دبێژن پێغەمبەری سەڵاوات و سلاڤێن خودێ لسەر بن  پشتی عەقیقە (بڕینا سەرێ گیانەوەری) بۆ زاروکی، پشتی بۆ ئوممەتا خۆ دروست کری و وی ب خۆ ژی بۆ خۆ ئێکێ دایی و عبدالمطلبی ژی ئێک بۆ پێغەمبەری سەڵاوات و سلاڤێن خودێ لسەر بن یێ دایی و دبیت ئەڤە پێغەمبەری سەڵاوات و سلاڤێن خودێ لسەر بن دابیت ژبەر کو خودێ ئەو یێ ئینای دونیایێ.

بەرسڤ لسەر ڤێ گومانێ:

1. ئەو فەرموودا دبێژیت: پێغەمبەری سەڵاوات و سلاڤێن خودێ لسەر بن عەقیقە پێش خۆ ڤە یادای فەرموودەکا نە یا دروستە. ئێك ژ ڕاویێن وێ فەرموودێ (عبدالله بن محرر) کو ئیمام بیهقی دبێژیت: زانا دئێک دەنگن لسەر لاوازیا وێ،  ئبن حجر دبێژیت: (هو متروك) ئانکو فەرموودا وی ناهێتە وەرگرتن. ئیمام نووی دبێژیت: ئەو فەرموودە یا باطلە. ئیمام البیهقی دبێژیت: فەرموودەکا مونکەرە.

2.  بتنێ ب گومانێ و ببەلکیێ کار ناهێتە کرن بەلێ بەلکو شەریعەت ب بەڵگەی و ب ئایەت و فەرموودێ دهێتە دانان، پێغەمبەر سەڵاوات و سلاڤێن خودێ لسەر بن دبێژیت: "إياكم والظنَّ فإنَّ الظن أكذَبُ الحديثِ"

(رواه البخاري 5143)

 ئانکو: هشیاری هزر کرنێ بن چونکی هندیکە هزر کرنە درەوترین گوتنە.

3.  ئەرێ هاتییە کو جاهلییەتێ دا عەقیقە هەبوو و ئەگەرهەبیت ژی ئەرێ دێ ئیسلام ل دویف وێ چیت و ئەرێ  پشتی ئیسلام هاتی ژی دێ هەر دویف جاهلییەتێ چیت؟؟

4.  ئەگەر هوسا بیت کو پێغەمبەری سەڵاوات و سلاڤێن خودێ لسەر بن ژبەرهندێ ژی کر بیت ئەرێ ئەم دێ وێ ڕۆژێ کەینە جەژن یان دێ کەینە ئاهەنگگێران ئەگەر ئەم بێژین ئەم دێ وەکەین ئەوا پێغەمبەری سەڵاوات و سلاڤێن خودێ لسەر بن  کری ئەرێ ما وی ئەڤ چەندە کرییە؟؟

5. عەقیقە سەر برینا گیانەوەرییە د ڕۆژا حەفتێ دا بۆ زاروکێ شنی ژدایک بویی و ئەڤە ژوێ جودایە ئەگەر ئێک ئاهەنگێ بگێریت بۆ ڕۆژا ژدایک بونێ چونکی عەقیقە سەر برینا گیانەوەرییە نە بو ڕۆژا ژدایک بونێ یە بەلێ پا ڕۆژا حەفتێ دهێتە سەر ژێ کرن ئانکو ئەڤە گەلەک ژوێ جودایە ئەوا ئەو بەحس دکەن و چ رەنگا نابیتە بەڵگە.