دبێژن: مەزن دانانا پێغەمبەری سەڵاوات و سلاڤێن خودێ لسەر بن یا تێدا.

بەرسڤ لسەر ڤێ گومانێ:

 مەزن دانانا پێغەمبەری سەڵاوات و سلاڤێن خودێ لسەر بن یا دگوهداری کرنا وی دا و جێبەجێکرنا فەرمانێت وی دا و خۆ دویرکرن ژ وان تشتێن وی نەهییامە ژێ کری و حەژێکرنا وی سەڵاوات و سلاڤێن خودێ لسەر بن، مەزن دانانا وی نە دزێدەکرنا دینی (بیدعا) و گونەها دایە، و ئاهەنگگێرانا ژ بۆ نویکرنا مەولیدێ ژگونەهێ یە، و سەحابیان  پێغەمبەر سەڵاوات و سلاڤێن خودێ لسەر بن ژهەمی کەسا مەزنتر دەینا، 

هەروەکی عروەیێ کورێ مەسعودی خودێ ژێ ڕازی بیت گوتییە قورەیشیا (ئەی مللەت، سویند بخودێ ئەز یێ چویمە دەف مەلک و شاهان و ئەز یێ چویمە دەف قەیسەری و کیسرای و نجاشی، سویند بخودێ من چ شاهـ نە دیتینە هەڤالێن وی ئەوی مەزن بدانن هەروەکی مەزن دانانا هەڤالێن پێغەمبەری سەڵاوات و سلاڤێن خودێ لسەر بن، سویند ب خودێ ئەگەر تف کربا ئیللا دا تفاوی کەڤیتە دەستێ زەلامەک ژوان دا، دا ل ناڤ چاڤ و پیستێ خۆ دەت، و ئەگەر فەرمان ل وان کربا دا لەزێ ل فەرمانا وی کەن، ئەگەر دەست نڤێژ گرتبا دا شەری کەن سەرا ئاڤا دەست نڤێژا وی، ئەگەر ئاخفتبا دا دەنگێن خۆ ل دەف وی کێم کەن، ڕوی ب ڕوی بەرێ خۆ نەدانێ ژبەر مەزن دانا وی)

البخاري 3/178 رقم 2731 ، 2732 ، الفتح : 5/388

ودگەل ڤێ مەزن دانانێ ڕۆژا ژدایک بونا وی نە دکرنە جەژن و ئاهەنگ نە دگێران، ئەگەر ئەڤ چەندە یا دروست با دا کەن و نە دهێلان.