ئه‌گه‌ر تو بزاڤان دكه‌ی خۆ ژ به‌رێخۆدانا فلمێن بێپه‌رده‌ دویربێخی و ژێ ڕزگاربی و تو حه‌ز دكه‌ی هه‌می تشتان وه‌كی به‌رێ بزڤڕینی، هنگی تو پێدڤی ب دوو پێنگاڤانی:

پێنگاڤا ئێكێ:
* تو بۆ ده‌مه‌كێ كێمتر نه‌بیت ژ چه‌ند هه‌یڤه‌كان بێهنڤه‌دانه‌كا ته‌مام بده‌یه‌ مێشكێ خۆ ژ هه‌می جۆرێن ئازراندنا سێكسی یێن ده‌ستكرد.
* گرنگییێ بده‌یه‌ كار و چالاكییێن ژیانێ یێن دروست.

ڤێ پێنگاڤێ گه‌له‌گ مفایێن تێدا هه‌ین، به‌لێ پا ئێكه‌م و گرنگترین پێنگاڤ ئه‌ڤه‌یه‌ تو خۆ ژ هندێ پشتڕاست بكه‌ی كا ئه‌رێ به‌رێخۆدانا دیمه‌نێن سێكسی ئه‌گه‌رێ وان نیشانانه‌ یێن تو ژ به‌ر دنالی، یان ژی ئه‌گه‌ره‌كێ دی بۆ هه‌یه‌، وه‌كی هنده‌ك نه‌خۆشییێن له‌شی یێن دی.

پێنگاڤا دووێ:
ئه‌ڤه‌یه‌ تو شه‌ڕێ نه‌فسا خۆ بكه‌ی هه‌تا كو بشێی خۆڕاگر و ل سه‌ر بڕیارا خۆ بمینی، دبیت تو پێدڤی چه‌ندین هه‌یڤان و به‌لكی هێشتا پتر ژی هه‌بی، به‌لكی ژی تو پێدڤی ب دوو سالێن ته‌مام ژ شه‌ڕێ نه‌فسێ و خۆ زه‌حمه‌تدانێ هه‌بی هه‌تا كو د وی ده‌میدا هێدی هێدی چالاكییا ئه‌وان بازنه‌یێن ده‌ماری یێن ژ به‌ر ئیدمانێ په‌یدابووین لاواز و كێمببیت، پاشی ب ئێكجاری نه‌مینیت و ژ ناڤ بچیت