١_بەشێ ئێڪێ: یا دروست، و ئەڤە ئەوە یا شەریعەتی دەستویری پێ دای ڪو مفای ل خودانێ قەبری ژی دڪەت و ل وی ژی یێ سەرەدانا قەبری دڪەت.
ڤێجا یا ڪو مفای ل وی دڪەت یێ سەرەدانا قەبرا دڪەت ئەوە: دلێ وی ب ڤێ سەرەدانێ نەرم دبیت، و بیرا وی ل ئاخرەتێ دهێت، و قەنجییێ پێ دگەهینتە برایێن خو.
و یا ڪو مفای ل خودانێ قەبری دڪەت: ئەوێ سەرەدانا قەبری ڪری سلاڤ دڪەتە سەر وی، و دوعا بو وی دهێنەڪرن و ئستیغفارا بو دڪێشیت.

٢_بەشێ دووێ: سەرەدانا نە دروست، و ئەڤەژی دبتە سێ جور:
_هندەڪ دچنە سەر قەبرا و دڪەڤنە د شرڪا مەزنتر دا: وەڪی وی یێ هاوار بڪەتە قەبران، و دوعا ژێ بڪەت، و داخازا هەوجەییێن خو ژێ بڪەت.
و چو جوداهی نینه دناڤبەرا وی دا یێ ڪو هزر بڪەت خودانێ قەبری بخو دێ کارتێڪرنەڪێ لێ ڪەت، و وی یێ هزر بڪەت ئەڤە واسطەیە دناڤبەرا وی و خودێ تعالی دا.
ئەڤە هەمی دبیتە شرڪا مەزنتر.
_یێ بڪەفتە د شرڪا بچیڪتر دا: وەڪی وی یێ بچیتە سەر قەبرا و مەخسەدا وی ئەو بیت ل وی جهی دوعا ژ خودێ بڪەت چونڪی جهەڪێ پیروزە، ڤێجا هنگێ ئەڤی ئەگەرەڪێ نە یێ دروست بو پیروز و تەبەرروڪێ بجهــ ئینا لەوا ئەڤە دبیتە شرڪا بچیڪتر.
_دڪەفتە د حەرامی دا، بەلێ ناگەهتە شرڪێ نە یا مەزنتر و نە یا بچیڪتر: وەڪی دانانا روناهییا ل سەر قەبران، و خەملاندنا وان.
و دبیت هندەڪ ژ ڤان ڪاران ژ گونەهێن مەزن بن و دبیت بچیڪ بن.

القول السدید في مقاصد التوحید للشیخ ابن سعدي/ شیخ د. صالح العصیمي.