دێ چاوا هزرا خۆ د قورئانێدا کەم؟

یێت هەین قورئانێ دخۆینن و هەڤرکیێ دگەل نەفسا خۆ دکەن بەس دا بخۆینن ، وهندەک دخوینن بێ کۆ هەڤرکیێ دگەل نەفسا خو بکەن چنکی حەژێ دکەن .
ڤێجا دێ چاوا گەهیە وی ئاستی کۆ ژ هەمی دلێ خۆ حەز ژ قورئانێ بکەی؟
......
دێ حەژێ کەی دەمێ بزانی ب خاندنا وێ ئەو دێ حەژ تە کەت.
بەلکۆ دێ بەرگریێ ژی لتە کەت. ورازی نابیت روژا قیامەتێ تو بهێیە عەزاب دان .. ڤێجا چاوا حەژێ ناکەی.. پێغەمبەر  ﷺ دبێژت: قورئانێ بخۆینن ، ئەو دێ روژا قیامەتێ هێت و بەرگریێ ژ خاندەڤانێت(هەڤالێت) خو کەت.
ونەفسێن مە یێت هاتینە ئافراندن لسەر هندێ کۆ حەز ژ وی تشتی بکەت یێ بەرگریێ ژێ بکەت وبپارێزیت، وقورئان ڤی کاری دکەت.
ئەرێ تۆ دزانی دێ چاوا بەرگریێ ژتە کەت؟
.........
ئەرێ تو دزانی دێ چ بێژت ل روژا قیامەتێ ؟ ئەو دێ وەک رێگرەکێ مەزن بوتە راوەستت ژ عەزابێ ، ودێ بەرگریێ ژتە کەت بەرامبەر خودایێ مەزن هەتا خودێ لتە ببورت ! ود حەدیسێدا یا هاتی ، کۆ قورئان دێ بێژیتە خودایێ مەزن: خودایێ من من ئەو بێ بار کر ژ نڤستنا شەڤێ ، ڤێجا مەهدەرا من بو قەبیل بکە ، ڤێجا دێ بو هێتە قەبیلکرن .
......
وهەروەسا یا کۆ پتر قورئانێ لبەر تە شرین دکەت ئەوە تو بزانی ئەو خێرێن دگەهنە مروڤی ب خاندنا وێ.
هەر پیتەک ب خێرەکێ ، وهەر خێرەک ب دەهێن وەکی وێ ! یا خودێ!
تو بەس سورەتا "الکوثر" بهژمێرە کۆ کورترین سورەتا قورئانێ یە ، پتر ژ 500 خێرا یێن تێدا ! وسورەتا "الفاتحة"ـێ پتر ژ 1200 خێرا ، وڤێجا تۆ هزرا خو د هەمی قورئانێدا بکە کا دێ بنە چەند خێر .
......
بخودێ هەکە هەر پیتەک ب 10 دولارا با تە کەس نە ددیت بێ کۆ قورئان ددەستاندا بیت .. ئەرێ مانە خێر بهاترن؟ .. وئاخرەت باشتر و چێترە ..هەست ب ڤان چیایێن مەزنێت خێرا بکە ، بخودێ ئەو تاما خاندنا قورئانێ ل نک تە گۆهوریت .
.....
وتشتێ دی یێ کۆ حەژێکرنا قورئانێ ل نک تە زێدەکەت ئەڤە تو هزرا خۆ تێدا بکەی ، وخو بکەیە د وی سەقاییدا ، دێ چاوا هزرا خو تێدا کەی؟
هەست پێ بکە کۆ یێ دگەل تە دئاخفت ،چنکی خودێ حەز دکەت بەندە هزرا خۆ دوێ پەیامێدا بکەت یا وی بو هنارتی ، حەز دکەت تە ببینت وتویێ پرسیار دکەی ئەرێ خودێ چ ژ من دڤێت ؟ خودێ چ دبێژتە من ؟ حەز دکەت تە هوسا ببینت.
.......
وهەست پێ بکە کۆ یێ دگەل تە دئاخڤت وبەردەوام لدەمێ خاندنێ هزربکە کۆ ئەڤ قورئانە یێ بوتە بتنێ هاتی خارێ ، و خودێ دڤێت دگەل تە باخڤیت ، هەکە تو ڤێ هزرێ بکەی هێدی دێ گەهیە رادەکێ وەسا تە نەڤێت جۆزئێ تە یان سورەت خلاس بیت .
........
قورئانێ نەخوینە دەمێ هزرا تە یا بەربەلاڤ بت ، وبتنێ تو یێ پیت و پەیڤا دخوینی ، بەلکۆ هزرا د رامان و مەرەمێن وێدا بکە ، بخودێ تشتەک ژ هندێ خوشتر نینە تو هزرا خو دقورئانێدا بکەی ،  گۆتنە هندەکا ئەرێ دەمێ تو قورئانێ دخۆینی تو هزرا تشتەکێ دی دکەی دگەل نەفسا خۆ ؟
گۆت: ڤێجا ما تشتەک هەیە خوشتڤیتر بت لنک من ژقورئانێ هەتا ئەز دنەفسا خودا هزر تێدا بکەم !
.......
بلا تە دوو خەتمە هەبن :
دئێکێدا جوزئەکێ یان پتر بخوینی ، وختمەکا دی یا جێواز هەبت کۆ ژ لاپەرەکێ نە پتر بەلێ تو هزرا خو تێدا بکە ، ونوقمی رامانێت وێ یێن پیروز ببی .

و: شیڤان شێخەمیری