هشیاری مایتێكرنێ بە!

یا گرنگە تو بزانی كو ئەو مایتێكرنا تە پال ددەت بۆ دووباره‌ چوونا د ناڤ ڤان مالپه‌ڕاندا، هەر ئەو مایتێكرنە یا خەلكێ‌ دی پال ددەت بۆ تاقیكرنا ماددەیێن هوشبەر یان مەیێ‌ (عەرەقێ‌) یان كرنا زینایێ‌... ئەڤجا بزانە هەمی گوننەھ ب مایتێكرنێ‌ دەست پێدكەن، و هەر گاڤا مرۆڤ لێ‌ نێزیك بوو، وی دەمی چ پشتڕاستی نینن كا ئه‌و چەند دێ‌ شێت نەفسا خۆ پارێزیت و كا دێ‌ چەند شێت وان ماڵپه‌ران ژ خۆ دویر ئێخیت بلا چەند هزر بكەت كو ئەو یێ‌ ب هێزە ژی.

د سه‌رژمێرییه‌كێدا كو دەزگەهێ‌ زۆگبی (Zogby) ل مارسا سالا (2000)ــێ‌ پێ‌ راببوو؛ دیت كو پتر ژ 20 % ژ ئاكنجییێن ئەمریكا سەرەدانا مالپه‌ڕێن هەتكبەر دكەن. ڤەكولەر ستیڤ واتەرز دبێژیت: پتریا ده‌مان ئەڤ كریارە ب مایتێكرنەكێ دەست پێدكەت، پشتی هنگی وه‌رارێ دكەت بۆ هیبوونا بێ‌ هێلان د گه‌ل هه‌بوونا سەرئەنجامێن خراب وەكی تێكچوونا پەیوەندییێن هەڤژینییێ‌ یان هندەك خرابییێن ژ ڤی جۆری.