باشە پا ئەو چ پێنگاڤن پێدڤییە تو بهاڤێژی داکو ژ وی نەریتی قورتال بی؟

ل دەستپێکێ دێ ل نەریتەکێ دی گەری کو بدانیە جهێ وی، تو نەشێی نەریتەکی بگوهۆری ئەگەر تە چ پێکگهورک بو نەدیتن.. ئەڤە تاک مەرجە پێدڤییە ل دەف مە هەبیت داکو گەشتا خۆ دەستپێبکەی بۆ رزگاربوون ژ وی نەریتێ نەرێنی.

1- زانین: تو بزانی کو ئەڤ نەریتە تە دئێشینیت و تە د کوژیت، و هندی تو پتر هزرا ئەگەر و نەخۆشیێن وێ بکەی دێ شێی بلەزتر خۆ ژێ رزگارکەی.. دەمێ تە دەست ب پێکئینانا ئەڤی نەریتی کری  تە هزرا تایبەتمەندیێن وێ کربوو، کا ئەرێ تە بەختەوەردکەت؟ تە وەک زەڵام ددانیت و پیشان ددەت؟ (بۆ نموونە جگارە کێشان) ، و هتد.

ژبەر هندێ نوکە لاپەرەکی و پێنوسەکی بینە هەمی نەخۆشیێن ڤی نەریتی بنڤیسە، سەحکێ چەوا ژیاناتە و پاشەرۆژاتە و لەشی تە ژناف دبەت، ل سەر ئنترنێتێ لێبگەرە، هندی تو بشێی خالێن وێ بنڤیسە و پاشی ئێک ئێکە هزرا خۆ د هەمی خالان دا بکە، هزرا خۆ بکە کا ژیاناتە دگەل وی نەریتی یا چەوا یە و کا دێ چەوا ژیانا تە و ژیانا کەسێن دەوروبەرێن تە کەتە دوزەخ.

و نوکە پشتی تو بدویماهی هاتی ژ دیارکرنا نەخۆشیێن وێ نوکە لاپەرەکێ دی بینە و هەمی تشتێن باش بنڤیسە ئەگەر هات و تو ژ وێ نەریتی رزگاربووی، و هەمان خالێن بەری نوکە دووبارەکە بەس دەربارەی خالێن ئەرێنی یێن رزگاربوون ژ نەریتی، وهزرکە کا دێ چەوا ژیانا تە بێی ئەو نەریت باشتر لێهێت.

ب ئەڤێ رێکێ تو یێ ئاماژان بۆ مێشکێ خۆ یێ نە واعی (لاواعي) فرێدکەی و ب شێوەکێ نە راستەوخو دبێژیێ کو هاریکارییا تە بکەت بو رزگاربوون ژ ڤان تشتێن تایبەت ب نەریتی ڤە، و تو دبێژیێ کو تە دڤێت نەریتەکێ نوی ل دەف خۆ پەیداکەی، و ئەو ب ئەڤی شێوەی دێ هاریکارییا تە کەت.

2- چاڤدێری: نوکە و پشتی تو بدویماهی هاتی ژ زانینا نەریتی و نیاسینا نەخوشیێن تایبەت ب دووبارەکرنا وی نەریتی ڤە و خالێن ئەرێنی یێن رزکاربوون ژ وی نەریتی، چاڤدێرییا ڤی نەریتی بکە.

کەسەکێ توڕە هاتە دەف من و ڤیا خۆ ژ تورەبوونا خۆ رزگارکەت، من گۆتە وی کو کومەکا کامیران بدانیتە د ماڵا خۆڤە، و وی رەوفتارێن خۆ ل دەمێ تورەبوونێ تومار کرن ، پاشی وی تەماشەی وان تومارا کر و گەلەک مەندەهوش بۆ ژ کارڤەدانێن خۆ، وی گۆتە من کو دەمێ وی خۆ د تومارا کامیرێ دا دیتی و رەفتارێن خۆ دیتین ئەو مەندەهوش بو، و بو وی دیاربوو کو هندی ئەو جارەکێ تەماشەی تومارێن خۆ دکەت دەمێ ئەو یێ تورە رەفتارێن وی باشتر لێدهێن و تورەبوونا وی کێم دبیت.
هەروەکی تو سترانا بێژی و دەنگێ خۆ تومار کەی و پاشی گوهێ خۆ بدەیە دەنگێ خۆ، مەندەهوش دبی ژبەر! مانە هوسایە؟

لڤێرە هزرا چاڤدێریکرنێ ل دویف نەریتی دهێتە گوهۆرین، هندەک جارا تومارکرن برامانا هندی بیت تو چاڤدێرییا خۆ بکەی و هندی تو ڤی نەریتی ئەنجام بدەی وەسا  خۆ ببینە هەروەکی تۆ یێ تەماشەی خۆ دکەی، دەستێ خۆ دبەیە پاکیتا جگارێ بو نموونە، جگارێ دەردئێخی، هەلدکەی، و پاشی دکێشی هەتا بدویماهی دهێت.ب دووبارەکرنا کارێ چاڤدێریکرنێ، تو نەریتی دگۆهری ژ نەریتەکێ نەواعی بو نەریتەکی واعی، ئانکو تو دزانی دەمێ ئەنجام ددەی ئەڤجا ڤەدگوهێزی بو وەعیێ و هوشیاریێ، و هوسا دگەل دووبارەکرنا ڤێ چەندێ تو دبینی کو هەست و حەزا تە بۆ ئەنجامدانا ڤی نەریتی پیچ پیچە یا کێم دبیت هەتا بەرەڤ نەمانێ ڤە دچیت.

3- دروستکرنا نەریتەکێ نوی و شکاندنا نەریتێ کەڤن.

بیرا تە ل نەریتەکێ پێکگهۆرک بو نەریتێ تە یێ نوکە دهێت؟
دەمێ هەڤاڵێ مە ژ تورەبوونا خۆ ب دویماهی هاتی د هەمان دەمدا ئەو ل دویف هندەک زانیاری و پێنگاڤێن نوی دچوو کو من نیشا دابوون ئەوژی ئاڤاکرنا نەریتەکێ نوی یێ پێکگهورک. ئەو نەریتێ وی هەلبژارتی ڤەخوارنا ئاڤێ بوو.

بەلێ ئە ئاها هوسا یا ب ساناهییە، دبیت هندەک کەس هاتن وچوونا ل جهەکی ب هەلبژێرتن یان خۆ هاڤێتنێ یان ...هتد. نە نەریتە وەکی تو هزردکەی بەلێ رەفتارەکە بۆ شکاندنا نەریتێ نەرێنی.

هەر جارەکا هەڤالێ مە توڕە ببا و زانیبا ئەو یێ بەرەڤ ڤی بارودوخی ڤە دچیت ئێکسەر ئاڤ ڤەدخوار.  هەتا تشتەک چێبووی و گۆتە من کا چەند یا سەیر بوو بۆ وی، ئەوژی ئەوە کو ئەو ئێدی گەلەک ئاڤێ ڤەدخوت.
ئەوا رویدای ئەوبوو کو ئەڤی کەسی نەریتەکێ پێکگهۆرک بۆ خۆ ئاڤاکر، هەر جارا ئاڤ ڤەدخوار د راستی دا ئەو رامانا وێ ئەوبوو کو چنەمابوو دا ئەو تورە بیت وەکی د رابردووی دا رویددا، ڤێجا ب شێوەکی نە واعی مێشکێ وی ئەو پاڵددا بۆ ڤەخوارنا ئاڤێ.
نوکە، ئەو چ نەریتێ ئەرێنی یە دێ گوهۆری دگەل نەریتێ بەرێ و هەر جارا تە هەست پێکر تو یێ ل دویف نەریتێ کەڤن دچی دێ ئەنجام دەی؟

4- بریار: نوکە ئەم هاتینە پێنگاڤا ژ هەمییان ب زەحمەتتر ئەوژی بریارە... ئەو یا بزەحمەتە بۆ وان کەسێن نە د رژد د خۆ رزگارکرن ژ نەریتێ خراب دا... و گەلک یا ب ساناهییە بۆ وان کەسێن ژ راستا دڤێت خۆ ژوی نەریتی رزگار کەن، دبیت ل دەستپێکێ یا ب زەحمەت بیت بەلێ هەر جارەکا ئەم فەرمانا راوەستیانێ ل خۆ دکەین ئەم دێ بینین کو خۆ بێی هزرکرن ژی راوەستیان یا رویددەت...

ژبەر هندێ برایێ من یێ خۆشتڤی، نوکە بریارێ بدە، ب راوەستە، بریارا ڤێ بدە، دووپاتیێ ل سەر هەبوونا نەریتەکێ نوی یێ پێکگهۆرک بکە، و دێ بینی کو بابەت گەلەک بساناهیترە ژ وێ یا تە هزرکری.
وەک پێنگافەکا زێدە بزاڤێ بکە ل وان کەسان بگەری یێن شیاین ب راوەستن ل سەر ئەنجامدانا نەریتەکی، تێکهەلیێ دگەل بکە و خۆ نێزیکی وان بکە دێ بینی کو رۆژ بۆ روژێ تو پتر یێ نێزیکی ئارمانجا خۆ دبی.

٭٭٭٭٭٭٭٭

ئارمانج راوەستاندنا بابەتێن بێپەردە و کارێ نهێنی یە، بەلێ 90 رۆژ ژ رەڤینێ ئارمانجا ئێکێ یە بۆ بجهـ ئینانا وێ.
 
نڤیسین: نهاد رجب