بۆچی بابەتێن بێپەردە هندە ب هێزن و کارتێکرنا وان هندە یا مەزنە؟

🔅 هێزا بابەتێن بێپەردە ژ هێز و شیانێن وێ دهێت ل سەر بەردەستکرن و بەرهەڤکرنا حەزەکا سێکسی یا ئێکسەر د گەل دیتنێ. ئەو دبێژنە بینەری: ((بۆچی تو بۆ خۆ نەخۆش دکەیی و زەحمەتێ بۆ خۆ چێدکەی ب بەرهەڤکرنا کەشەکێ گونجایی و بەرسڤدانا گازی و پؽدڤیاتییێن کەسەکێ/ــا دی یان هەما هەتا ژبەرکرنا جل و بەرگێن خۆ، تو بۆچی ڤێ زەحمەتێ هەمییێ بۆ خۆ چێدکەی ل دەمێ کو سێکس دێ ب دەست تەڤە هێت هەما ب تنێ ب داگرتنا دوگمەکێ و ب ڕێکا کونترۆلکرنا رەوشێ ژ دویرڤە؟)).

🔅 تشتێ بابەتێن بێپەردە بهێز دئێخن و وە ل وان دکەن ببنە ئەگەرێ ئیدمانێ و بینەرێن خۆ ژ هزرا پێکئینانا هەڤژینییێ پاشڤە بزڤڕینن و لێڤەبکەن چ کوڕبن یان کچ، ئەڤ جۆراوجۆری و هەمەڕەنگییا مەزنە ئەوا ئەو بۆ بینەرێن خۆ بەردەست دکەت کو بەری هنگی بینەری تشتێ وەسا ب چاڤێن خۆ نەدیتینە و ب چ کارێن وەسا ڕانەبوویە، ئەڤ تشتە ژی تشتەکە کو ب زۆڕی د ژیانا دروستدا نینە و ب تنێ خەیالە.

〽️ بابەتێن بێپەردە تشتەک نینە تو ب داعویری یان ب ڕێکا دەرزیکەکێ بچیتە د ناڤ لەشێ تەدا، بەلکی بابەتێن بێپەردە ب ڕەنگەکێ ئێکسەر و ڕاستەوخۆ ب ڕێکا هەستێن تە وەکی هەستێ دیتنێ و گوهلێبوونێ دچنە د ناڤ لەشێ تە دا، و ئەڤە دێ پەیوەندییەکا ئێکسەر د گەل ئامیرێ دەماری د مێشکێ تە دا گرێدەت، و ب دروستاهی سەنتەرێ خۆشییێ د مێشکیدا.

⚠️ گەلەک ب کارئینان و بەرێخۆدانا بابەتێن بێپەردە بەرهەمئینانا ماددەیێن کیمیایی وەکی ئەدرینالین و ئەندروفین و سیروتونین زێدەتر لێ دکەن.

ڤێجا ژبەرکو بابەتێن بێپەردە ب ئاستەکێ مەزنتر و زێدەتر ژ پێدڤی ڤان ماددەیان بەرهەم دئینن، ئاریشە یا د هندێدا کو ئەڤ زێدەبوونا ڤان ماددەیان ژ هێز و شیانێن لەشی کێم دکەت و وێ بێشیان لێ دکەت ژ بەرهەمئینان و دەردانا ڤان ماددەیێن کیمیایی ب ڕەنگەکێ چالاک ل دەمێن ژیانا ئاسایی و سروشتیدا.