بەرسڤ لسەر ڤێ گومانێ:

خواندنا ژیانناما پێغەمبەری سەڵاوات و سلاڤێن خودێ لسەر بن و دویف چونا وی دوو تشتێن دا خواز کرینە ژ موسلمانی بەردەوام ب درێژاهییا سالێ و ب درێژاهییا ژیانێ بەلێ پا تایبەت کرنا ڕۆژەکا دیارکری بۆ ڤێ چەندێ و بێ بەڵگە ئانکو چ بەڵگە نەبن لسەر دیارکرنا وێ دێ بیتە (بیدعە) و هەر بیدعەکا هەبیت بەرزە بونە.

هەروەسا (بیدعە) چ بەرهەم پێڤە ناهێت ژبلی خرابیێ و دویربون ژ پێغەمبەری سەڵاوات و سلاڤێن خودێ لسەر بن، پێغەمبەر سەڵاوات و سلاڤێن خودێ لسەر بن دبێژیت: "هه‌چیێ ژ هه‌وه‌ بمینت دێ جودابوونه‌كا مه‌زن بینیت، ڤێجا هه‌وه‌ ئێمانه‌تی سوننه‌تا من، وسوننه‌تا جێگرێن من یێن سه‌رڕاست [أبو بكر الصديق - عمر بن الخطاب - عثمان بن عفان - علي بن أبي طالب]، خۆ پێڤە بگرن و پدیێن خۆ لسه‌ر ب شدینن، و هشیارى وان كارێن نوی بن ددینی دا، چونكى هه‌ر تشته‌كێ دد‌ینى دا نوى ده‌ربكه‌ڤیت بیدعه‌یه‌، و هه‌ر بیدعه‌یه‌كا هه‌بیت به‌رزه‌بوونه‌‌" رواه ابو داوود (4607)

پێغەمبەری سەڵاوات و سلاڤێن خودێ لسەر بن بۆ مە دڤێ فەرموودێ دا دیارکر کا ئەم دێ چاڤ ل کێ کەین ل دەمێ ئختیلاف ژێک جودابونێ هەروەسا دیارکر کو هەر تشتەکێ دژی سوننەتێ بیت ژ گوتن و کریارا دێ بیتە بیدعە و هەر بیدعەکا هەبیت بەرزەبونە، و ئەگەر ئەم سەحکەینە ئاهەنگگێرانا مەولیدێ ئەم چ بنیاتا بۆ نابینن دسوننەتا پێغەمبەری دا سەڵاوات و سلاڤێن خودێ لسەر بن و هەروەسا ل دویڤ ڕێکا پێغەمبەری دا و یا سەحابیان نینە، ئەڤجا دێ بیتە ژوان تشتێن نوی دەرکەتین ژوان بیدعین خەلکێ بسەردا دبەن، و ئەو بنیاتە ئەوا ئەڤێ فەرموودێ بخۆ ڤە گرتی.

هەروەسا گوتنا خودێ ژی لسەر دبیتە بەلگە دەمێ خودایێ مەزن دبێژیت: {فَإِن تَنَٰزَعۡتُمۡ فِي شَيۡءٖ فَرُدُّوهُ إِلَى ٱللَّهِ وَٱلرَّسُولِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۚ ذَٰلِكَ خَيۡرٞ وَأَحۡسَنُ تَأۡوِيلًا} رواه ابو داوود (4607) ئانکو: هوین د به‌رسڤا فه‌رمانێن خودێ وه‌رن وبێ ئه‌مرییا وى نه‌كه‌ن، و د به‌رسڤا پێغه‌مبه‌رى ژى سەڵاوات و سلاڤێن خودێ لسەر بن وه‌رن، و گوهدارییا وێ حه‌قییێ بكه‌ن يا ئه‌و پێ هاتى، وگوهدارییا مه‌زن وكاربده‌ستێن خۆ بكه‌ن به‌لێ نه‌ د بێ ئه‌مرییا خودێ دا، وئه‌گه‌ر هوين د ناڤبه‌را خۆ دا ل سه‌ر تشته‌كى ب هه‌ڤڕكى چوون، هوين حوكمێ وى تشتى بۆ خودێ وپێغه‌مبه‌ری بزڤڕینن، ئه‌گه‌ر هه‌وه‌ ب دورستى باوه‌رى ب خودێ وڕۆژا حسێبێ هه‌بت. ئه‌ڤ زڤڕاندنا هه‌وه‌ ژ هه‌ڤڕكییێ وژێكڤه‌بوونێ چێتره‌، ودويماهییا وێ باشتره‌. 

و زڤرینا بۆ خودێ زڤرینا پەرتووکا وییە و زڤرینا بۆ پێغەمبەری سەڵاوات و سلاڤێن خودێ لسەر بن زڤرینە بو سوننەت و فەرموودێن وی پشتی مرنا وی، ئەڤجا قورئان و فەرموودە هەردوو ژێدەرن ل دەمێ ئختیلاف و ژێک جودابونێ، ئەڤجا ل کیڤە دقورئان و فەرموودێ دا هەیە کو ببیتە بەلگە لسەر دروستیا مەولیدا پێغەمبەری سەڵاوات و سلاڤێن خودێ لسەر بن، یا ئەرک لسەر وی یێ ڤێ چەندێ بکەت یان بباش دانیت ئەو تەوبە بکەت ژڤێ، و ژبلی ڤێ ژ بیدعان و ل خۆ بزڤریت، چونکی ئەڤە کارێ باوەردارییە ئەوێ ل راستیێ و حەقیێ دگەریت، بەلێ پا ئەوێ عینادێ بکەت و خۆ مەزن بکەت پشتی دیاربونا بەڵگەیان خودێ دێ حسابێ دگەل کەت.