نەریت چییە؟ دێ چاوا خۆ ژ نەریتێن نەرێنی رزگارکەی؟

رێکا R.O.R.D بۆ خۆ رزگارکرن ژ نەریتان:

گەلەک ژ مە ژ هندەک نەریتان دناڵن کو ئەو نەریت کارتێکرنەکا خراب دکەنە سەر ژیانا وی، و نەریت گەلەکن بەلێ ئەنجامێ مە هەمییان دڤێت ئێکە.. ئەو ژی مە دڤێت خو ژوان نەریتان رزگار بکەین!

ل دەستپێکێ من دڤێت تو بزانی کو هەمی دەمان ئاریشە نە د پێکهاتا تشتی دایە بەلکو ئاریشە نەبوونا شیانا یە بۆ تێگەهشتنا ڤی پێکهاتەی، یان چەوانییا سەرەدەریکرنێ د گەل، و ژبەرکو هەمی تشت ژ زانینێ دەستپێدکەن ل ڤێرە ئاریشا مە یا سەرەکی دبیتە نەبوونا زانینێ.

بۆ نموونە تو نەشێی مەلەڤانییا بکەی ئەکەر تو خۆ ل دەستپێکێ فێر نەکەی، ژیان هوسا ب رێڤە دچیت و ژیوار یێ ب ئەڤی شێوەییە. گەلەک کەس ناما بۆ من فرێدکەن و دبێژن کو وان شیان نینن فلان هەستی بهێلن یان فلان نەریتی یان یان یان، و ل دوماهیێ ئەگەرێ وان ئێکە ئەو ژی ئەوە ئەو پێنگاڤا نزانن.

نەریت رەفتارەکا بێئاگه‌هی و نه‌هشیارانه‌یه‌‌ ب ڕێکا دووبارە بکارئینانا ئاگه‌هییێ و بەردەوامییا وێ رەفتارێ پێکدهێت، و ب ڤێ رێکێ ئەڤ ڤەگوهاستنە چێبوو یا رەفتارێ ژ ئاگه‌هییێ بۆ بێئاگه‌هییێ و هوسا ئەم خۆ دبینین کو بێی هزرکرن یان حەز ئەم یێ وی کاری دکەین. ئەڤە بۆ تشتەک کو رێکێ نیشامە ددەت ددەمەکیدا کو مە نیشا ددا و کونترولێ ل سەر مە دکەت پشتی کۆ مە چێکری.

ئەڤجا دێ چاوا خۆ ژ ئەڤی نەریتی رزگارکەین؟
گۆتنەکا ب ناڤودەنگ یا هەی دبێژیت: (کا تو چاوا چوویە سەر دارێ، وەسا وەرە خوارێ ژی) ئانکو کا چاوا تە ئەڤ تشتە و ئەڤ نەریتە چێکر وەسا بهێلە ژی.. و ئەڤە چاوا؟

ئەگەر تە زانی کو نەریت پێدڤی ب ئەڤان تشتایە هەتاکو پێکبهێت:
زانین، چاڤدێری، دووبارەکرن، بریار
 R.O.R.D (Realize, Observe,Repeat,Decide)

ئانکو پێدڤییە تو ڤان پێنگاڤا دووبارە بکەیەڤە داکو بگەهییە راوەستیانا ژ وی نەریتی.

ئەڤا دێ نوکە بێژم بکە د مێشکێ خۆ دا:
ب ملیونان مرۆڤان ئەو نەریتە هەبوو یێ نوکە تو ژبەر دناڵی و ئەو شیان خۆ ژێ رزگارکەن، مادەم ئەو شیان توژی دشێی، مانە هوسایە؟

باشە پا ئەو چ پێنگاڤن پێدڤییە تو بهاڤێژی داکو ژ وی نەریتی قورتال بی؟

پشکا ئێکێ... بەردەوامییا هەی