سەمیانێن قوتابییان

پەیامەک بۆ وە هەمییا

ئەڤە خودێ حەز بکەت ئەم یێ بەرەڤ سالەکا نوی یا خواندنێ ڤە دچین، وهاریکار و پشتەڤانێن شەیتانی دڤێ سالێ دا پتر ژ هەمی سالێن دیر یێن د بۆسەیێ دا بۆ ڕێتنا ژەهرا کوژەک دناڤ عەیال و زاروک و کور و کچێن مە دا، دا کو وان لابدەن و دویر بێخن ژ دین و ئەخلاقێ وان، و وان بکەنە ئالاڤێن خرابکرن و پویچکرنا کۆمەلگەهـ و جڤاکا مە، بەلێ خودێ حەزبکەت ئەم دشێین پێکڤە بەرهنگاری ڤێ هێرش و هەرەشەیا پیس ببین، و ئەم ل جهێن وان و سنورێن وان بڕاوەستینین، ب ئەنجامدانا ڤان کارێن ل خوارێ ژبەری هوین پێداویستیێن قوتابخانێ بۆ وان بکرن دڤان ڕوژاندا وەکی دەفتەر و جەنتە، و جلوبەرگ، و پێلاڤ، وتشتێن دیتر ژی، خۆ پشت ڕاست بکەن کۆ ئەڤ خالێن هەنێ تێدا نەبن:

① نەبوونا ئالایێ ڕەنگا و ڕەنگێ هەڤڕەگەز بازان، کۆ ئالایەکە ژ شەش ڕەنگا پێک دهێت: مۆر، شین، کەسک، زەر، پرتەقالی، سۆر.

② نەبوونا پیتیێن(B.T.S) یان وێنێن وان گروپێن سترانا یێن کوری، چونکی ئەو پشتەڤانیا هەڤڕەگەزا دکەن، و وێنێت وان گەلەک بەربەلاڤن لسەر دەفتەر و سجلا، و جەنتان.

③ نەبوونا چ حەڕەکە و لڤینێت کۆ هندێ بگەهینن ئەڤە هەڤڕەگەزباز و دەرکەتنا ژ فیتڕەتێ یه، بۆ نموونە: دوو کورک دلەک دناڤبەرا واندا بیت،  یان دوو کچ دلەک دناڤبەرا واندا بیت، ویێن هوسا

④ نەبوونا وێنێت کەسایەتیێن وان فلم کارتونێن پشتەڤانیا وان دکەن وەک:(سبونج بوب و گامبول ...) و هندەک کەسایەتیێن ئەنیمەیشن کۆ بەربەلاڤ د ئەنترنێتێ دا.

⑤ نەبوونا وێنێ هندەک کچکێن بێ سەروبەر و ڕۆیس، یان زارۆکێن ب جلکێن ژناڤ دا وەک شورتی بتنێ .. و هوسا، چونکی ئەڤە ڕێکخوشکرنە بۆ هندێ کۆ زاروکا فێری خرابیێ و ڕویساتیێ وبێ شەرمیێ بکەن

ڤێجا هشیار بن نە بنە هاریکار د کرین و فروتنا ڤان تشتاندا و هندەک دوو جارا لسەر حسابا موسلمانا قازانجێ بکەن جارەکێ دینێ وان و ڕەشتێ وان و فیتڕەتا وان تێک بدەن، و جارەکێ پارێن مە بکەنە بەریکا خۆ، ڤێجا نە کرن، دا خوسارەت بن، مالێ وان بمینیتە سەر گۆهێ وان و پویچ ببیت.

وژ هەمی بازڕگانێن کارێ پەرگەهـ و قرطاسیێ دخوازم کۆ ئەو تەقوایا خودێ بکەن ددەرحەقێ بچیکێن مۆسلماناندا، نەکۆ ژبەر مال و سەروەتێ دنیایێ، ئاخرەت و ڕەوشتێ خۆ ژدەست بدەی.

خودایێ مەزن

زارۆکێن هەمی موسلمانا بپارێزە، و بکە گەشاتییا چاڤێن دەیبابێن وان، کۆ فێربن و خزمەتا دین و دنیا خۆ بکەن ب ڕەوشتەکێ جوان و بەرز وبلند.

شیڤان شێخەمیری

21.8.2023ز