هندەڪ ژ خەلەتییێن ژنێ

1. بلندڪرنا دەنگی ل سەر زەلامێ خۆ:
ئنوثەت و نازڪییا ژنێ یا د نەرماتییا وێ دا، و د نەرماتییا هەستێن وێ دا، و نازڪی و نزمییا دەنگێ وێ، ڤێجا وەختا ئەو دەنگێ خو ل سەر زەلامێ خو بلند دڪەت ل دەمێ خیلافەڪا زەوجی یان ئاریشەڪ د ناڤبەرا وان دا چێدبیت، هنگێ ئەو وی وێنێ خو یێ جوان د چاڤێن زەلامێ خودا ڪرێت دڪەت.

2. هێلانا ماڵا زەلامی:
گەلەڪ ژ ژنڪا ئەگەر خیلافەڪا سادە دناڤبەرا وێ و زەلامێ وێ دا چێببیت دێ خو ل تشتێن خو دەت و چیتە مالا بابێ خو (زیز بیت)، یا ژ وێڤە ئەو ب ڤێ رێڪێ دێ زەلامێ خو تەئدیب دەت و ئێدی دێ زەلامێ وێ بهایێ وێ زانیت و داخازی و طەلەبییێن وێ بجهــ ئینیت!
و ئەو نزانیت ڪو ئەڤ رەفتار و سەرەدەرییا وێ یا خەلەت -ب تایبەت ئەگەر چەند جارەڪا دووبارە بڪەت- دێ بیتە ئەگەر ڪو زەلامێ وێ ژ وێ ب رەڤیت و د چاڤان دا ڪێم بیت، و ئەو رێز و بهایێ بەرێ د دایێ ئێدی نادەتێ.

3. دەرێخستنا نهێنییێن ماڵێ:
ئەگەر خیلافەڪا زەوجی چێبوو، ژنڪ ئێڪسەر د وی حالەتێ ڪەرب گرتنێ دا دێ تەلەفونا هەڤالەڪا خو ڪەت یان مروڤەڪا خو دا گازندا بو بڪەت و گازندا ژ زەلامێ خو بڪەت، و ئەڤە ئێڪ ژ خەلەتییێن مەزنە ژن دڪەفتە تێدا. و ڤێجا د ڤی حالەتێ تورەبوون و ڪەرب گرتنێ دا ژن دێ تشتێ نهێنی و ڤەشارتی هەمییان ئاشڪەرا ڪەت. گازندا بو ڪەسێ نەڪە ژبلی خودێ تعالی: (أَمَّن یُجِیبُ ٱلۡمُضۡطَرَّ إِذَا دَعَاهُ وَیَكۡشِفُ ٱلسُّوۤءَ).

4. بەرەڤ عیناد و خومەزنڪرنێ ڤە بچیت:
وەختا خیلافەڪا زەوجی چێدبیت گەلەڪ ژن بەرەڤ عیناد و خومەزنڪرنێ ڤە دچن، ئەو هزر دڪەت ئەگەر وەڪر ئەڤە دێ هەبوونا وێ دیار ڪەت و خو ڪێم ناڪەت، و ئەڤ رەفتارە بخو یا خەلەتە، ژنا ب عاقل ئەوە یا رەفتارەڪا نەرم و نازڪ بڪار دئینیت بو چارەسەرڪرنا ئاریشێن خو. پێغەمبەرێ خودێ ﷺ دبێژیت: (ئەگەر ژنێ هەر پێنج نڤێژێن خو ڪرن و هەیڤا رەمەزانێ گرت، و دەهمەنا خو پاراست و گوهدارییا زەلامێ خو ڪر، دێ بو وێ هێتە گوتن: هەر دەرگەهەڪ ژ دەرگەهێن بەحەشتێ تە بڤێت تێدا هەرە بەحەشتێ).

5. پشتدانا زەلامی:
هندەڪ ژن ناهێلن زەلامێ وێ بچیتە دەف وێ هەتا بچیت لێبورینێ ژێ بخازیت، و روژ دێ بورن و هەر ئێڪ دێ ل جهەڪی (غورفەڪێ) نڤیت و دێ ئێڪ مینتە ل هیڤییا یێ دی بچیت لێبورینێ بخازیت، و فەترەڪا درێژ دێ میننە د ڤی حالی دا بێی ئێڪ ژ وان تەنازلێ بڪەت بو یێ دی! ڤێجا ئەی ژن تەقوا خودێ تعالی بڪە د نەفسا خودا و د زەلامێ خودا، و پشتا خو نەدە زەلامێ خو ل سەر جها و خو ژ هەژی لەعنەتا نەڪە، پێغەمبەرێ خودێ ﷺ دبێژیت: (ئەگەر زەلامی داخازا هەڤژینا خو ڪر بو نڤینا خو و وێ نەهێلا و زەلام نڤست و یێ ژێ تورە، مەلائیڪەت دێ لەعنەتا ل وێ ژنێ ڪەن هەتا دبیتە سپێدە).


قناة فتاوى النساء