١_شرڪا مەزنتر خودێ تعالى گوننەها وێ ناغەفرينيت هەتا خودان تەوبه نەكەتن، بەلێ شرڪا بچیڪتر (د گەل هندێ ڪو ژ مەزنترین گونەهایە) خودانێ وێ دێ مینتە د بن حەسڪرنا خودێ ڤە، ئەگەر خودێ ڤییا دێ لێ غەفرینیت و ئەگەر نەڤییا لێ ناغەفرینیت.

٢_شرڪا مەزنتر عەمەلێ مروڤی هەمییێ پویچ دڪەت، بەلێ شرڪا بچویڪتر عەمەلی هەمییێ پویچ ناڪەت، ب تنێ وی عەمەلی پویچ دڪەت یێ ڪو مروڤی شرڪ بۆ خودێ تێدا چێڪری.
بو نموونە: تە قوربانەڪ ڤەڪوشت بۆ غەیری خودێ، ئەو قوربان ڤەڪوشتنە ناهێتە قەبویلڪرن، ئەڤە ئەو عەمەلە پویچ بوو د گەل هندێ عەمەلێن وی یێن دی ژی هەمی دێ پویچ بن، هنگێ ئەڤە شرڪا مەزنترە.
نموونەڪا دی: تە نڤێژ ب ڕەنگەڪێ گەلەڪ جوان ڪر ژبەر ڪو خەلڪەڪ تە دبینیت، ئەڤە ڕویمەتی یە، ئەو نڤێژە ناهێتە قەبویلڪرن، هنگێ ئەو عەمەلە ب تنێ دێ پویچ بیت بەلێ عەمەلێن وی یێن دی نە، ئەڤە شرڪا بچویڪترە.
 
٣_شرڪا مەزنتر خودانێ خو ژ ئیسلامەتییێ ددەرئێخیت، بەلێ شرڪا بچویڪتر خودانێ خو ژ ئیسلامەتییێ نادەرێخیت.

٤_شرڪا مەزنتر ئەگەر خودان ل سەر ب مریت و تەوبە نەڪەت هەتا هەتایێ دێ مینتە د جەهننەمێ دا، چو جار ناچیتە بەحەشتێ، بەلێ شرڪا بچویڪتر ئەگەر خودان ل سەر شرڪێ مر و تەوبە نەڪر د گەل هندێ ژی ڪو گەلەڪ یا دژوارە بەلێ خودان هەتا هەتایێ نامینتە د جەهننەمێ دا، دێ عەزابا خو وەرگریت و دەرڪەڤیت.

شرح اصول الایمان/