دبێژن: کرنا مەولیدێ ساخکرن و بیرئینانا پێغەمبەرییە سەڵاوات و سلاڤێن خودێ لسەر بن.

بەرسڤ لسەر ڤێ گومانێ:

بیرئینانا پێغەمبەری سەڵاوات و سلاڤێن خودێ لسەر بن نوی دبیت دگەل موسلمانی، و موسلمان خۆ پێڤە دگریت هەرگاڤەکا ناڤێ وی بهێتە بەحس کرن دبانگی، و قامەتێ و گوتاران دا و هەر گاڤەکا موسلمان هەر دوو شەهدا دووبارە دکەت یان دبێژیت پشتی دەست نڤێژ گرتنێ و نڤێژا و هەر گاڤەکا سەڵاواتا دەنە سەر پێغەمبەری سەڵاوات و سلاڤێن خودێ لسەر بن دنڤێژ و زکرێن خۆ دا. 

و هەر گاڤەکا موسلمان کارەکێ باش بکەت ئەڤجا چ واجب بیت یان سوننەت بیت ژوان یێن پێغەمبەری سەڵاوات و سلاڤێن خودێ لسەر بن بۆ وی داناین ئەو بڤێ چەندێ هزرا خۆ لێ دئینیت و دگەهیتە وێ خێرێ وەکی خێرا ئەوی کەسێ کار کری، و ئەها هوسا موسلمان بەردەوام بیرئینانا وی ساخ دکەت و خۆ پێڤە گرێدەت ب شەڤ و ڕۆژان و بدرێژاهییا ژیێ وان ژوان تشتێن خودێ داناین نەکو د ڕوژا مەولیدێ بتنێ دا بۆ وی تشتێ (بیدعە) و ئەو تشتێ دژی سوننەتا وی، ئەڤ چەندە مروڤی ژ پێغەمبەری سەڵاوات و سلاڤێن خودێ لسەر بن دویر دکەت.

و پێغەمبەر سەڵاوات و سلاڤێن خودێ لسەر بن زەنگین ترە ژڤێ ئاهەنگگێرانا (بیدعە) ب وان تشتا ئەوێن خودێ داناین بۆ مەزن دانانا وی و ڕێزگرتنا وی هەروەکی خودێ دبێژیت: {وَرَفَعۡنَا لَكَ ذِكۡرَكَ} (الشرح - 4) ئانکو: وما مه‌ -ب وان قه‌نجییێن مه‌ د گه‌ل ته‌كرين- تو ل جهه‌كێ بلند نه‌داناى؟

ناڤێ خودێ ناهێتە گوتن دبانگی و قامەتێ و گوتاران دا ئیللا پشتی وی ناڤێ پێغەمبەری ژی سەڵاوات و سلاڤێن خودێ لسەر بن تێدا دهێتە گوتن، و ئەڤە بەسی وی یە کو مەزن دانان بیت و حەژێکرن بیت بۆ وی و نویکرن بیت بۆ بەحس کرنا وی و رژد کرن بیت ل سەر دویف چونا وی.

هەروەسا خودایێ مەزن دقورئانێ دا ئاماژە و شانازی ببونا پێغەمبەری سەڵاوات و سلاڤێن خودێ لسەر بن نەکرییە بەلێ پا ئاماژە و شانازی ب پێغەمبەریا وی یا کری هەروەکی دبێژیت: {لَقَدۡ مَنَّ ٱللَّهُ عَلَى ٱلۡمُؤۡمِنِينَ إِذۡ بَعَثَ فِيهِمۡ رَسُولٗا مِّنۡ أَنفُسِهِمۡ} (آل عمران - 164) ئانکو: ب ڕاستى خودێ مننه‌ت ل خودان باوه‌رێن عه‌ره‌ب كر؛ ده‌مێ پێغه‌مبه‌ره‌ك ژ وان ب خۆ د ناڤ وان دا هنارتى، دا ئايه‌تێن قورئانێ بۆ وان بخوينت، ووان ژ بوتپه‌رێسییێ وڕه‌وشتێن خراب پاقژ بكه‌ت، 

هەروەسا خودێ دبێژیت: {هُوَ ٱلَّذِي بَعَثَ فِي ٱلۡأُمِّيِّـۧنَ رَسُولٗا مِّنۡهُمۡ} (الجمعة - 2) ئانکو: خودێیه‌ يێ كو د ناڤ وان عه‌ره‌بێن نه‌خوانده‌ڤان وبێ كيتاب دا يێن چو شوينوارێن پێغه‌مبه‌رينییێ د ناڤ دا نه‌ماين، پێغه‌مبه‌ره‌ك ژ وان ب خۆ بۆ هه‌مى مرۆڤان هنارتى.