دبێژن: گێڕان ب بیرئینانا ڕۆژا ژدایک بونا پێغەمبەری سەڵاوات و سلاڤێن خودێ لسەر بن ئەڤە دیارکرنا ڤیان و حەژێکرنا مەیە بۆ پێغەمبەری سەڵاوات و سلاڤێن خودێ لسەر بن 

بەرسڤ لسەر ڤێ گومانێ:

چ گومان تێدا نینە هندی حەژێکرن و ڤیانا پێغەمبەرییە سەڵاوات و سلاڤێن خودێ لسەر بن ئەرکە لسەر هەر مرۆڤەکێ موسلمان، و پێدڤییە حەژێکرنا پێغەمبەری سەڵاوات و سلاڤێن خودێ لسەر بن مەزنتر بیت ژ حەژێکرنا نەفسا مرۆڤی و زاروک و دەیک و بابێن مرۆڤی و هەمی خەلکی.

ئەڤجا نابیت ب ڕامانا ڤیان و حەژێکرنێ بیدعا بکەین یان کارەکێ نە شەرعی بکەین، ڤیان و حەژێکرنا پێغەمبەری سەڵاوات و سلاڤێن خودێ لسەر بن دخوازیتە ساخکرنا سوننەتا وی و گرتنا ب ددانێت کورسی، و خۆ دویرکرنا ژ گوتن و کریارێن دژی وێ، و گومان نینە کو هەر تشتەکێ دژی سوننەت و ڕێکا وی بیت دبیتە بیدعەکا خراب و گوننەهەکا ئاشکرا. 

و ئاهەنگگێڕانا مەولیدێ ژی ژڤێ چەندێ یە و ئنییەتا باش نابیتە ڕێك مرۆڤ بیدعا ل دینی زێدە بکەت، هندیکە دینە لسەر دوو بنیاتایە ئەو ژی ئنییەتا مروڤی دلسوزانە بۆ خودێ بیت و دویڤ چونا ڕێبازا پێغەمبەری بیت سەڵاوات و سلاڤێن خودێ لسەر بن.

خودێ دبێژیت: {بَلَىٰۚ مَنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ فَلَهُۥٓ أَجۡرُهُۥ عِندَ رَبِّهِۦ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ}⁽⁾ ئانکو: وه‌ نينه‌ وه‌كى ئه‌و دبێژن كو به‌حه‌شت بۆ وان ب تنێیه‌، به‌لكى هه‌ر كه‌سه‌كێ په‌ڕستنێ ب ئیخلاص بۆ خودێ ب تنێ بكه‌ت، وئه‌و د هه‌مى گۆتن وكریارێن خۆ دا دویكه‌فتنا موحه‌ممه‌د پێغه‌مبه‌رى ﷺ بكه‌ت، دێ چته‌ به‌حه‌شتێ. ڤێجا هه‌چییێ وێ چه‌ندێ بكه‌ت ئه‌وى جزايێ كارێ وى بۆ وى ل ئاخره‌تێ ل نك خودايێ وى هه‌يه‌، كو چوونا به‌حه‌شتییه‌، وئه‌و ژ وێ نه‌خۆشییێ ناترسن ئه‌وا ل پاشه‌ڕۆژێ ژ كارێ ئاخره‌تێ ل به‌را وان هه‌ى، و ل سه‌ر وان پشك وبارێن دنيايێ ژى ب خه‌م ناكه‌ڤن یێن ژ ده‌ست وان ده‌ركه‌فتین.