بەرسڤ لسەر ڤێ گومانێ:

ئەڤان تشتا بنیات دشەریعەتی دا یێن هەین، و نە ژنوی هاتینە دەرێ خستن، وگوتنا عومەری ڕازی بونا خودێ لێ بیت دەمێ گوتی: ﴿نعمت البدعة هذه﴾ ئانکو: باشترین بیدعە ئەڤەیە.

مەرەم پێ بیدعا زمانی یە نە کو بیدعا شەرعی یە، ئەوا بنیات دشەریعەتی دا هەبیت دێ زڤریت بۆ وێ ئەگەر بێژن بیدعەیە ئەو بیدعەیە دزمانی دا نەکو دشەریعەتی دا، چونکی بیدعە دشەریعەتی دا ئەوە ئەوا کو چ بنیات دشەریعەتی دا بۆ نەبن کو بۆ بزڤریت.

هەروەسا کومکرنا قورئانێ دپەرتوکەکێ دا بنیات یێ دشەریعەتی دا هەی، چونکی پێغەمبەری سەڵاوات و سلاڤێن خودێ لسەر بن فەرمان دکر ب نڤیسینا قورئانێ، بەلێ پا نڤیسینا وێ یا نڤیسنەکا ژێک جودا بۆ، سەحابیان قورئان کومکر دپەرتووکەکێ دا دا بهێتە پاراستن.

و (تەراویح) پێغەمبەری سەڵاوات و سلاڤێن خودێ لسەر بن یێت کرین لبەراهییا سەحابیان چەند شەڤەکان و پاشی هێلا بترسا هندێ داکو لسەر ئوممەتا وی فەرز نەبیت، سەحابی لسەر کرنا (تەراویحان) بەردەوام مان خودێ ژ وان ڕازی بیت بەلێ هەر ئێکێ بۆ خۆ جودا دکرن دساخ بونا پێغەمبەری دا سەڵاوات و سلاڤێن خودێ لسەر بن و پشتی مرنا وی ژی، هەتا عومەرێ کورێ خەتابی ڕازی بونا خودێ لێ بیت ئەو کوم کرین ل پشت ئیمامەکێ کا چەوا ل پشت پێغەمبەری سەڵاوات و سلاڤێن خودێ لسەر بن کوم دبون، و ئەڤە نە بیدعەیە دشەریعەتی دا.

ونڤیسینا فەرموودێ ژی بنیاتێ شەریعەتی دا هەی پێغەمبەری سەڵاوات و سلاڤێن خودێملسەر بن فەرمان کر بۆ ب نڤیسینا هندەک فەرموودان بۆ هندەک سەحابیان ل دەمێ داخواز ژێ هاتییە کرن و ئەوا نەهی ژێ هاتییە کرن ب شێوەکێ گشتی، دەمێ پێغەمبەری سەڵاوات و سلاڤێن خودێ لسەر بن ژ ترسا وێ چەندێ داکو چ تشت تێکەلی قورئانێ نە بیت یا نە ژوێ، دەمێ پێغەمبەر سەڵاوات و سلاڤێن خودێ لسەر بن مری ئەڤ چەندە نەما چونکی قورئان تمام ببو و هات بۆ رێکـئێخستن بەری مرنا وی.

ئەڤجا موسلمانا فەرموودە ژی کوم کرن پشتی ڤێ چەندێ دا بهێنە پاراستن ژبەرزە بونێ خودێ خێراوان بنڤیسیت ژبەر وێ ئەوا وان کری بۆ موسلمانا و ئیسلامێ، کو پەرتووکا خودێ و فەرموودێن پێغەمبەری و یسەڵاوات و سلاڤێن خودێ لسەر بن پاراستن ژ بەرزە بونێ و دەست ڤەدانێ.

و دێ بۆ وان هێتە گوتن بوچی؟ ئەڤ سوپاسییا خودێ هاتە گیروکرن ل دویڤ هزرا وە؟ کو جیلێن دەستپێکێ ژ سەحابی و تابعیان و دویڤ چویێن تابعیان بوچی ئەو پێ نە رابون؟ و ئەوان پتر حەژ پێغەمبەری دکر سەڵاوات و سلاڤێن خودێ لسەر بن و ڕژدتر بوون لسەر کرنا خێرێ و پێ ڕابونا سوپاسی کرنێ، ئەرێ  ما ئەوێ بیدعا مەولیدێ دەرێخستی ئەو ژوان پتر لسەر ڕێیا ڕاستە؟ و پتر سوپاسی و شوکرا خودێ دکەت؟ بێگومان نەخێر.