستێن ڤیان و حەزژێکرنێ بیت.